વિશ્વના ટોચના પ્રદૂષિત શહેરો 2023 : વિશ્વના ટોચના 20 પ્રદૂષિત શહેરમાં ભારતના 15 શહેરનો સમાવેશ, જાણો કયા કયા છે શહેર
સ્વિસ એર ક્વોલિટી ટેક્નોલોજી કંપની IQAir એ વાર્ષિક રિપોર્ટ જાહેર કર્યો છે. એવું કહેવામાં આવ્યું છે કે વિશ્વના ટોચના 50 સૌથી પ્રદૂષિત શહેરોમાંથી 38 ભારતના છે.
દેશના વાતાવરણમાં શ્વાસ લેવો મુશ્કેલ છે. ગયા વર્ષે ઘણા શહેરોની હવા અત્યંત ઝેરી રહી છે. આ વાતનો અંદાજ એ વાત પરથી લગાવી શકાય છે કે વિશ્વના 20 સૌથી પ્રદૂષિત શહેરોમાંથી 15 શહેરો ભારતના છે. જો કે, ગયા વર્ષ એટલે કે 2022 ની સરખામણીમાં, નબળી હવાની ગુણવત્તાવાળા દેશોની યાદીમાં ભારત ત્રણ સ્થાન સુધર્યું છે. તે જ સમયે, ચાડ, ઇરાક, પાકિસ્તાન, બહેરીન અને બાંગ્લાદેશ વિશ્વના સૌથી પ્રદૂષિત દેશો છે. આ સાથે જ ભારત આઠમા સ્થાને પહોંચી ગયું છે. રાષ્ટ્રીય સમાચાર અહીં વાંચો.
સ્વિસ એર ક્વોલિટી ટેક્નોલોજી કંપની IQAir એ વાર્ષિક રિપોર્ટ જાહેર કર્યો છે. એવું કહેવામાં આવ્યું છે કે વિશ્વના ટોચના 50 સૌથી પ્રદૂષિત શહેરોમાંથી 38 ભારતના છે. આ રિપોર્ટ જણાવે છે કે દેશમાં કેટલું પ્રદૂષણ ફેલાયું છે. વિશ્વનું સૌથી પ્રદૂષિત શહેર પાકિસ્તાનનું લાહોર છે. આ પછી બીજા સ્થાને ચીનના હોટનનો નંબર આવ્યો છે, જ્યારે ભારતનું ભિવંડી ત્રીજા સ્થાને રહ્યું છે.
દુનિયાના ટોપ 20 સૌથી પ્રદૂષિત શહેરો
1) લાહોર, પાકિસ્તાન
2) હોટન, ચીન
3) ભિવંડી, ભારત
4) દિલ્હી, ભારત
5) પેશાવર, પાકિસ્તાન
6) દરભંગા, ભારત
7) આસોપુર, ભારત
8) નજમેના, ચાડ
9) નવી દિલ્હી, ભારત
10) પટના, ભારત
11) ગાઝિયાબાદ, ભારત
12) ધરુહેરા, ભારત
13) બગદાદ, ઈરાક
14) છાપરા, ભારત
15) મુઝફ્ફરનગર, ભારત
16) ફૈસલાબાદ, ભારત
17) ગ્રેટર નોઈડા, ભારત
18) બહાદુરગઢ, ભારત
19) ફરીદાબાદ, ભારત
20) મુઝફ્ફરપુર, ભારત
ભિવંડી દેશનું નંબર વન સૌથી પ્રદૂષિત શહેર છે. આ પછી નંબર દિલ્હીનો આવે છે. રાષ્ટ્રીય રાજધાની હોવાના કારણે દરેકનું ધ્યાન આ શહેર પર જ રહે છે. દિવાળી પછી પ્રદૂષણ એટલું વધી જાય છે કે લોકો માસ્ક વગર ઘરની બહાર નીકળવાનું ટાળે છે. ફટાકડા સળગાવવાના કારણે આકાશમાં ધુમ્મસ છવાયેલુ રહે છે.
તાજેતરમાં, દિલ્હીના મુખ્ય પ્રધાન અરવિંદ કેજરીવાલે દાવો કર્યો હતો કે વિકાસની ઝડપી ગતિ અને શાળાઓ, હોસ્પિટલો અને ફ્લાયઓવરના નિર્માણ છતાં, છેલ્લા આઠ વર્ષમાં શહેરમાં પ્રદૂષણનું સ્તર નીચે આવ્યું છે. PM 2.5 અને PM 10 બંને સ્તર 2022 માં 2016 ના આંકડાઓની તુલનામાં 30 ટકા સુધી ઘટશે. જ્યારે પણ વિકાસના કામો થાય છે ત્યારે તેની સાથે વૃક્ષો કાપવા, રસ્તાનું બાંધકામ અને ધૂળવાળી માટી વગેરેને કારણે પ્રદૂષણ થાય છે.