મળશે નવી રોજગારીની તકો… PM મોદીએ કહ્યું શા માટે એર ઈન્ડિયા-બોઈંગ ડીલ ખાસ છે
બંને નેતાઓએ તાજેતરમાં વોશિંગ્ટન ડીસીમાં ક્રિટિકલ એન્ડ ઇમર્જિંગ ટેક્નોલોજી (ICET) પરની પહેલની પ્રથમ બેઠકનું સ્વાગત કર્યું હતું અને અવકાશ, સેમી-કંડક્ટર, સંરક્ષણ અને અન્ય ક્ષેત્રોમાં દ્વિપક્ષીય સહયોગને મજબૂત કરવાની ઊંડી ઇચ્છા વ્યક્ત કરી
વડાપ્રધાન નરેન્દ્ર મોદીએ મંગળવારે અમેરિકાના રાષ્ટ્રપતિ જો બિડેન સાથે ફોન પર વાતચીત કરી હતી. આ દરમિયાન, તેમણે ભારત-યુએસ કોમ્પ્રિહેન્સિવ ગ્લોબલ સ્ટ્રેટેજિક પાર્ટનરશિપને વધુ ગાઢ બનાવવા પર સંતોષ વ્યક્ત કર્યો હતો. એર ઈન્ડિયા અને બોઈંગ ડીલને ઐતિહાસિક ગણાવતા પીએમ મોદી, બિડેને તેને પરસ્પર લાભદાયી સહયોગનું ઉત્તમ ઉદાહરણ ગણાવ્યું જે બંને દેશોમાં રોજગારીની નવી તકો ઊભી કરવામાં મદદ કરશે.
પ્રધાનમંત્રીએ બોઇંગ અને અન્ય અમેરિકન કંપનીઓને ભારતમાં નાગરિક ઉડ્ડયન ક્ષેત્રના વિસ્તરણ પછી ઊભી થનારી તકોનો લાભ લેવા આમંત્રણ આપ્યું હતું. બંને નેતાઓએ તાજેતરમાં વોશિંગ્ટન ડીસીમાં ક્રિટિકલ એન્ડ ઇમર્જિંગ ટેક્નોલોજી (ICET) પરની પહેલની પ્રથમ બેઠકનું સ્વાગત કર્યું હતું અને અવકાશ, સેમી-કંડક્ટર, સંરક્ષણ અને અન્ય ક્ષેત્રોમાં દ્વિપક્ષીય સહયોગને મજબૂત કરવાની ઊંડી ઇચ્છા વ્યક્ત કરી હતી. બંને દેશોના નેતાઓ લોકો-થી-લોકોના સંબંધોને મજબૂત કરવા માટે પાયો નાખવા સંમત થયા છે.
એર ઈન્ડિયા-બોઈંગ ડીલ શું છે?
તમને જણાવી દઈએ કે, ભારતની ખાનગી ક્ષેત્રની એરલાઈન એર ઈન્ડિયા 34 અબજ ડોલરના સોદામાં બોઈંગ પાસેથી 220 વિમાન ખરીદશે. 70 વધુ એરક્રાફ્ટ ખરીદવાનો વિકલ્પ પણ હશે. આ સાથે, ડીલની કુલ કિંમત $ 45.9 બિલિયન સુધી જઈ શકે છે. અમેરિકી રાષ્ટ્રપતિ જો બિડેને આ ડીલને ઐતિહાસિક સમજૂતી ગણાવી છે.
મંગળવારે બોઈંગ-એર ઈન્ડિયા ડીલની જાહેરાત કરતા બિડેને કહ્યું કે વડાપ્રધાન નરેન્દ્ર મોદી સાથે મળીને તેઓ ભારત અને અમેરિકા વચ્ચેના સંબંધોને વધુ મજબૂત કરવા માટે આતુર છે. વ્હાઇટ હાઉસની જાહેરાત અનુસાર, બોઇંગ અને એર ઇન્ડિયા એક કરાર પર પહોંચ્યા છે, જેના હેઠળ એરલાઇન કુલ 220 એરક્રાફ્ટ ખરીદશે. જેમાં 190 B737 Max, 20 B787 અને 10 B777X એરક્રાફ્ટનો સમાવેશ થાય છે. આ ડીલ 34 અબજ ડોલરની છે.
એરક્રાફ્ટની સંખ્યાના સંદર્ભમાં બીજો સૌથી મોટો સોદો
આ સોદામાં વધારાના 50 બોઇંગ 737 મેક્સ અને 20 બોઇંગ 787 એરક્રાફ્ટ ખરીદવાનો વિકલ્પ સામેલ છે. આ રીતે, કુલ 290 એરક્રાફ્ટના સોદામાં $45.9 બિલિયનનો ખર્ચ થશે. બિડેને કહ્યું કે, આજે મને એર ઈન્ડિયા અને બોઈંગ વચ્ચેના ઐતિહાસિક કરાર દ્વારા 200થી વધુ યુએસ-નિર્મિત એરક્રાફ્ટની ડીલની જાહેરાત કરતા ગર્વ થઈ રહ્યો છે. એર ઈન્ડિયાનો ઓર્ડર બોઈંગનો ડોલરના મૂલ્યમાં અત્યાર સુધીનો ત્રીજો સૌથી મોટો અને એરક્રાફ્ટની સંખ્યાની દ્રષ્ટિએ બીજા નંબરનો સૌથી મોટો ઓર્ડર છે.
Published On - 6:50 am, Wed, 15 February 23
