બાબા રામદેવ વેચશે વીમા પોલિસી ! પતંજલિ આયુર્વેદ ખરીદશે અદાર પૂનાવાલાની મેગ્મા ઇશ્યોરેંસ
Baba Ramdev's entry in Insurance Sector: બાબા રામદેવની પતંજલિ આયુર્વેદ અને રજનીગાંધી બ્રાન્ડની માલિકી ધરાવતું DS ગ્રુપ હવે વીમા ક્ષેત્રમાં પ્રવેશ કરશે. એક્સચેન્જ ફાઈલિંગમાં આપવામાં આવેલી માહિતી અનુસાર, અદાર પૂનાવાલાની સનોતી પ્રોપર્ટીઝે મેગ્મા જનરલ ઈન્સ્યોરન્સમાં તેનો હિસ્સો વેચવાનો નિર્ણય કર્યો છે. જાણો આ ડીલમાં કેટલો ખર્ચ થશે અને કોણ વેચી રહ્યું છે અને કોણ તેમાં હિસ્સો ખરીદી રહ્યું છે?
માત્ર સનોતી પ્રોપર્ટીઝ મેગ્મા જનરલ ઈન્સ્યોરન્સમાં તેનો હિસ્સો બાબા રામદેવની પતંજલિ આયુર્વેદને વેચી રહી છે એટલું જ નહીં, આ સિવાય અન્ય કેટલીક કંપનીઓ પણ તેમનો હિસ્સો વેચી રહી છે. સનોતી પ્રોપર્ટીઝ ઉપરાંત, જે મોટા વિક્રેતાઓએ તેમનો હિસ્સો વેચ્યો તેમાં સેલિકા ડેવલપર્સ પ્રાઇવેટ લિમિટેડ, જગુઆર એડવાઇઝરી સર્વિસ પ્રાઇવેટ લિમિટેડ, એચડીએફસીના ભૂતપૂર્વ ચેરમેન કેકી મિસ્ત્રી, અતુલ ડીપી ફેમિલી ટ્રસ્ટ, શાહી સ્ટર્લિંગ એક્સપોર્ટ્સ પ્રાઇવેટ લિમિટેડ, ક્યુઆરજી ઇન્વેસ્ટમેન્ટ્સ એન્ડ હોલ્ડિંગ્સ લિમિટેડનો સમાવેશ થાય છે.
જો આપણે ખરીદદારો વિશે વાત કરીએ, તો માત્ર પતંજલિ આયુર્વેદ લિમિટેડ જ હિસ્સો ખરીદી રહી નથી પરંતુ SR ફાઉન્ડેશન, RITI ફાઉન્ડેશન, RR ફાઉન્ડેશન, સુરુચી ફાઉન્ડેશન અને સ્વાતિ ફાઉન્ડેશન આ ટ્રાન્ઝેક્શનમાં ખરીદદારો છે. BSE ફાઇલિંગ અનુસાર, ખરીદદારોએ એટલા બધા શેર ખરીદવાનો પ્રસ્તાવ મૂક્યો કે તેમનો હિસ્સો 98.055% થઈ જશે.
