Breaking News : અંજુ બોબી જ્યોર્જનો 22 વર્ષ જૂનો રેકોર્ડ તૂટ્યો, એન્સી સોજને ઇતિહાસ રચ્યો
ભુવનેશ્વરમાં ચાલી રહેલી ઈન્ટર-સ્ટેટ ચેમ્પિયનશીપમાં સતત નેશનલ રેકોર્ડ તુટી રહ્યા છે. પરંતુ આમાં ખાસ રેકોર્ડ કેરળની એન્સી સોજનાએ તોડ્યો છે. તેમણે અંજુ બોબીનો 2024નો રેકોર્ડ તોડ્યો છે.
ઓડીશાની રાજધાની ભુવનેશ્વરમાં ચાલી રહેલી 65મી નેશનલ ઈન્ટર-સ્ટેટ એથલેટિક્સ ચેમ્પિયનશીપમાં સતત રેકોર્ડ તુટી રહ્યા છે પરંતુ 27 જૂનના રોજ કેરળની એન્સી સોજનાએ એક એવો રેકોર્ડ તોડ્યો છે. જે છેલ્લા 22 વર્ષથી કોઈએ તોડ્યો ન હતો.
લોન્ગ જમ્પમાં એન્સી સોજનાએ ભારતની દિગ્ગજ જમ્પર અંજુ બોબીનો રેકોર્ડ તોડ્યો છે.
25 વર્ષની એન્સીએ મહિલાઓની લોન્ગ જમ્પમાં 6.88 મીટરની સાથે નવો નેશનલ રેકોર્ડ બનાવી ઈતિહાસ રચ્યો છે. તેમજ ગોલ્ડ મેડલ જીતવાની સાથે એશિયન ગેમ્સ માટે પણ ક્વોલિફાય કર્યું છે.
આ પહેલા આ મહાન રેકોર્ડ ભારતીય એથલીટ અંજુ બોબી જોર્જના નામે હતો. જેમણે એથેન્સ ઓલિમ્પિક 2004માં 6.83 મીટરની સાથે જમ્પ કર્યો હતો. છેલ્લા 22 વર્ષથી કોઈ પણ આ રેકોર્ડ તોડી શક્યું ન હતુ કે, આ રેકોર્ડની નજીક પહોંચ્યું હતુ.
27 જૂનના રોજ ભારતીય જમ્પર્સ માટે શાનદાર રહ્યું કારણ કે, માત્ર એન્સી જ નહી પરંતુ સર્વેશ કુશારે પણ એક નવો રેકોર્ડ બનાવ્યા હતો. મહારાષ્ટ્રના સર્વેશ મેન્સ હાઈ જમ્પમાં 2.31 મીટરની સાથે નવો નેશનલ રેકોર્ડ બનાવ્યો હતો.
કુશારે 2.30 મીટર કે તેનાથી વધારે જમ્પ કરનાર ભારતનો પહેલો એથલીટ બન્યો છે.તેમણે આ મામલે તેજસ્વિન શંકરનો 2018માં બનાવેલો 2.29 મીટરનો રેકોર્ડ તોડ્યો છે. સર્વેશ ગત્ત વર્ષે ટોક્યોમાં વર્લ્ડ ચેમ્પિયનશીપમાં સામેલ થયો હતો. (Photo: PTI/Getty Images)
