એક એવું ગામ જ્યાં નથી પડતું વરસાદનું એક પણ ટીપું, જાણો શું છે કારણ ?
જો તમને એવો પ્રશ્ન પૂછવામાં આવે કે દુનિયામાં એવી કઈ જગ્યા છે જ્યાં ક્યારેય વરસાદ પડતો નથી. તો તમારા મનમાં સૌથી પહેલી વાત એ આવશે કે આ જગ્યા રણમાં હોવી જોઈએ. પરંતુ, એવું બિલકુલ નથી. દુનિયામાં ક્યારેય વરસાદ ન પડતો હોય તેવું ગામ એક સુંદર ટેકરી પર આવેલું છે. ત્યારે આ લેખમાં જાણીશું કે આ ગામમાં વરસાદ ના થવા પાછળનું કારણ શું છે.
જો તમને એવો પ્રશ્ન પૂછવામાં આવે કે દુનિયામાં એવી કઈ જગ્યા છે જ્યાં ક્યારેય વરસાદ પડતો નથી. તો તમારા મનમાં સૌથી પહેલી વાત એ આવશે કે આ જગ્યા રણમાં હોવી જોઈએ. પરંતુ, એવું બિલકુલ નથી. દુનિયામાં ક્યારેય વરસાદ ન પડતો હોય તેવું ગામ એક સુંદર ટેકરી પર આવેલું છે.
આ ગામ યમનની રાજધાની સનાની પશ્ચિમે મનાખાહ ડિરેક્ટોરેટના હરાજ ક્ષેત્રમાં આવેલું 'અલ-હુતૈગ' ગામ છે. આ ગામ સમુદ્ર સપાટીથી 3,200 મીટરની ઊંચાઈ પર આવેલું છે. આ ખૂબ જ ગરમ વિસ્તાર છે. જ્યારે શિયાળામાં સવારે અહીં ખૂબ જ ઠંડી હોય છે.
પરિસ્થિતિ એવી છે કે સવારે ગરમ કપડાં પહેર્યા વગર કોઈ વ્યક્તિ ઘરની બહાર નીકળી શકતું નથી. પરંતુ, જ્યારે સૂર્ય માથા પર પહોંચે છે ત્યારે ઠંડી એવી રીતે ગાયબ થઈ જાય છે જાણે ઉનાળાની ઋતુ હોય, ભારે ગરમીને કારણે લોકોને વારંવાર તરસ લાગે છે.
યમનનું અલ-હુતૈબ ગામ દૂર દૂર સુધી પ્રખ્યાત છે. આ ગામ એટલી સુંદર રીતે વસાવાયું છે કે પ્રવાસીઓ હંમેશા અહીં આવતા રહે છે. આ ગામ એક ટેકરીની ટોચ પર આવેલું છે. ગામના ઘરો પણ ખૂબ જ સુંદર છે. આ ગામમાં યમની સમુદાયના લોકો રહે છે. હવે પ્રશ્ન એ થાય કે આ ગામમાં વરસાદ કેમ નથી પડતો ?
આ ગામ હંમેશા વાદળોથી ઉપર રહે છે કારણ કે તે ટેકરીની ટોચ પર આવેલું છે. આ ગામની નીચે વાદળો દેખાય છે. જેના કારણે લોકોને એવું લાગે છે કે તેઓ સ્વર્ગમાં રહી રહ્યા છે, પરંતુ આ સુંદરતાને કારણે જ આ ગામમાં ક્યારેય વરસાદ પડતો નથી. આ ગામની નીચે વાદળો બને છે અને વરસાદ પડે છે. આ કારણે આ ગામમાં ક્યારેય વરસાદનું એક ટીપું પણ પડતું નથી.
આ ગામના મોટાભાગના લોકો અલ-બોહરા અથવા અલ-મુકરામા સમુદાયના છે. તેમને યેમેની સમુદાય કહેવામાં આવે છે. તે મુહમ્મદ બુરહાનુદ્દીનના નેતૃત્વ હેઠળના મુસ્લિમ સંપ્રદાયો છે. આ સંપ્રદાયના લોકો મુંબઈમાં પણ રહેતા હતા. દર વર્ષે ઘણા લોકો ગામની નીચે બનતા વાદળો અને વરસાદ પડતો જોવા માટે અલ-હુતૈબ ગામમાં પહોંચે છે.