શું હોય છે વેસ્ટર્ન ડિસ્ટર્બન્સ ? જે વરસાદ લાવે છે અને શિયાળો પણ લાવે છે, જાણો તેનું કારણ
ઉત્તર ભારતમાં વરસાદની સંભાવના છે. તેનું કારણ વેસ્ટર્ન ડિસ્ટર્બન્સ છે, જે 2 થી 3 ડિસેમ્બરે દસ્તક આપી શકે છે. વેસ્ટર્ન ડિસ્ટર્બન્સ શું છે, તેના આવવાથી કેટલો બદલાવ આવે છે, આવો જાણીએ તેના પાછળનું કારણ.
આંધ્રપ્રદેશ અને તમિલનાડુ બાદ રાજસ્થાન, મધ્યપ્રદેશ અને ઉત્તર ભારતમાં વરસાદની સંભાવના છે. હવામાન વિભાગના જણાવ્યા અનુસાર 1 થી 6 ડિસેમ્બર દરમિયાન વરસાદ પડી શકે છે. વેસ્ટર્ન ડિસ્ટર્બન્સ 2 થી 3 ડિસેમ્બરે દેશમાં ત્રાટકે તેવી શક્યતા છે. જેના કારણે ઉત્તર ભારતમાં વરસાદ પડી શકે છે. પ્રદૂષણની સ્થિતિ સુધરી શકે છે. વેસ્ટર્ન ડિસ્ટર્બન્સ શું છે, તેના આવવાથી કેટલો બદલાવ આવે છે, જાણો આવા જ સવાલોના જવાબ
જ્યારે દેશમાં હવામાન બદલાય છે, ત્યારે ભૂમધ્ય સમુદ્ર, કેસ્પિયન અને લાલ સમુદ્ર પર હવાનું નીચું દબાણ ક્ષેત્ર બને છે. આ દબાણને કારણે હવા સમુદ્રની ભેજ સાથે આગળ વધવા લાગે છે. પવનની દિશા જે તરફ હશે, ડિસ્ટર્બન્સની દિશા પણ એ જ હશે. તેને સમજીને, હવામાનશાસ્ત્રીઓ (IMD) વેસ્ટર્ન ડિસ્ટર્બન્સની આગાહી કરે છે. આ વર્ષે વેસ્ટર્ન ડિસ્ટર્બન્સ 2 થી 3 ડિસેમ્બરની વચ્ચે આવી શકે છે.
હાલમાં આ ડિસ્ટર્બન્સની અસર ઉત્તર અને મધ્ય ભારતમાં જોવા મળશે. એટલે કે ઝડપથી વધી રહેલી હવામાં ભેજ અને તેના દબાણને કારણે મધ્યપ્રદેશ, રાજસ્થાનમાં વરસાદ પડી શકે છે. તે ચોમાસા સિવાયનો વરસાદ છે જે પશ્ચિમી પવનોને કારણે છે. તે જ સમયે, ઉનાળાના વરસાદ માટે પવન દક્ષિણ તરફથી આવે છે. તેથી, ઉનાળા અને શિયાળાના વરસાદના કારણો પણ અલગ છે.
IMDના વૈજ્ઞાનિક આર.કે જેનામણી કહે છે કે ગુજરાત, કોંકણ અને મહારાષ્ટ્રમાં 1 થી 2 ડિસેમ્બરની રાત્રે વરસાદ પડી શકે છે. મંગળવાર પછી જ દક્ષિણ ભારતના રાજ્યોમાં વરસાદ ઘટી શકે છે. આ સિવાય પૂર્વોત્તર રાજ્યોમાં 5 અને 6 ડિસેમ્બરે વરસાદની સાથે ઘણા વિસ્તારોમાં હિમવર્ષા થઈ શકે છે.
નિષ્ણાતોનું કહેવું છે કે, વેસ્ટર્ન ડિસ્ટર્બન્સના કારણે ભારે વરસાદ થઈ રહ્યો છે. તેની સીધી અસર પાક પર પડે છે. આ સાથે ભૂસ્ખલન, પૂર અને હિમસ્ખલનની સ્થિતિ સર્જાઈ શકે છે. ત્યારે ગંગાના મેદાનોમાં આના કારણે, શીત લહેર આવી શકે છે અને ગાઢ ધુમ્મસ થઈ શકે છે. આ સ્થિતિ ઘણા દિવસો સુધી રહી શકે છે.
Published On - 3:27 pm, Wed, 1 December 21