Bipasha Basu Net Worth: બે લગ્ન કરનાર અભિનેતાની ત્રીજી પત્ની બનેલી બિપાશા બાસુ કેટલી અમીર છે? જાણો
24 વર્ષ પહેલાં અક્ષય કુમારની ફિલ્મ દ્વારા બોલિવૂડમાં પ્રવેશ કરનાર બિપાશા બાસુએ સારું નામ કમાવવામાં સફળતા મેળવી છે. સાથે જ તેણે ઘણી સંપત્તિ પણ કમાઈ છે. ચાલો આજે જાણીએ કે બિપાશા બાસુ કેટલા કરોડની નેટ વર્થ ધરાવે છે?
46 વર્ષીય બિપાશા બાસુનો જન્મ 7 જાન્યુઆરી 1979 ના રોજ નવી દિલ્હીમાં થયો હતો. બંગાળી પરિવાર સાથે સંબંધ રાખતી બિપાશાએ 2001 માં આવેલી ફિલ્મ 'અજનબી' થી બોલિવૂડમાં પ્રવેશ કર્યો હતો. આ ફિલ્મમાં અક્ષય કુમાર અને કરીના કપૂર ખાન જેવા મોટા સ્ટાર્સ હતા. બોબી દેઓલ પણ તેનો ભાગ હતા. મહત્વનું છે કે હવે મૃણાલ ઠાકુરના એક જૂના વીડિયોને કારણે સમાચારમાં હતી
બિપાશા બાસુની ગણતરી બોલિવૂડની સૌથી ધનિક અભિનેત્રીઓમાં થાય છે. બોલિવૂડ શાદીઝના અહેવાલ મુજબ, તેની કુલ મિલકત 113 કરોડ રૂપિયા છે. આમાં અભિનેત્રીનું 16 કરોડ રૂપિયાનું ઘર પણ શામેલ છે. બિપાશા બ્રાન્ડ એન્ડોર્સમેન્ટ માટે 2 કરોડ રૂપિયાની મોટી રકમ લે છે. જો આપણે તેના કાર કલેક્શન પર નજર કરીએ તો, અભિનેત્રી પાસે ઓડી ક્યૂ અને ટોયોટા ફોર્ચ્યુનર જેવી લક્ઝરી કાર છે.
બિપાશાના અંગત જીવનની વાત કરીએ તો, તે લગભગ દસ વર્ષ સુધી જોન અબ્રાહમ સાથે રિલેશનશિપમાં રહી. બાદમાં બંને અલગ થઈ ગયા. પછી તેણે 2016 માં કરણ સિંહ ગ્રોવર સાથે લગ્ન કર્યા. હવે બંનેને એક પુત્રી છે. તમને જણાવી દઈએ કે બિપાશા સાથે લગ્ન કરતા પહેલા કરણે બે વાર લગ્ન કર્યા હતા. બંને વખત છૂટાછેડા લીધા હતા. તેના પહેલા લગ્ન શ્રદ્ધા નિગમ સાથે અને બીજા લગ્ન જેનિફર વિંગેટ સાથે હતા.
