પેન્શનધારકો ધ્યાન રાખજો ! ઓનલાઈન ‘Life Certificate’ કેવી રીતે સબમિટ કરવું ? જો આ નહીં ખબર હોય તો અટકી જશે ‘પેન્શન’
'Life Certificate' સબમિટ કરવાની છેલ્લી તારીખ 30 નવેમ્બર, 2025 છે. જો તમે 30 નવેમ્બર પહેલા આ અગત્યનું કામ પૂર્ણ નહીં કરો, તો તમારું પેન્શન અટકી શકે છે.
ઘણા વરિષ્ઠ નાગરિકો તેમનું જીવન પ્રમાણપત્ર સબમિટ કરવા માટે મુસાફરી કરી શકતા નથી. જો કે, આ નાગરિકો હવે ઓનલાઈન ઘરે બેઠા પણ આ કામ કરી શકે છે. જીવન પ્રમાણપત્ર ઓનલાઈન સબમિટ કરવાની બે રીતો છે. આમાં 'ફેસ ઓથેન્ટિકેશન' અને 'આધાર બેઝ્ડ ડિજિટલ લાઇફ સર્ટિફિકેટ'નો સમાવેશ થાય છે.
ફેસ વેરિફિકેશન દ્વારા જીવન પ્રમાણપત્ર સબમિટ કરવું ખૂબ જ સરળ છે. જો તમે પણ ફેસ વેરિફિકેશન પ્રોસેસ દ્વારા તમારું જીવન પ્રમાણપત્ર સબમિટ કરવા માંગતા હોવ, તો સૌથી પહેલા તમારા મોબાઇલ ફોન પર 'જીવન પ્રમાણપત્ર' એપ્લિકેશન ડાઉનલોડ કરો. આ પછી, તમારી બધી વ્યક્તિગત વિગતો, જેમ કે મોબાઇલ નંબર, આધાર નંબર-ઇમેઇલ ID, જીવન પ્રમાણપત્ર એપ્લિકેશનમાં દાખલ કરો.
હવે આગળ તમારા રજિસ્ટર્ડ મોબાઇલ નંબર અથવા ઇમેઇલ એડ્રેસ પર પ્રાપ્ત થયેલ OTP દાખલ કરો. OTP વેરિફિકેશન પછી એપ્લિકેશન પર 'ફેસ સ્કેન' ઓપ્શન દેખાશે, જ્યાં તમારે "હા" પર ક્લિક કરવાનું રહેશે. આટલું કર્યા બાદ "I Am Aware" પર ક્લિક કરતાં જ સ્કેન શરૂ થઈ જશે.
બસ આટલી પ્રોસેસ પૂર્ણ કર્યા પછી તમારું જીવન પ્રમાણપત્ર તમારા PPO નંબર (Pension Payment Order) અને ID સાથે સબમિટ કરવામાં આવશે.
નોંધનીય છે કે, તમે આધાર વેરિફિકેશન દ્વારા પણ જીવન પ્રમાણપત્ર સબમિટ કરી શકો છો. જો તમે આધાર દ્વારા તમારું જીવન પ્રમાણપત્ર સબમિટ કરવા માંગતા હોવ, તો તમારે સત્તાવાર વેબસાઇટ www.jeevanpramaan.gov.in ની મુલાકાત લેવી પડશે અને ત્યાંથી 'ડિજિટલ લાઇફ સર્ટિફિકેટ' એપ્લિકેશન ડાઉનલોડ કરવી પડશે.
હવે તમે તમારી બધી વ્યક્તિગત માહિતી (આધાર નંબર અને બેંક એકાઉન્ટ નંબર) દાખલ કરો. આટલું કર્યા બાદ તમારે બાયોમેટ્રિક વેરિફિકેશન પૂર્ણ કરવું પડશે, જે તમે તમારા નજીકના કોમન સર્વિસ સેન્ટર, સરકારી ઓફિસ અથવા બેંક શાખામાં કરી શકો છો.
જો વ્યક્તિ પહેલાથી જ સિસ્ટમમાં રજીસ્ટર્ડ હોય, તો તેણે ફક્ત તેનો આધાર નંબર આપવો પડશે અને ડિજિટલ લાઇફ સર્ટિફિકેટ અપડેટ થઈ જશે. એકવાર ડિજિટલ લાઇફ સર્ટિફિકેટ સબમિટ થઈ જાય પછી તમને તમારા રજિસ્ટર્ડ મોબાઇલ નંબર પર એક યુનિટ ID કોડ પ્રાપ્ત થશે, જેનો ઉપયોગ તમે 'જીવન પ્રમાણપત્ર' ડાઉનલોડ કરવા માટે કરી શકો છો.
Published On - 7:44 pm, Tue, 7 October 25
