હોળી પર મનોરંજનનો ડબલ ધમાકો, ‘બચ્ચન પાંડે’થી લઈને ‘જલસા’ સુધી, આ ફિલ્મ અને સિરીઝ આવશે ફ્લોર પર
હોળીના અવસર પર થિયેટરોમાં અને OTT પર ઘણી ફિલ્મો અને શ્રેણીઓ રિલીઝ થઈ છે. જે તમારી હોળીની મજા બમણી કરી દેશે. વિદ્યા બાલન અને શેફાલી શાહની આ ફિલ્મ આજે એમેઝોન પ્રાઇમ વિડિયો પર રિલીઝ કરવામાં આવી છે.
આજે હોળી છે અને હોળીના અવસર પર થિયેટરોમાં અને OTT પર ઘણી ફિલ્મો અને શ્રેણીઓ રિલીઝ થઈ છે. જે તમારી હોળીની મજા બમણી કરી દેશે. અક્ષય કુમાર (Akshay Kumar) સ્ટારર 'બચ્ચન પાંડે'થી (Bachchan Pandey) લઈને વિદ્યા બાલનની (Vidya Balan) 'જલસા' (Jalsa) આ યાદીમાં સામેલ છે.
દર્શકો અક્ષય કુમારની 'બચ્ચન પાંડે'ની આતુરતાથી રાહ જોઈ રહ્યા હતા. આજે આ પ્રતિક્ષાનો અંત આવ્યો છે. અક્ષયની આ ફિલ્મ સિનેમાઘરોમાં ધૂમ મચાવી રહી છે. આ ફિલ્મમાં અક્ષય ઉપરાંત કૃતિ સેનન અને અરશદ વારસી પણ મહત્વની ભૂમિકામાં જોવા મળશે.
જ્યારે સ્ત્રીલક્ષી ફિલ્મ દર્શકોને પીરસવામાં આવે છે ત્યારે ઘણું કહેવાય અને લખવામાં આવે છે. સુરેશ ત્રિવેણીના જલસામાં તમે બે મજબૂત અને જુસ્સાદાર સ્ત્રી પાત્રોને ફિલ્મનું નેતૃત્વ કરતા જોશો. જેમની હંમેશા પ્રેક્ષકો દ્વારા પ્રશંસા કરવામાં આવી છે. વિદ્યા બાલન અને શેફાલી શાહની આ ફિલ્મ આજે એમેઝોન પ્રાઇમ વિડિયો પર રિલીઝ કરવામાં આવી છે.
ઝીશાન અય્યુબ અને જયદીપ અહલાવતની આ શ્રેણી બે ભાઈઓની વાર્તાની આસપાસ ફરે છે. એક દિવસ પાર્ટીમાંથી રાત્રિના સમયે બંનેનો અકસ્માત થાય છે. જેમાં એક વ્યક્તિનું મોત થાય છે. બંને તમામ પુરાવાનો નાશ કરે છે. જેથી કરીને કોઈને આ અકસ્માત વિશે ખબર ન પડે, પરંતુ પછી વાર્તામાં ટ્વિસ્ટ આવે છે. જે તમારું ઘણું મનોરંજન કરશે. આ સિરીઝ આજે Zee5 પર રિલીઝ થઈ છે.
આ શ્રેણીમાં ગ્રાન્ટ ગુસ્ટિન, સ્કોટ વુલ્ફ અને કાયલા જેન્ડર મહત્વની ભૂમિકામાં છે. વેબ સિરીઝ ફેમિલી અને ડ્રામા જોનર હેઠળ બનાવવામાં આવી છે. શ્રેણીનું મુખ્ય પાત્ર K-9 યુનિટમાં જોડાવાના તેના સપનાને અનુસરતો જોવા મળશે. મુશ્કેલીમાં ફસાઈ ગયા પછી તે કેવી રીતે તેમાંથી બહાર આવે છે અને એક કૂતરો તેને કેવી રીતે મદદ કરે છે. આ બધું આ સિરીઝમાં જોવા મળશે. તમે આજથી Netflix પર આ સિરીઝ જોઈ શકો છો.
આ સિરીઝની પહેલી સીઝન 24 વર્ષના એક છોકરા પર આધારિત છે. જે પ્રેમ શોધવાની કોશિશમાં હંમેશા ખોટા નિર્ણયો લે છે. આ સિરીઝમાં તમને રોમાન્સ અને કોમેડી બંને જોવા મળશે. આ સિરીઝમાં વિહાન સામત અને જીમ સારભ જેવા કલાકારો દર્શકોનું ભરપૂર મનોરંજન કરતા જોવા મળશે. તમે Netflix પર આ શ્રેણી જોઈ શકો છો.