Great Khali Birthday: ખલી કેટલા નંબરના શૂઝ પહેરે છે? તેના શરીર વિશે કેટલીક આશ્ચર્યજનક હકીકતો જાણો
Great Khali Birthday: હિમાચલ પ્રદેશના સિરમૌરનાં દલીપ સિંહ રાણાના રુપમાં જન્મેલા વ્યક્તિ પોતાની ઉંચાઈ અને વજનના કારણે અલગ જ ઓળખ ઉભી કરી છે. આ સાથે તેમણે દુનિયાભરમાં પોતાની અને ભારતની એક મજબુત ઓળખ બનાવી છે.
પ્રોફેશનલ રેસલિંગની દુનિયામાં ભારતનું નામ અને પોતાની છાપ છોડનાર ધ ગ્રેટ ખલી એટલે કે, દલીપ સિંહ રાણા 54 વર્ષના થયા છે.
27 ઓગસ્ટ 1972ના હિમાચલ પ્રદેશના સિરમૌર જિલ્લામાં જન્મેલા રાણાએ ધ ગ્રેટ ખલીના નામથી પોતાની ઓળખ બનાવી છે.
ગ્રેટ ખલીની બોડીની વાત કરીએ તો સૌથી પહેલા તેની હાઈટ અને વજનની વાત આવે છે. ખલીની ઉંચાઈ 7 ફીટ અને 1 ઈંચ અંદાજે 215 સેન્ટીમીટર છે. જ્યારે તેનું વજન અંદાજે 157 કિલોની આસપાસ છે.
હવે શરીર આટલું ઉંચું છે તો વજન આટલું છે તો બાઈસેપ્સ અને ચેસ્ટ પણ દમદાર હશે. WWEના રેકોર્ડ મુજબ ખલીની છાતી અંદાજે 63 ઈંચની છે. જે WWEમાં સૌથી શાનદાર માનવામાં આવે છે. જ્યારે તેની કમર 46 ઈંચ અને બાઈસેપ્સ 25 ઈંચના છે.
પરંતુ જે કારણે ખલી સૌથી મજબુત થયા. તે તેના હાથની ગ્રિપ, જેનાથી બીજા રેસલરનું માથું પકડી નીચે નાંખી દે છે. તેનું કારણ તેની હથેળી છે. જે ફેલાવાથી અંદાજે 12 ઈંચ એટલે કે, 1 ફીટ સુધી પહોંચી જાય છે. આ માટે તેનું ફેમસ ફિનિશિંગ મૂવ 'Khali Vise Grip' શાનદાર હતો.
હવે આટલું ભારે ભરખમ શરીર છે. તો કપડા અને શૂઝ પણ એવા જ હશે. જાણકારી મુજબ ખલી 18 નંબરના શૂઝ પહેરે છે. જે ખાસ રીતે બનાવવામાં આવે છે. આ સાથે તેના કપડા પણ બનાવવામાં આવે છે.( all Photo: Getty Images)
