Bigg Boss OTT 2 winner: Youtuber થી બિગ બોસ વિજેતા, જાણો કોણ છે એલ્વિશ યાદવ
બિગ બોસ ઓટીટીની સીઝન 2 (Bigg Boss OTT 2) ઘણી ધમાકેદાર રહી છે. જ્યાં આ સિઝનમાં ટીઆરપીના મામલામાં ઘણા શોને પાછળ છોડી દીધા છે, તો બીજી તરફ યુટ્યુબર એલ્વિશ યાદવે પણ આ સીઝન જીતીને ઈતિહાસ રચ્યો છે. બિગ બોસમાં પહેલીવાર કોઈ વાઈલ્ડ કાર્ડ સ્પર્ધકે ટાઈટલ જીત્યું છે.
Bigg Boss OTT 2 : 8 અઠવાડિયાની વિસ્ફોટક સીઝન પછી, બિગ બોસ OTT 2 આખરે પૂર્ણ થયું છે. વાઈલ્ડ કાર્ડ એન્ટ્રી લેનાર યુટ્યુબર એલ્વિશ યાદવે માત્ર બિગ બોસના ઘરની આખી સિસ્ટમને હચમચાવી દીધી હતી. પરંતુ પોતાના શાનદાર ગેમ પ્લાનથી ઈતિહાસ રચીને તેણે ટાઈટલ જીત્યું છે.
આજ સુધી બિગ બોસમાં વાઈલ્ડ કાર્ડ એન્ટ્રી લેનાર કોઈ પણ સ્પર્ધક ટ્રોફી જીતી શક્યો નથી. પરંતુ એલ્વિશ યાદવે બિગ બોસ ઓટીટી 2 ની સીઝન જીતીને ઈતિહાસ રચી દીધો છે.
એલ્વિશ યાદવે ઘરમાં એન્ટ્રી કરીને પોતાનો દબદબો જાળવી રાખ્યો હતો. માત્ર ઘરમાં જ નહીં, બિગ બોસના ઘરની બહાર પણ એલ્વિશ યાદવને દર અઠવાડિયે લોકોનો ઘણો પ્રેમ મળ્યો છે. જોકે, ઈન્સ્ટાગ્રામ પર 13.7 મિલિયન ફોલોઅર્સનો આંકડો સ્પર્શનાર એલ્વિશ યાદવ પણ કરોડોનો માલિક છે. રિપોર્ટ્સ અનુસાર, એલ્વિશ યાદવ માત્ર 25 વર્ષની ઉંમરમાં જ કરોડો રૂપિયા કમાઈ લે છે.
વાઈલ્ડ કાર્ડ એન્ટ્રી લેનાર એલ્વિશ યાદવે પણ પોતાની હરિયાણવી સ્ટાઈલથી લોકોના દિલ પર રાજ કર્યું છે. બિગ બોસના ઘરમાં સંપૂર્ણ સ્વેગ દેખાડનાર એલ્વિશ યાદવે તેની યુટ્યુબની આ સફર લગભગ 2016 માં શરૂ કરી હતી. 25 વર્ષીય એલ્વિશ યાદવ તેના પરિવાર સાથે હરિયાણાના ગુરુગ્રામમાં રહે છે. જો કે, તેની દેશી સ્ટાઈલને કારણે તે શરૂઆતથી જ સોશિયલ મીડિયા પર ખૂબ જ લોકપ્રિય છે.
બિગ બોસ ઓટીટી સીઝન-2ના વિજેતા એલ્વિશ યાદવને લાખો લોકો YouTube પર ફોલો કરે છે. એલ્વિશની માત્ર એક જ નહીં, પરંતુ ત્રણ યુટ્યુબ ચેનલો છે. જ્યારે તે 'Elvish Yadav' પર તેના ટૂંકા અને રમુજી વીડિયો મૂકે છે, ત્યારે તે બીજી ચેનલ 'Elvish Yadav Vlogs' પર રોજનું અપટેડ શેર કરે છે.
એલ્વિશ યાદવ એક એનજીઓ પણ ચલાવે છે. આટલું જ નહીં, સોશિયલ મીડિયા સિવાય તેની પાસે કપડાંની બ્રાન્ડ પણ છે, જેમાંથી તે ખૂબ પૈસા કમાય છે. આ માહિતી તેણે પોતે બિગ બોસના ઘરમાં આપી હતી.
અહેવાલો અનુસાર, એલ્વિશ યાદવની માસિક કમાણી લગભગ 8 થી 10 લાખ રૂપિયા હોવાનું કહેવાય છે. એટલું જ નહીં, એલ્વિશ યાદવ પણ ખૂબ જ વૈભવી જીવન જીવે છે. રોયલ વાહનોના શોખીન એલ્વિશ યાદવના કાર કલેક્શનમાં કરોડોની કિંમતની ફોર્ચ્યુનર, હ્યુન્ડાઈ વર્ના, સેડાનનો સમાવેશ થાય છે. (all photo : Elvish Yadav facebook)