Budget 2023: મોદી સરકારના રાજમાં તૂટી બજેટ સાથે જોડાયેલી આ 5 પરંપરા, પહેલીવાર બની શકે છે આ ઘટના
Union Budget 2023 : વર્ષ 2014માં નરેન્દ્ર મોદીની સરકાર આવ્યા બાદ દેશમાં અનેક પરંપરાઓ તૂટી છે. છેલ્લા વર્ષોમાં બજેટ સાથે જોડાયેલી કેટલીક પરંપરાઓ પર બદલાઈ છે. ચાલો જાણીએ તેના વિશે.
આવતી કાલે 1 ફેબ્રુઆરીના રોજ નાણાં મંત્રી નિર્મલા સીતારમણ સંસદમાં બજેટ રજૂ થશે. ચાલો જાણીએ બજેટ સાથે જોડાયેલી કેટલીક રોચક વાતો.
અંગ્રેજોના જમાનાથી બજેટ 28 ફેબ્રુઆરીએ રજૂ કરવામાં આવતું હતું. પણ વર્ષ 2017થી આ બજેટ 1 ફેબ્રુઆરીએ રજૂ થાય છે. વર્ષ 2017થી અરુણ જેટલીએ 1 ફેબ્રુઆરી બજેટ રજૂ કરવાની શરુઆત કરી હતી. આ ફેરફાર પાછળનું કારણ એ હતુ કે પહેલા બજેટ બાદ 1 એપ્રિલ પહેલા બજેટના પ્રાવધાનો લાગુ કરવામાં સમસ્યા થતી હતી.
અંગ્રેજોના સમયથી વર્ષ 2016 સુધી સામાન્ય બજેટ અને રેલ બજેટ અલગ અલગ રજૂ થતું હતું. પણ વર્ષ 2016થી રેલ બજેટને પણ સામાન્ય બજેટમાં જ સામેલ કરવામાં આવ્યું હતું.
Budget 2023
વર્ષ 2022માં કોરોના માહામારીને કારણે બજેટ પહેલાની હલવા સેરેમની થઈ ન હતી. તેની જગ્યાએ સ્ટાફને તેમના કાર્યસ્થળ પર જ 'લોક ઈન'ના સમય દરમિયાન મિઠાઈ પહોંચાડવામાં આવી હતી.
વર્ષ 2015માં યોજના આયોગને સમાપ્ત કરીને નીતિ આયોગની રચના કરવામાં આવી. આ ફેરફારને કારણે પંચ વર્ષીય યોજના ખત્મ થઈ હતી.
આ વખતે બજેટ સાથે જોડાયેલી વધુ એક પરંપરા તૂટવાની પૂરે પૂરી સંભાવના છે. મળતી માહિતી અનુસાર, આ વખતે બજેટ નવા સંસંદ ભવનમાં રજૂ થઈ શકે છે. જોકે તેના પર હાલમાં કોઈ આધિકારિક જાહેરાત કરવામાં આવી નથી.
Published On - 10:32 pm, Tue, 31 January 23