સદીઓ જૂના છતાં આજે પણ મજબૂત: જાણો ભારતના એ પુલો વિશે, જે આજે પણ અડીખમ ઊભા છે
આપણે રોજબરોજ મુસાફરી કરતી વખતે અનેક આધુનિક પુલો જોઈએ છીએ, પરંતુ શું તમે ક્યારેય વિચાર્યું છે કે ભારતમાં એવા પણ પુલો છે જે સદીઓ જૂના હોવા છતાં આજે પણ અડીખમ ઊભા છે? આ પુલો માત્ર ઇતિહાસના સાક્ષી નથી, પરંતુ ભારતીય ઇજનેરીના અદ્ભુત નમૂનાઓ પણ છે. ભારતના એવા જ સૌથી જૂના અને મજબૂત પુલો વિશે જાણીએ.
દિલ્હીમાં, મુઘલ યુગનો એક પુલ હજુ પણ કાર્યરત છે. નિઝામુદ્દીન વિસ્તારમાં બનેલો આ પુલ બારાપુલા બ્રિજ તરીકે ઓળખાય છે, કારણ કે તે 12 થાંભલાઓ પર ટકે છે. તે 1628માં મુઘલ સમયગાળા દરમિયાન મિનાર બાનુ આગા દ્વારા બનાવવામાં આવ્યો હતો, જ્યારે જહાંગીરે દિલ્હી પર શાસન કર્યું હતું.
લોખંડનો પુલ પુલ નં. 249: 1866માં દિલ્હીમાં યમુના નદી પર બનેલો આ પુલ હજુ પણ કાર્યરત છે. તેને ભારતનો પ્રથમ મોટો લોખંડનો રેલ્વે પુલ માનવામાં આવે છે.
ગોલ્ડન બ્રિજ: ગુજરાતના ભરૂચ જિલ્લામાં 1881માં નર્મદા નદી પર બનેલો પુલ હજુ પણ રોડ ટ્રાફિક માટે ઉપયોગમાં લેવાય છે.
શાહી પુલ: ઉત્તર પ્રદેશના જૌનપુરમાં 1564માં બનેલો આ પુલ હજુ પણ હળવા વાહનો માટે ઉપયોગમાં છે.
નામદંગ પુલ: આસામમાં 1703માં બનેલો આ પુલ એક જ પથ્થરથી બનેલો છે અને હજુ પણ હળવા વાહનો માટે ઉપયોગમાં છે.
એકલા ભારતીય રેલ્વે પાસે આવા 38 હજારથી વધુ પુલ છે, જે સો વર્ષથી વધુ જૂના છે. તેમનું સમયાંતરે નિરીક્ષણ અને સમારકામ કરવામાં આવે છે. આ હજુ પણ ઉપયોગમાં છે. (All photos credit: google and social media)
