અલ્ટો-નેનોને ભૂલી જાઓ…2.50 લાખમાં લાવો આ ઈલેક્ટ્રિક જીપ, ઘરે બેઠા મળશે ડિલિવરી
બેટરી પેકને કારણે ઇલેક્ટ્રિક કાર મોંઘી છે. એટલા માટે ઘણા લોકો તેને ખરીદી શકતા નથી. પરંતુ એક ઇલેક્ટ્રિક જીપ છે જેને ઈવીમાં ફેરવવામાં આવી છે. આ જીપને જોઈને તમને જૂની જીપ યાદ આવી જશે. આજે અમે તમને આ જીપની રેન્જ અને તેના ફીચર્સ તેમજ ઘરે બેઠા કેવી રીતે ડિલિવરી મેળવી શકશો તેની માહિતી આપીશું.
જીપ EVના સસ્પેન્શન સેટઅપ વિશે વાત કરીએ તો, રોયલ એનફિલ્ડ મોટરસાઇકલમાંથી લેવામાં આવેલા સસ્પેન્શન સ્ટ્રટ્સ ચારેય ખૂણામાં લગાવવામાં આવ્યા છે. પાવરટ્રેનની દ્રષ્ટિએ તેમાં 1500 વોટની EV મોટર છે, જે મહત્તમ 2 bhp પાવર અને 9 Nm ટોર્ક જનરેટ કરે છે. રેન્જ વિશે વાત કરીએ તો, એકવાર સંપૂર્ણ ચાર્જ થઈ ગયા પછી આ જીપ EV લગભગ 70 કિમીનું અંતર કાપે છે.
આ જીપના ડેશબોર્ડ પર એક નાનો સ્ટોરેજ છે અને સ્પીડ અને બેટરી વિશે માહિતી આપતું નાનું ડિજિટલ મીટર છે. આ સિવાય ઈન્ટિરિયર ખૂબ જ ક્લિયર છે, તેની મધ્યમાં ફ્રન્ટ અને રિવર્સ ગિયર્સ સાથે કસ્ટમ સ્ટીયરિંગ વ્હીલ છે. કારના પાછળના ભાગમાં માત્ર બે ટેલ લાઇટ આપવામાં આવી છે.
ગ્રીન માસ્ટરની વેબસાઇટ પર Jeep EVની કિંમત 2.60 લાખ રૂપિયા છે. ગ્રીન માસ્ટરની વેબસાઈટ પર રહેલા કોન્ટેક્ટ નંબર પર કોલ કરીને તમે તેને ઘરે બેઠા ઓર્ડર કરી શકો છો. કંપની તમારા ઘરે ડિલિવરી સુવિધા આપશે. જો કે, ટ્રાન્સપોર્ટેશન ચાર્જ અલગથી ભરવાનો રહેશે. (Image - green master)
