વિજય દેવરકોંડા સાથે અનન્યા પાંડેએ શેયર કર્યા ફોટો, લખી દિલને સ્પર્શી જાય તેવી વાત
અનન્યા પાંડે (Ananya Panday) અને વિજય દેવરકોંડાની આ ફિલ્મ લાઈગર (Liger) આવતીકાલે એટલે કે 25 ઓગસ્ટે થિયેટરોમાં રિલીઝ થઈ રહી છે. આ ફિલ્મમાં રામ્યા કૃષ્ણન અને માઈક ટાયસન પણ જોવા મળશે.
અનન્યા પાંડે અને વિજય દેવરકોંડા હાલમાં ફિલ્મ લાઈગરના પ્રમોશનમાં બિઝી છે. લાઈગર ફિલ્મથી અનન્યા પાંડે સાઉથમાં ડેબ્યૂ કરવા જઈ રહી છે. તો એ જ રીતે વિજય દેવરકોંડા પણ આ ફિલ્મથી બોલિવૂડમાં ડેબ્યૂ કરશે.
હાલમાં જ અનન્યા પાંડેએ તેની ઈન્સ્ટાગ્રામ પોસ્ટ શેર કરીને ફેન્સનો આભાર માન્યો છે. આ સાથે અનન્યાએ દિલને સ્પર્શી જાય તેવી વાત લખી છે.
અનન્યાએ કેપ્શનમાં લખ્યું – 34 દિવસ, 20 ફ્લાઈટ્સ અને 17 શહેરો – જે અમને આગળ લઈ જઈ રહ્યું છે તે તમારા બધાનો પ્રેમ. તમે અમને દરેક શહેરમાં જે પ્રેમ અને ખુશીઓ આપી છે તેનાથી અમે ખૂબ જ ખુશ છીએ. હું તેને ક્યારેય ભૂલીશ નહીં.
અનન્યાએ આગળ લખ્યું- અમારી ફિલ્મ લાઈગર આવતીકાલે રિલીઝ થઈ રહી છે!!!! અમે તમારા માટે બધું કર્યું છે. એન્જોય #LIGER. આ સાથે વિજય દેવરકોંડાનો પણ આભાર માન્યો હતો. હું બીજા કોઈ સાથે આ સાહસ કરવાની કલ્પના કરી શકતી નથી. તમે સારા છો, તમે જેવા છો તેવા હોવા બદલ આભાર.
તમને જણાવી દઈએ કે આ ફિલ્મ 25 ઓગસ્ટે થિયેટરોમાં રિલીઝ થઈ રહી છે. અનન્યા પાંડેની આ પોસ્ટ પર સેલેબ્સ અને ફેન્સ પણ કોમેન્ટ કરી રહ્યા છે. ફિલ્મમાં રામ્યા કૃષ્ણન અને માઈક ટાયસન પણ જોવા મળશે.