Ahmedabad: નરેન્દ્ર મોદી સ્ટેડિયમમાં ICC ક્રિકેટ વર્લ્ડ કપ 2023નો પ્રારંભ, ક્રિકેટ રસિકોમાં ભારે ઉત્સાહ-જુઓ Photos
ક્રિકેટનો મહાકુંભ એટલે વનડે વર્લ્ડ કપ. ભારતમાં યોજાનારા આ વર્લ્ડ કપમાં દેશનાં 10 સ્થળોએ 46 દિવસના સમયમાં 48 મેચો રમાશે. જેની શરૂઆત આજથી અમદાવાદના નરેન્દ્ર મોદી સ્ટેડિમમાં થઈ ગઈ છે. પ્રથમ મેચ આજે ન્યુઝીલેન્ડ અને ઈંગ્લેન્ડ વચ્ચે રમાઈ છે ત્યારે સમગ્ર અમદાવાદ શહેરમાં ક્રિકેટ ફિવર છવાયો છે. વર્લ્ડ કપ ટુર્નામેન્ટની ફાઈનલ મેચ અને આ ટુર્નામેન્ટનું સમાપન પણ આજ સ્ટેડિયમમાં કરવામાં આવશે
અમદાવાદમાં છવાયો છે ક્રિકેટ ફિવર. અમદાવાદના નરેન્દ્ર મોદી સ્ટેડિયમમાં ક્રિકેટના મહાકુંભ ICC ક્રિકેટ વર્લ્ડ કપની શરૂઆત થઈ ગઈ છે. આ વર્લ્ડ કપને લઈને ક્રિકેટ રસિકોમાં ભારે ઉત્સાહ અને રોમાંચ જોવા મળી રહ્યો છે.
આજે પ્રથમ દિવસે ઈંગલેન્ડ અને ન્યુઝીલેન્ડ વચ્ચે વર્લ્ડકપની પ્રથમ મેચની શરૂઆત થઈ છે. મેચ પહેલા સ્ટેડિયમમાં 10 ટીમનું ફોટોશુટ યોજાયું હતું.
નરેન્દ્ર મોદી સ્ટેડિયમમાં ફાઈનલ સહિત કુલ 5 મેચ રમાવાની છે. જેમા પ્રથમ મેચ ઈંગ્લેન્ડ Vs ન્યૂઝીલેન્ડ રમાઈ રહી છે. જ્યારે 14 ઓક્ટોબરે ભારત Vs પાકિસ્તાન, 4 નવેમ્બરે ઓસ્ટ્રેલિયા Vs ઈંગ્લેન્ડ, 10 નવેમ્બરે અફઘાનિસ્તાન Vs દ ક્ષિણ આફ્રિકા અને 19 નવેમ્બરે વર્લ્ડ કપની ફાઈનલ મેચ રમાશે.
નરેન્દ્ર મોદી સ્ટેડિયમમાં મુકાયેલી વર્લ્ડકપ ટ્રોફીની રેપ્લિકાએ ભારે આકર્ષણ જમાવ્યુ છે. 10 ફુટ કરતા પણ મોટી આ વર્લ્ડકપ ટ્રોફી ક્રિકેટ રસિકોમાં આકર્ષણનું કેન્દ્ર બની છે.
નરેન્દ્ર મોદી સ્ટેડિયમમાં રમાઈ રહેલી ICC ક્રિકેટ વર્લ્ડ કપની પ્રથમ મેચ જોવા માટે ભાજપ દ્વારા ગૃહમંત્રી અમિત શાહના મતવિસ્તારની મહિલાઓને ટિકિટ આપવામાં આવી હતી. મોટી સંખ્યામાં મહિલાઓ આ મેચ નિહાળવા પહોંચી હતી. પ્રથમવાર સ્ટેડિયમમાંથી મેચ જોવાને લઈને મહિલાઓ ઘણી ઉત્સાહિત હતી. .
ભારતમાં ક્રિકેટનું એક તહેવાર જેટલુ મહત્વ છે. ત્યારે ક્રિકેટ વર્લ્ડ કપને લઇને લોકોમાં પણ થનગનાટ જોવા મળી રહ્યો છે.
ભારત-પાકિસ્તાન મેચમાં હોટલ ન મળવાના કારણે હવે લોકો હોલ બુક કરી રહ્યા છે. તો મેચ જોવા આવનાર દર્શકો માટે ખાસ પાર્કિંગની વ્યવસ્થા પણ કરવામાં આવી છે.
