નવરાત્રી વચ્ચે આ સિંગરના કોન્સર્ટની તમામ ટિકિટ માત્ર 9 મિનિટમાં વેચાઈ ગઈ, જુઓ ફોટો
દિલજીત દોસાંઝ ઈન્ડિયન મ્યુઝિક ઈન્ડસ્ટ્રીમાં ધમાલ મચાવી રહ્યો છે. તેમણે જ્યારથી ઈન્ડિયામાં પોતાના ટુરની જાહેરાત કરી છે. ત્યારેથી ટિકિટ લેવા માટે પડાપડી થઈ રહી છે. આ શહેરમાં તો માત્ર 9 મિનિટમાં કોન્સર્ટની તમામ ટિકિટ વેચાઈ ગઈ હતી.
દિલજીત દોસાંઝનો ક્રેઝ દુનિયાભરમાં છે. કેનેડે, યુએસ, ઓસ્ટ્રેલિયા પછી ન્યુઝીલેન્ડ બાદ ભારત પરત ફર્યા છે. તેના Dil-luminati ટુરની શરુઆત દિલ્હીથી થશે. તેના કોન્સર્ટમાં ખુબ ભીડ જોવા મળતી હોય છે.
દિલ્હી અને જયપુર કોન્સર્ટની ટિકિટ મિનિટોમાં વેચાઈ ગઈ હતી.હવે ફરીથી એવા સમાચાર સામે આવી રહ્યા છે કે, દિલજીત દોસાંઝના કોન્સર્ટની ટિકિટ માત્ર 9 મિનિટમાં વેચાઈ ગઈ છે.ટિકિટમાં કાળાબજારી પણ થઈ રહી છે. દિલજીતના એક ફેન તો કોર્ટ સુધી પહોચ્યો હતો.
એક રિપોર્ટ મુજબ કોન્સર્ટની ટિકિટમાં 3 કેટેગરી છે. સિલ્વર કેટેગરીની ટિકીટ 2499 રુપિયાથી 3499 રુપિયા છે. આ સિવાય19,999 પણ છે. આટલી મોંઘી ટિકિટ હોવા છતાં થોડી જ મિનિટોમાં ટિકિટ વેચાઈ ગઈ હતી.
દિલજીત પોતાનો ઈન્ડિયા ટુર દિલ્હીથી શરુ કરશે. અહિ માત્ર 26 ઓક્ટોબરના રોજ કોન્સર્ટ થવાનો છે. જયપુરમાં 3 નવેમ્બરના રોજ પરફોર્મન્સ આપશે. આ સિવાય અન્ય શહેરો જેવા કે, કોલકાતા,લખનઉ, અમદાવાદ, ઈન્દોર,ચંદીગઢ,ગુહાટી,પુણે, બેંગ્લોર અને હૈદરાબાદ પણ દિલ -લુમિનાટી ટુર પ્લાન છે. જેની ટિકિટનું બુકિંગ પણ ટુંક સમયમાં શરુ થશે.
પંજાબી સિંગર અને અભિનેતા દિલજીત દોસાંઝ મ્યુઝિકલ ટુર પર છે. બુધવારના રોજ જર્મીનમાં તેનો કોન્સર્ટ હતો. આ દરમિયાન તેમને રતન ટાટાના નિધનના સમાચાર મળતા. દિલજીતે સ્ટેજ પરથી રતન ટાટાને શ્રદ્ધાંજલિ આપી હતી.