Weather Forecast: આ રાજ્યોમાં 11 જાન્યુઆરી સુધી પડશે મુશળધાર વરસાદ, IMDએ પણ ગાઢ ધુમ્મસની કરી આગાહી

ભારતીય હવામાન વિભાગ (The Indian Meteorological Department – IMD) એ શુક્રવારે 11 જાન્યુઆરી સુધી ઘણા રાજ્યોમાં હળવાથી મધ્યમ અને ભારે વરસાદની (Heavy Rain) આગાહી કરી છે. આ સિવાય હવામાન વિભાગે આગામી 24 કલાક દરમિયાન પશ્ચિમ ઉત્તર પ્રદેશ (Uttar Pradesh) અને આગામી બે દિવસ દરમિયાન પૂર્વ ઉત્તર પ્રદેશ, બિહાર, ઉપ-હિમાલયન પશ્ચિમ બંગાળ અને સિક્કિમમાં ગાઢ ધુમ્મસ (Heavy Fog) ની આગાહી પણ કરી છે.

હવામાન આગાહી વિભાગે શુક્રવારે જાહેર કરેલા તેના નિવેદનમાં જણાવ્યું છે કે જો કે, આગામી 4-5 દિવસ દરમિયાન ઉત્તર ભારતમાં કોઈ શીત લહેર થવાની સંભાવના નથી. વિભાગે કહ્યું કે આગામી 4-5 દિવસ દરમિયાન પશ્ચિમ હિમાલયમાં વ્યાપકથી મધ્યમ વરસાદ અને હિમવર્ષા થવાની સંભાવના છે.

આ સિવાય જમ્મુ-કાશ્મીર-લદ્દાખ-ગિલગિટ-મુઝફ્ફરાબાદમાં 7 થી 9 જાન્યુઆરી દરમિયાન ભારેથી અતિભારે વરસાદ અને હિમવર્ષા થવાની સંભાવના છે. તેમાં કહેવામાં આવ્યું છે કે 7 થી 9 જાન્યુઆરી દરમિયાન હિમાચલ પ્રદેશમાં અલગ-અલગ સ્થળોએ ભારે વરસાદ અને હિમવર્ષા થવાની સંભાવના છે.

પંજાબ, હરિયાણા, ચંદીગઢ, દિલ્હી, ઉત્તર રાજસ્થાન, ઉત્તર પ્રદેશમાં પણ 7 થી 9 જાન્યુઆરી દરમિયાન હળવાથી મધ્યમ વરસાદની આગાહી કરવામાં આવી છે. મધ્ય પ્રદેશમાં 7 થી 11 જાન્યુઆરી દરમિયાન વરસાદની સંભાવના છે, જ્યારે વિદર્ભ અને છત્તીસગઢમાં 9 થી 11 જાન્યુઆરી દરમિયાન વરસાદ પડી શકે છે.

7મી અને 8મી જાન્યુઆરીએ પંજાબમાં અને 8મી જાન્યુઆરીએ હરિયાણા અને ચંદીગઢમાં ભારે વરસાદની શક્યતા છે. IMD એ પણ ઉત્તરાખંડ, રાજસ્થાન, પંજાબ, હરિયાણા, ચંદીગઢ, પશ્ચિમ મધ્ય પ્રદેશમાં 7 અને 8 તારીખે વીજળી અને કરા પડવાની આગાહી કરી છે.

શુક્રવારે રાષ્ટ્રીય રાજધાનીમાં લઘુત્તમ તાપમાન 13.5 ડિગ્રી સેલ્સિયસ નોંધાયું હતું, જે સામાન્ય કરતાં છ ડિગ્રી વધુ હતું. IMD અનુસાર, દિવસ દરમિયાન હળવો વરસાદ અને ગાજવીજ સાથે વરસાદની શક્યતા છે. મહત્તમ તાપમાન 19 ડિગ્રી સેલ્સિયસની આસપાસ રહેવાની આગાહી કરવામાં આવી છે. શનિવારે પણ દિલ્હીમાં હળવો વરસાદ થવાની સંભાવના છે.

આ પણ વાંચો: રેલવે વિભાગમાં એક લાખથી વધુ લોકોને રોજગારી મળશે, બહાર પાડેલી ભરતી માટે એક કરોડ 24 લાખ અરજી આવી: રેલવે પ્રધાન

આ પણ વાંચો: કેન્દ્રએ રાજ્યોને કર્યો નિર્દેશ, આરોગ્ય કેન્દ્રોમાં ઓક્સિજનના સાધનો યોગ્ય રીતે કામ કરી રહ્યા છે કે કેમ તેની ખાતરી કરો