અમદાવાદથી ગાંધીનગર અપ-ડાઉન માટે શોધી રહ્યા છો સસ્તી બાઇક ? તો આ ઓપ્શન છે તમારા માટે બેસ્ટ
જો તમે દરરોજ અમદાવાદથી ગાંધીનગર અપ-ડાઉન કરો છો અને આ માટે સસ્તી અને સારી બાઈક શોધી રહ્યો છો તો આજે અમે તમને આ લેખમાં તમારી જરૂરિયાત મુજબની કેટલીક બાઈક વિશે જણાવીશું, જે તમારા માટે સારો ઓપ્શન સાબિત થઈ શકે છે.
જો તમે એવી બાઇક શોધી રહ્યા છો જે રોજીંદી મુસાફરી માટે યોગ્ય હોય, તો આ સમાચાર તમારા માટે ઉપયોગી થઈ શકે છે. અહીં અમે તમને કેટલાક બેસ્ટ ઓપ્શન જણાવવા જઈ રહ્યા છીએ જે ખાસ કરીને અમદાવાદથી ગાંધીનગર અપ-ડાઉન માટે માટે બેસ્ટ સાબિત થઈ શકે છે.
પ્રથમ બાઇક Bajaj Freedom 125 CNG છે, જે વિશ્વની પ્રથમ CNG બાઇક છે. આ બાઇકની શરૂઆતની કિંમત 95 હજાર રૂપિયા છે અને ટોપ-એન્ડ ડિસ્ક LED વેરિઅન્ટની કિંમત 1.10 લાખ રૂપિયા (એક્સ-શોરૂમ) છે. આ બાઇકનું મેન્ટેનન્સ ઓછું છે અને બાઇકનું માઇલેજ પણ ખૂબ જ સારું છે.
બજાજની આ CNG બાઇક પેટ્રોલ અને CNG બંને પર ચાલે છે. તેનું એન્જિન 9.5 PSનો પાવર અને 9.7 Nmનો ટોર્ક જનરેટ કરે છે. કંપનીનો દાવો છે કે આ બાઈક CNG પર 102 કિમી પ્રતિ કિલો માઈલેજ આપે છે. આ સિવાય તે પેટ્રોલ પર 64 કિમી પ્રતિ લીટરની માઈલેજ આપે છે.
બીજી બાઇક Hero Splendor Plus છે, જેની અમદાવાદમાં એક્સ-શોરૂમ કિંમત 77,172 રૂપિયા છે. રેગ્યુલર મોડલની જેમ આ બાઇકમાં એર કૂલ્ડ 97.2cc સ્લોપર એન્જિન છે જે 8000rpm પર 8.02hp પાવર અને 6000rpm પર 8.05Nm ટોર્ક જનરેટ કરે છે.
બાઇકનું એન્જિન 4-સ્પીડ ગિયરબોક્સ સાથે જોડાયેલું છે, જે 100 સીસી કમ્પ્યુટર બાઇક માટે છે. કંપનીનો દાવો છે કે આ બાઈક 70 kmplની માઈલેજ છે. તેમાં હીરોની i3s સ્ટાર્ટ-સ્ટોપ સિસ્ટમનો ઉપયોગ કરવામાં આવ્યો છે.
ત્રીજી બાઇક Honda SP 125 છે. ભારતમાં Honda SP 125ની કિંમત 88,345 રૂપિયાથી શરૂ થાય છે, જે 92,345 રૂપિયા સુધી જાય છે. આ Honda બાઈક બે વેરિઅન્ટમાં ઉપલબ્ધ છે, જેમાં Honda SP 125 Drum અને Honda SP 125 ડિસ્કનો સમાવેશ થાય છે. આ બાઇકની માઈલેજ 64 kmpl છે.