West Bengal: હાવડામાં થયેલા પથ્થરમારા પર મમતા બેનર્જીનું નિવેદન, કહ્યું- હિંસા પાછળ ભાજપનો હાથ, પોલીસે 38 લોકોની કરી ધરપકડ

પશ્ચિમ બંગાળના હાવડામાં રામનવમીની હિંસા બાદ શુક્રવારે નમાઝ બાદ ફરીથી પથ્થરમારાની ઘટના બની છે. જો કે પોલીસે પરિસ્થિતિને કાબુમાં લીધી છે. દરમિયાન, રામનવમી પર હિંસા પછી, મુખ્યમંત્રી મમતા બેનર્જીએ શુક્રવારે દાવો કર્યો હતો કે હાવડામાં હિંસા માટે ભાજપ અને અન્ય દક્ષિણપંથી સંગઠનો જવાબદાર છે. તેમણે લોકોને વિસ્તારમાં શાંતિ જાળવવા અપીલ કરી હતી. મમતા બેનર્જીએ એક ન્યૂઝ ચેનલને આપેલા ઈન્ટરવ્યુમાં કહ્યું કે હાવડાની ઘટના ખૂબ જ દુર્ભાગ્યપૂર્ણ છે. હાવડામાં થયેલી હિંસા પાછળ ન તો હિંદુઓ હતા કે ન મુસ્લિમો. ભાજપ, બજરંગ દળ અને અન્ય સંગઠનો હિંસામાં સામેલ હતા.

પીટીઆઈના સમાચાર અનુસાર, તેમણે કહ્યું કે રાજ્ય સરકાર અથડામણમાં જેમની સંપત્તિને નુકસાન થયું છે તે તમામની મદદ કરશે. વહીવટના એક વિભાગમાં શિથિલતા હોવાનો દાવો કરીને તેમણે કહ્યું કે અથડામણમાં સામેલ લોકો સામે કડક કાર્યવાહી કરવામાં આવશે. આ દરમિયાન પોલીસે હિંસાના આરોપમાં 38 લોકોની ધરપકડ કરી છે.

હાવડામાં ફરી પથ્થરમારો

શુક્રવારે હાવડામાં પથ્થરમારાની બીજી ઘટના બની છે. તેને જોતા આ વિસ્તારમાં મોટી સંખ્યામાં પોલીસ દળો તૈનાત કરવામાં આવ્યા છે. મુખ્યમંત્રી મમતા બેનર્જીએ બદમાશો સામે કડક કાર્યવાહી કરવાનો નિર્દેશ આપ્યો છે. હાવડાની ઘટના પર મુખ્યમંત્રીએ કહ્યું, આ ઘટનામાં કોણ દોષિત છે તેની સામે કાયદેસરની કાર્યવાહી કરવામાં આવશે.

આ પણ વાંચો : Breaking news: પ.બંગાળના હાવડામાં રામનવમીના બીજા દિવસે પણ પથ્થરમારો, લોકોમાં ભયનો માહોલ

તેમણે આશંકા વ્યક્ત કરી હતી કે શુક્રવારે પવિત્ર નમાઝ દરમિયાન હાવડામાં ફરીથી ઉશ્કેરણી થઈ શકે છે. આ સાથે મુખ્યમંત્રીએ શાંતિ જાળવવા અનુરોધ કર્યો હતો. હાવડા સહિત ઘણા વિસ્તારોમાં પરિસ્થિતિને કાબૂમાં લેવા માટે ભારે પોલીસ દળ વિસ્તારમાં તૈનાત છે.

મમતા બેનર્જીએ કહ્યું કે હિંસા પાછળ ભાજપનો હાથ છે

તેમણે કહ્યું, કોઈ સમજદાર વ્યક્તિ આ કરી શકે નહીં. તેમનો રમઝાન ચાલી રહ્યો છે. તેઓએ કંઈ ખોટું કર્યું નથી. આવું કામ હિન્દુઓ પણ કરી શકતા નથી. તેમણે કહ્યું કે આજે પણ નમાજ બાદ પથ્થરમારાની ઘટના બની છે. પોલીસે સ્થિતિને કાબુમાં લીધી છે. આ ઘટનાનું આયોજન કરવામાં આવ્યું છે. તેઓએ એક મહિના પહેલા આયોજન કર્યું હતું. અમે હુમલાખોરોની મિલકત જપ્ત કરીશું. આ અંગે અમે પહેલેથી જ કાયદો બનાવી લીધો છે.

ઈનપુટ – પીટીઆઈ

દેશ અને દુનિયાના તાજા સમાચાર ગુજરાતીમાં વાંચો tv9gujarati.com પર 

દેશ સાથે જોડાયેલા તમામ ન્યૂઝ માટે જોડાયેલા રહો…