Real Estate: ના હોય! 2BHK ફ્લેટ સસ્તા થશે? GST ઘટાડા પછી જાણો નવી કિંમત
સરકારે GST ટેક્સને સરળ બનાવવાની યોજના પર કામ શરૂ કર્યું છે. ટૂંક સમયમાં, ચાર સ્લેબને બદલે ફક્ત બે સ્લેબ (5% અને 18%) જોવા મળશે. આ ફેરફારથી સામાન્ય માણસને ફાયદો થશે.
સરકારે GST સ્લેબ ઘટાડીને 5% અને 18% કરવાનો પ્રસ્તાવ મૂક્યો છે. આનાથી સિમેન્ટ અને ટાઇલ્સ જેવી બાંધકામ સામગ્રી સસ્તી થશે. હવે આ સામગ્રી સસ્તી થશે તો ઘરની કિંમત પર પણ અસર પડશે.
જો કે, મોટાભાગના લોકોના મનમાં પ્રશ્ન છે કે, GST ટેક્સ સ્લેબના ફેરફાર પછી શું રિયલ એસ્ટેટ ક્ષેત્રને પણ ફાયદો થશે? જણાવી દઈએ કે, સિમેન્ટ, સ્ટીલ, ટાઇલ્સ અને સેનિટરીવેર જેવી બાંધકામ સામગ્રી પર GST દર ઘટી શકે છે.
જણાવી દઈએ કે, દેશમાં વર્ષ 2017 માં GST લાગુ કરવામાં આવ્યો હતો. 45 લાખ સુધીના Affordable હાઉસિંગ પર માત્ર 1% ટેક્સ લાદવામાં આવ્યો હતો, જ્યારે મધ્યમ વર્ગના Affordable હાઉસિંગ અને બિન-Affordable હાઉસિંગ પર 5% GST યથાવત રાખવામાં આવ્યો હતો. જો કે, સિમેન્ટ જેવી બાંધકામ સામગ્રી પર 28%, સ્ટીલ પર 18%, ટાઇલ્સ અને PET પર 28% ટેક્સ લાગુ રહ્યો. આનાથી ઘરની કિંમતમાં વધારો જોવા મળ્યો તેવું કહી શકાય.
મીડિયા રિપોર્ટ્સ અનુસાર, વર્ષ 2018 માં ડેવલપર્સને ઇનપુટ ટેક્સ ક્રેડિટ મળી ન હતી. આથી, ખરીદદારોને રાહત આપવાને બદલે, પ્રોજેક્ટ્સ મોંઘા થયા. જો કે, વર્ષ 2020 કોવિડ પછીના સમય દરમિયાન, સરકારે નાના મકાનોનું વેચાણ વધારવા માટે Affordable હાઉસિંગ પર 1% ટેક્સની સિસ્ટમ ચાલુ રાખી હતી.
હવે એટલે કે વર્ષ 2024-25 માં સરકારે ટેક્સ સ્લેબને ઘટાડીને માત્ર 5% અને 18% કરવાનો પ્રસ્તાવ મૂક્યો છે. આનાથી બાંધકામ સામગ્રી સસ્તી થશે અને તેની અસર સીધી ઘરની કિંમત પર જોવા મળશે. રિયલ એસ્ટેટ નિષ્ણાતોના મતે, જો શહેરમાં 2BHK ફ્લેટની કિંમત 50 લાખ હોય, તો નવા કર માળખાથી તેની કિંમત 1-2 લાખ જેટલી ઘટી શકે છે. આનો અર્થ એ થયો કે, ખરીદનારને કુલ 2 થી 4 ટકાની રાહત મળશે.
મધ્યમ વર્ગના ખરીદદારો, જેમાં 40 થી 70 લાખની વચ્ચેના ફ્લેટ ખરીદનારા લોકોનો સમાવેશ થાય છે, તેમને સૌથી વધુ રાહત મળવાની અપેક્ષા છે. ટૂંકમાં અફોર્ડેબલ હાઉસિંગ ધરાવતા લોકોને લાભ મળશે. આ ઉપરાંત, વૈભવી હાઉસિંગ ધરાવતા લોકોનો બેસિક ખર્ચ ઘટશે પરંતુ ઇમ્પોર્ટેડ ફિનિશિંગ આઇટમ્સ મોંઘી રહી શકે છે.
