Vadodara ના 74 વર્ષીય મિકેનકલ એન્જિનિયરે જુદા જુદા 8 પ્રકારની લંબગોળ સાયકલ બનાવી, જરુરિયાત ધરાવતા લોકોને ફ્રિ આપે છે
પુત્રીને મળવા માટે સાત-આઠ વર્ષ અગાઉ અમેરિકા ગયા અને ત્યાં તેમણે ત્યાંની ઈલિપ્ટિકલ સાયકલ જોઈ અને સવારી કરી હતી. જો કે તેની કિંમત ઘણી વધારે લાગી તેથી તેઓએ ઓછા ખર્ચે આવી અવનવી સાયકલો ભારતમાં જ બનાવવાનું વિચાર્યું
મિકેનિકલ એન્જિનિયરિંગ કુશળતાનો ઉપયોગ કરીને સુધીર ભાવેએ કસરત કરવા માટે વિવિધ આકાર, પ્રકાર અને કદની ૮ લંબગોળ સાયકલ ડિઝાઇન કરી. તેમણે તેનું નામ તેના પરિવારના સભ્યો અને મિત્રોના નામ પરથી રાખ્યું છે. ફિટ રહેવા માટે તેનો નિયમિત રીતે ઉપયોગ પણ કરી રહ્યા છે.
મારા અનુભવનો ઉપયોગ કરીને મેં સ્થાનિક રીતે ઉપલબ્ધ ભાગો સાથે વિવિધ પ્રકારની સાયકલ બનાવી. બાકીના અનુપલબ્ધ ભાગોને જાતે જ ડિઝાઇન કર્યા. મારા મિત્રોએ આ અનુપલબ્ધ ભાગો બનાવવામાં સંપૂર્ણ મદદ કરી છે. તેઓ મને સાયકલ પૂર્ણ કરવામાં મદદ કરે છે. આ દરેક સાયકલની સંપૂર્ણપણે બનાવટ મેઈડ ઈન ઇન્ડિયા છે. એક સાયકલ બનાવતાં ૩ થી ૪ મહિનાનો સમય લાગે છે. તે બધીયે સાયકલ માત્ર કસરતના હેતુ માટે છે. કેટલાક ઉપલા શરીરને નિશાન બનાવે છે, કેટલાક નીચલા અને બાકીના વપરાશકર્તાના આખા શરીરને એમ સુધીર ભાવેએ જણાવ્યું હતું.
સુધીર ભાવે એક જુસ્સાદાર સાયકલ સવાર છે. દરરોજ ઓછામાં ઓછી લગભગ 10 કિલોમીટરની સવારી તેઓ પોતે જ કરે છે. આ ઉપરાંત તેઓ જે નાગરિકોને સાયકલની જરૂર હોય તેમની જરૂરિયાત મુજબ મફતમાં સાયકલ પણ આપે છે. છેલ્લા 12 વર્ષથી સુધીર ભાવે વડોદરામાં જ સાયકલિંગ ક્લબ ચલાવે છે.
Published On - 7:43 pm, Sat, 3 June 23
