Rahul Gandhi: સ્કૂટી લાવ્યા છો, ચાલો ફરવા જઈએ! રાહુલ ગાંધી ફરી કોલેજ ગર્લ સાથે પિંક સિટીમાં ફરવા નિકળ્યા, જુઓ Video

Rahul Gandhi: જયપુરમાં કોંગ્રેસના પૂર્વ અધ્યક્ષ અને સાંસદ રાહુલ ગાંધીની અલગ જ સ્ટાઈલ જોવા મળી હતી. તે પિંક સિટીના રસ્તાઓ પર સ્કૂટર ચલાવતા જોવા મળ્યા હતા. ખાસ વાત એ છે કે રાહુલ ગાંધી એક વિદ્યાર્થી સાથે સ્કૂટીની પાછળની સીટ પર બેઠેલા જોવા મળ્યા હતા. વિદ્યાર્થી સ્કૂટર ચલાવી રહ્યો હતો અને રાહુલ ગાંધી પાછળ બેઠા હતા. આ દરમિયાન રાહુલ ગાંધીની એક ઝલક મેળવવા માટે જયપુરના રસ્તાઓ પર મોટી ભીડ એકઠી થઈ હતી. જેના કારણે કોંગ્રેસ સાંસદની સુરક્ષા માટે તૈનાત જવાનોને ભારે જહેમત ઉઠાવવી પડી હતી.

આ પણ વાંચો: Rahul Gandhi Vs BJP: કારગિલથી રાહુલ ગાંધીનો પીએમ મોદી પર શાબ્દિક હુમલો, ભાજપે કહ્યું નેહરુએ ચીનને ચોખા આપ્યા હતા !

‘કુલી’ પછી હવે સ્કૂટીની સવારી

કોંગ્રેસના નવા હેડક્વાર્ટર બિલ્ડિંગનો શિલાન્યાસ કરવા માટે રાહુલ ગાંધી જયપુર પહોંચ્યા છે. કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે અને રાહુલ ગાંધીએ લગભગ 1.30 વાગ્યે જયપુરમાં કોંગ્રેસના નવા મુખ્યાલયની ઇમારતનો શિલાન્યાસ કર્યો. આ પહેલા રાહુલ ગાંધી જયપુરની સડકો પર સ્કૂટી ચલાવતા જોવા મળ્યા હતા.

પિંક સિટીમાં સ્કૂટી પર રાહુલ ગાંધીનો Video

રાહુલ સ્કૂટર પર મહારાણી કોલેજથી નીકળ્યા

પિંક સિટીના રસ્તાઓ પર સ્કૂટી પર ફરવાની રાહુલ ગાંધીની સ્ટાઈલ ખૂબ જ ખાસ હતી. રાહુલ ગાંધી મહારાણી કોલેજથી સ્કૂટી પર નીકળ્યા હતા. તેણે હેલ્મેટ પહેર્યું હતું. કહેવામાં આવી રહ્યું છે કે સ્કૂટી એક વિદ્યાર્થીની ચલાવી રહ્યી હતી. રાહુલ ગાંધી સ્કુટીની પાછળની સીટ પર બેઠા હતા. મોટી સંખ્યામાં કોંગ્રેસના કાર્યકરો અને મીડિયાકર્મીઓ તેમના કેમેરામાં તેમના અંદાજને કેદ કરવાનો પ્રયાસ કરી રહ્યા હતા.

રાહુલ ગાંધી વહેલી સવારે જયપુર પહોંચી ગયા હતા

કોંગ્રેસના પૂર્વ અધ્યક્ષ રાહુલ ગાંધી આજે સવારે જયપુર પહોંચ્યા હતા. રાજસ્થાનના સીએમ અશોક ગેહલોત સહિત પાર્ટીના પ્રભારી અને સહપ્રભારીઓએ જયપુર એરપોર્ટ પર તેમનું વિશેષ સ્વાગત કર્યું હતું. જયપુરમાં પાર્ટી કાર્યકર્તાઓના સંમેલનને સંબોધશે. આ માટે પાર્ટીએ ખાસ તૈયારીઓ કરી છે. આ કાર્યક્રમ માટે રાહુલ ગાંધી જયપુર પહોંચ્યા ત્યારે પાર્ટીના વરિષ્ઠ નેતાઓએ તેમનું સ્વાગત કર્યું હતું. જો કે આ દરમિયાન સચિન પાયલટ જોવા મળ્યા ન હતા.

દેશના તમામ સમાચાર વાંચવા માટે અહીં ક્લિક કરો