BSNL એ કરોડો યુઝર્સને કરાવી દીધી મોજ ! હવે 84 દિવસના પ્લાનમાં મળશે ફ્રી ડેટા, જાણો અહીં
BSNL તેના 84 દિવસના સૌથી સસ્તા પ્લાનમાં તેના યુઝર્સને 3GB ફ્રી ડેટા ઓફર કરી રહી છે. આ સિવાય કંપનીનો આ પ્લાન અનલિમિટેડ વોઈસ કોલિંગ અને ડેટા જેવા ફાયદાઓ સાથે આવે છે.
BSNL એ તેના કરોડો મોબાઈલ યુઝર્સને ફરી એકવાર સારા સમાચાર આપ્યા છે. કંપનીએ તેના એક પ્રીપેડ રિચાર્જ પ્લાનમાં વધારાનો ડેટા આપવાનું નક્કી કર્યું છે.
ભારત સંચાર નિગમ લિમિટેડે છેલ્લા કેટલાક મહિનામાં વપરાશકર્તાઓ માટે ઘણી જબરદસ્ત ઑફર્સ રજૂ કરી છે. તાજેતરમાં કંપનીએ એક સાથે 7 નવી સેવાઓ શરૂ કરી છે. આ ઉપરાંત તેણે તેના બે દાયકા જૂના લોગો અને સ્લોગનને બદલવાનું કામ પણ કર્યું છે. આ પ્રસંગે કંપનીના ચેરમેને કહ્યું હતું કે નજીકના ભવિષ્યમાં BSNLના પ્લાન મોંઘા નહીં થાય. કંપની હાલમાં ઈન્ફ્રાસ્ટ્રક્ચર ડેવલપમેન્ટ પર ધ્યાન આપી રહી છે, જેથી વધુને વધુ યુઝર્સ આવી શકે.
BSNL એ તેના સત્તાવાર X હેન્ડલ પરથી વધારાનો ડેટા આપવાની જાહેરાત કરી છે. કંપની તેના યુઝર્સને 84 દિવસના રિચાર્જ પ્લાન સાથે આ ઓફર કરી રહી છે. BSNLની સોશિયલ મીડિયા પોસ્ટ અનુસાર, આ ઓફર કંપનીના 599 રૂપિયાના પ્રીપેડ રિચાર્જ પ્લાન સાથે આપવામાં આવશે.
આ રિચાર્જ પ્લાનમાં યુઝર્સને દરરોજ 3GB ડેટા અને 100 ફ્રી SMSનો લાભ મળે છે. આ 84-દિવસના રિચાર્જ પ્લાનમાં યુઝર્સને અનલિમિટેડ કોલિંગ, ફ્રી નેશનલ રોમિંગ સહિત અન્ય ઘણા ફાયદા પણ મળે છે.
સરકારી ટેલિકોમ કંપનીની આ પ્રીપેડ ઓફરનો લાભ ફક્ત BSNLની સેલ્ફ કેર એપ દ્વારા જ મેળવી શકાય છે. યુઝર્સે પોતાનો BSNL નંબર રિચાર્જ કરવા માટે સેલ્ફ કેર એપનો ઉપયોગ કરવો પડશે. વપરાશકર્તાને આ સસ્તા પ્રીપેડ રિચાર્જ પ્લાનમાં Zing, PRBT, Astrotell અને GameOnService વેલ્યુ એડેડ સેવાઓનો લાભ પણ મળશે.