Auto Expo 2025 : TVS Jupiter CNG સ્કૂટર પરથી ઉઠ્યો પડદો , જાણો તેના ફીચર અને કિંમત વિશે
Auto Expo 2025માં TVS Jupiter CNG સ્કૂટરની ઝલક જોવા મળી ગઇ છે. એક્સ્પોમાં TVS એ વિશ્વનું પ્રથમ CNG સ્કૂટર રજૂ કર્યું.TVS Jupiter CNG મોડેલ હાલમાં ફક્ત એક કોન્સેપ્ટ મોડેલ છે, પરંતુ જો અહેવાલો પર વિશ્વાસ કરવામાં આવે તો, કંપની ટૂંક સમયમાં ગ્રાહકો માટે આ સ્કૂટર લોન્ચ કરી શકે છે.
ઓટોમોબાઇલ ક્ષેત્ર હવે આધુનિકતા તરફ વધતો જઇ રહ્યો છે. ઓટો કંપનીઓ હવે પોતાનું ધ્યાન CNG તરફ કેન્દ્રિત કરી રહી છે, આ પહેલા બજાજે વિશ્વની પ્રથમ CNG બાઇક લોન્ચ કરી હતી, જ્યારે હવે ઓટો એક્સ્પો 2025 માં TVS એ વિશ્વનું પ્રથમ CNG સ્કૂટર રજૂ કર્યું છે. ટીવીએસ જ્યુપિટર સીએનજી મોડેલ પણ બજાજ ફ્રીડમ 125 સીએનજી બાઇકની જેમ પેટ્રોલ પર ચાલશે
ડિઝાઇનની વાત કરીએ તો, આ સીએનજી સ્કૂટરની ડિઝાઇન ૧૨૫ સીસી પેટ્રોલ મોડેલ જેવી જ છે. આ સ્કૂટરમાં 1.4 કિલોગ્રામની CNG ટાંકી સાથે 2-લિટર પેટ્રોલ ટાંકી પણ હશે. અહેવાલો અનુસાર, આ CNG સ્કૂટરના માઇલેજ અંગે, કંપનીનો દાવો છે કે આ સ્કૂટર એક કિલોગ્રામ CNGમાં 84 કિમી સુધીનું માઇલેજ આપશે.
એકવાર ટાંકી ભરાઈ ગયા પછી, આ સ્કૂટર કુલ 226 કિલોમીટર ચાલશે. આ સ્કૂટર OBD2B કમ્પ્લાયન્ટ એન્જિનથી સજ્જ છે જે 5.3bhp પાવર અને 9.4Nm ટોર્ક જનરેટ કરે છે.
TVS Jupiter ના પેટ્રોલ વેરિઅન્ટની કિંમત હાલમાં 88,174 રૂપિયા (એક્સ-શોરૂમ) થી 99,015 રૂપિયા (એક્સ-શોરૂમ) સુધીની છે. આવી સ્થિતિમાં એવી અપેક્ષા રાખવામાં આવે છે કે CNG સ્કૂટરની કિંમત 90 હજાર (એક્સ-શોરૂમ) થી 99 હજાર રૂપિયા (એક્સ-શોરૂમ) સુધી હોઈ શકે છે.
કિંમત સંબંધિત માહિતી હાલમાં માત્ર અટકળો છે, તે જોવાનું બાકી છે કે શું આ CNG સ્કૂટર 1 લાખ રૂપિયાથી ઓછી કિંમતે લોન્ચ થાય છે કે નહીં?
જ્યુપિટરના CNG મોડેલમાં કેટલીક સ્માર્ટ સુવિધાઓ શામેલ થયેલી જોવા મળી શકે. જેમ કે ફોન ચાર્જ કરવા માટે USB ચાર્જિંગ પોર્ટ આપી શકાય છે.
આ ઉપરાંત, સ્ટેન્ડ કટ ઓફ સેફ્ટી સિસ્ટમ અને બ્લૂટૂથ કનેક્ટિવિટી સપોર્ટ ઉપલબ્ધ થઈ શકે છે. મહત્વનું છે કે CNG ટાંકીને કારણે સ્કૂટરમાં બૂટ સ્પેસ ઓછી હોઈ શકે છે.
Published On - 11:25 am, Sat, 18 January 25
