Photos: ‘બ્રહ્માસ્ત્ર’ની સફળતા બાદ સોમનાથ દાદાના દર્શને પહોંચ્યો રણબીર કપૂર, સાથે જોવા મળ્યો અયાન મુખર્જી
રણબીર કપૂર (Ranbir Kapoor) અને આલિયા ભટ્ટની ફિલ્મ 'બ્રહ્માસ્ત્ર'એ બોક્સ ઓફિસ પર ધૂમ મચાવી છે. સમગ્ર વિશ્વમાં આ ફિલ્મે અપેક્ષા કરતાં વધુ કમાણી કરી છે. કરણ જોહરના ધર્મા પ્રોડક્શનના બેનર હેઠળ બનેલી ફિલ્મ બ્રહ્માસ્ત્રના ત્રણ ભાગ છે. પહેલો ભાગ 9 સપ્ટેમ્બરે રિલીઝ થયો હતો. આ ફિલ્મે બોક્સઓફિસ પર શાનદાર પ્રદર્શન કર્યું છે.
રોકસ્ટાર રણબીર કપૂર અને નિર્દેશક અયાન મુખર્જીએ પવિત્ર સોમનાથ મંદિરમાં દર્શન કરી આશીર્વાદ લીધા હતા અને 'બ્રહ્માસ્ત્ર પાર્ટ વન: શિવા'ને વર્ષ 2022ની સૌથી સફળ ફિલ્મ બનાવવા બદલ ફેન્સનો આભાર વ્યક્ત કર્યો.
બ્રહ્માસ્ત્ર આલિયાના કરિયરની અત્યાર સુધીની સૌથી મોટી ઓપનિંગ ફિલ્મ બની ગઈ છે. રણબીર કપૂર અને આલિયા ભટ્ટ સ્ટારર આ ફિલ્મ પહેલેથી જ દુનિયાભરમાં રેકોર્ડ તોડી રહી છે.
આ ફિલ્મમાં રણબીર અને આલિયા સિવાય અમિતાભ બચ્ચન, મૌની રોય અને નાગાર્જુન અક્કીનેની પણ મુખ્ય ભૂમિકામાં છે. આ ફિલ્મમાં શાહરૂખ ખાન પણ છે, જે ફિલ્મમાં કેમિયો કરતો જોવા મળ્યો હતો. દર્શકોને આ ફિલ્મ ખૂબ જ પસંદ આવી રહી છે.
બ્રહ્માસ્ત્રની સફળતા બાદ રણબીર કપૂરે કહ્યું, “હું ખરેખર દરેક ચાહકો અને દર્શકોને હું દિલથી આભાર કહું છું. મને લાગે છે કે દર્શકોને થિયેટરોમાં પાછા લાવવા માટે આ એક શાનદાર ફિલ્મ છે અને આગળ કહ્યું પ્યાર સે બડા કોઈ બ્રહ્માસ્ત્ર નહી હોતા.
આ ફિલ્મ બ્રહ્માસ્ત્રના પ્રમોશન માટે રણબીર કપૂર, આલિયા ભટ્ટ અને નિર્દેશક અયાન મુખર્જી ઉજ્જૈન પણ ગયા હતા. પરંતુ તેઓ મહાકાલના દર્શન કરે તે પહેલા જ તેમને વિરોધનો સામનો કરવો પડ્યો હતો. મહાકાલના દર્શન કરવા મંદિર પહોંચે તે પહેલા બજરંગ દળના કાર્યકર્તાઓ મંદિરના દ્વાર પર પહોંચી ગયા હતા. તેઓએ શ્રી રામના નારા લગાવતા હંગામો શરૂ કર્યો.