ગજબનો શોખ ! 6 વર્ષની બાળકી પાસે વિશ્વનું સૌથી મોટુ લીપ બામ કલેક્શન, નોંધાયો વર્લ્ડ રેકોર્ડ
6 વર્ષની છોકરી સ્કારલેટ એશ્લે શેંગને લિપ બામ ખરીદવાનો શોખ છે. તેને લિપ બામ એટલા પસંદ છે કે તેણે પોતાના ઘરમાં એક દુકાન બનાવી છે. ત્યારે સૌથી વધુ લીપ બામના કલેક્શનને લઈને તેનુ ગિનીસ બુક ઓફ વર્લ્ડ રેકોર્ડમાં નામ સામેલ થયુ છે.
હોંગકોંગમાં રહેતી 6 વર્ષની છોકરી સ્કારલેટ એશ્લે ચેંગ લિપ બામ ખરીદવાની શોખીન છે. તેને લિપ બામ એટલા પસંદ છે કે તેણે પોતાના ઘરમાં એક દુકાન બનાવી છે.
તે તેની મોટી બહેન કેલિન સાથે આ લિપ બામ એકત્રિત કરે છે,તમને જાણીને નવાઈ લાગશે પરંતુ તેની પાસે લગભગ 3,888 લિપ બામ છે. તમને જણાવી દઈએ કે સ્કારલેટ પાસે વિવિધ રંગો, ટેક્સચર,શેપના લીપ બામ છે.
બંને બહેનોને તેમની દાદીએ લિપ બામ વિશે જણાવ્યું હતુ. સ્કારલેટે કહ્યુ કે તેના માતા-પિતા અને દાદી દરરોજ તેના હોઠ પર લિપ બામ લગાવતા હતા.ત્યારે તેને આ કલેક્શનનો વિચાર આવ્યો.
લિપ બામ ક્લકેશન હવે સ્કારલેટનો શોખ બની ગયો છે. બંને બહેનોને લિપ બામનો ટેસ્ટ અને ફલેવર્સ ખુબ જ પસંદ છે.
સ્કારલેટ પાસે 3,888 લિપ બામ છે, જેમાં સ્કિટલ્સ, ચુપા ચુપ્સ બ્રાન્ડ્સ, તેમજ કોકા કોલા અને ફેન્ટા ફ્લેવર્ડ બામનો સમાવેશ થાય છે.
સ્કારલેટ પાસે રહેલી મોટા ભાગની લિપ બામ તેને તેના માતા-પિતાએ આપી છે.
Published On - 8:49 pm, Wed, 17 November 21