Asha Bhosle Death Reason: કઈ બીમારીના કારણે થયું આશા ભોંસલેનું મૃત્યુ? જાણો તેના લક્ષણો અને ઈલાજ વીશે
ડોકટરોના જણાવ્યા મુજબ, જ્યારે તેમને હોસ્પિટલમાં લાવવામાં આવ્યા ત્યારે તેમની હાલત ગંભીર હતી. જોકે બધાએ તેમને બચાવવા માટે શક્ય તેટલા બધા પ્રયાસો કર્યા પણ તે બચી શકયા નહીં.
જાણીતા બોલિવુડ ગાયિકા આશા ભોંસલે હવે આપણી વચ્ચે નથી. તેમનું 12 એપ્રિલે 92 વર્ષની વયે અવસાન થયું હતું, તેમણે બ્રીચ કેન્ડી હોસ્પિટલમાં અંતિમ શ્વાસ લીધા હતા. તેમની તબિયત અચાનક બગડવાને કારણે 11 એપ્રિલે તેમને હોસ્પિટલમાં દાખલ કરવામાં આવ્યા હતા. જોકે, ભાગ્યની બીજી યોજના હતી. તેમની પૌત્રી, ઝનાઈએ અગાઉ તેમની બીમારી અંગે વિગતો શેર કરી હતી.(ફોટો ક્રેડિટ-સોશિયલ મીડિયા)
આશાજીને હોસ્પિટલમાં દાખલ કર્યા પછી, તેમની પૌત્રી ઝનાઈએ ઇન્સ્ટાગ્રામ પર પોસ્ટ કરીને જણાવ્યું હતું કે: "મારા દાદી, આશા ભોંસલે, ગંભીર થાક અને છાતીમાં ચેપને કારણે હોસ્પિટલમાં દાખલ કરવામાં આવ્યા છે." ડોકટરોના જણાવ્યા મુજબ, જ્યારે તેમને હોસ્પિટલમાં લાવવામાં આવ્યા ત્યારે તેમની હાલત ગંભીર હતી. જોકે બધાએ તેમને બચાવવા માટે શક્ય તેટલા બધા પ્રયાસો કર્યા પણ તે બચી શકયા નહીં. આશા ભોંસલેનું મલ્ટી-ઓર્ગન ફેલ્યોરના કારણે અવસાન થયું છે. હવે આ મલ્ટી-ઓર્ગન ફેલ્યોર શું છે તેના લક્ષણો અને ઈલાજ શું હોઈ શકે છે ચાલો જાણીએ. (ફોટો ક્રેડિટ-સોશિયલ મીડિયા)
મલ્ટી-ઓર્ગન ફેલ્યોર શું છે? : જ્યારે હૃદય, ફેફસાં, કિડની અથવા લીવર જેવા એક કરતાં વધુ મહત્વપૂર્ણ અંગો અચાનક કામ કરવાનું બંધ કરી દે છે, ત્યારે આ સ્થિતિને મલ્ટી-ઓર્ગન ફેલ્યોર (MOF) કહેવામાં આવે છે. આ એક તબીબી કટોકટી છે જો તાત્કાલિક સારવાર ના આપવામાં આવે તો, જીવ પણ જઈ શકે છે.(ફોટો ક્રેડિટ-સોશિયલ મીડિયા)
આ બીમારીના લક્ષણ: તાવ, લો બ્લડ પ્રેશર, શ્વાસ લેવામાં તકલીફ, પેશાબ ઓછો આવવો અથવા પેશાબ આવતો સંપૂર્ણપણે બંધ થઈ જવું, મૂંજારો અથવા બેભાન થવું તેમજ શરીર પીળુ અથવા ભૂરુ પડી જવું અને સામાન્ય શરદી જેવા લક્ષણો દેખાય છે. (ફોટો ક્રેડિટ-સોશિયલ મીડિયા)
સારવાર કે ઈલાજ શું છે: આ એક ગંભીર સમસ્યા છે એટલે પ્રાથમિક દ્રષ્ટિએ પહેલા હોસ્પિટલ લઈ જવા જરુરી છે. ત્યાં ICU માં દાખલ થવું અને સતત દેખરેખ હેઠળ રાખી શકે છે. આ સિવાય એન્ટિબાયોટિક્સ અને દવાઓ દ્વારા પણ ઈલાજ થઈ શકે છે. (ફોટો ક્રેડિટ-સોશિયલ મીડિયા)
આશા ભોંસલેના અવસાન પછી, તેમના પુત્ર, આનંદ ભોંસલેએ મીડિયા સાથે વાત કરતા કહ્યું: "આશા ભોંસલે હવે આ દુનિયામાં નથી. જે ચાહકો તેમને છેલ્લી વાર જોવા માંગે છે તેઓ આવતીકાલે સવારે 11:00 વાગ્યે તેમના નિવાસસ્થાને જઈ શકે છે. આશાના અંતિમ સંસ્કાર સાંજે 4:00 વાગ્યે શિવાજી પાર્ક ખાતે કરવામાં આવશે."(ફોટો ક્રેડિટ-સોશિયલ મીડિયા)
