Ahmedabad : અમૂલ દ્વારા નિર્મીત દેશની સૌપ્રથમ ઓર્ગેનિક લેબોરેટરીનું કેન્દ્રીય ગૃહમંત્રી અમિત શાહે કર્યુ ઉદ્દઘાટન, અનાજ, શાકભાજી અને ફળોનું થશે ટેસ્ટિંગ
Ahmedabad: અમૂલ દ્વારા 10 કરોડના ખર્ચે દેશની સૌપ્રથમ ઓર્ગેનિક લેબોરેટરી બનાવવામાં આવી છે. આ લેબનું કેન્દ્રીય ગૃહમંત્રી અમિત શાહે લોકાર્પણ કર્યુ છે. આ લેબ શાકભાજી, અનાજ અને ફળોના ટેસ્ટિંગમાં જાણી શકાશે કે તે કેટલા ટકા ઓર્ગોનિક છે.
અમૂલ દેવારા દેશની સૌપ્રથમ ઓર્ગેનિક લેબનું 10 કરોડના ખર્ચે નિર્માણ કરવામાં આવ્યુ છે. જેનુ લોકાર્પણ અમિત શાહે કર્યુ છે. આ લેબ થકી હવે ઓર્ગેનિક વસ્તુનું રિયાલિટી ચેક શક્ય બનશે.
અનાજ કે ખેતીના કોઈપણ પાકના પરીક્ષણ માટે પણ ઉપયોગી બનશે
હેવી મેટલ, પેસ્ટીસાઈડ, ટોક્સિન, એન્ટિબાયોટિક એનાલિસીસ પણ આ ઓર્ગેનિક લેબમાં શક્ય બનશે. તેમજ અનાજ, શાકભાજી અને ફળોના ટેસ્ટિંગ દ્વારા જાણી શકાશે કે તે કેટલા ટકા ઓર્ગેનિક છે.
લેબના ટેસ્ટિંગમાં જાણી શકાશે કે આ ખાદ્ય સામગ્રીના સેવનથી કેન્સર કે અન્ય બીમારીનો કેટલો ખતરો છે.
લેબમાં પ્રાકૃતિક ખેતીના માપદંડ યોગ્ય છે કે કેમ તે જાણી શકાશે. સાથોસાથ તમામ એગ્રીકલ્ચર વસ્તુનું ટેસ્ટિંગ કરી શકાશે. ગુજરાતની એકમાત્ર અમૂલની ઓર્ગેનિક ફુડના માપદંડ માટે આ લેબ આકાર પામી છે.
હાઇવેની નજીક આવેલા ખેતરોમાં તૈયાર થતા પાકને વાહનોના પ્રદૂષણ સહિત અન્ય પ્રદૂષણની કેટલી અસર થાય છે, સાથોસાથ તેના માપદંડ પણ આ લેબમાં ટેસ્ટિંગ દ્વારા જાણી શકાશે.
