સેનામાં થશે ઈલેક્ટ્રિક વાહનોની એન્ટ્રી, બસથી બાઈક સુધીનો રોડમેપ તૈયાર

ભારતીય વાયુસેના (Indian Army) તેમની કામગીરી માટે ઈલેક્ટ્રિક વાહનોને (Electric Vehicle) સામેલ કરવાનું વિચારી રહી છે. આ દ્વારા કાર્બન ઉત્સર્જન ઘટાડવા અને અશ્મિભૂત ઈંધણ પર નિર્ભરતા ઘટાડવાનો પ્રયત્ન કરવામાં આવી રહ્યો છે. એવું કહેવામાં આવી રહ્યું છે કે સૈનિકોની જરૂરિયાતો માટે હળવા વાહનો, બસો અને મોટરસાઈકલને સામેલ કરવામાં આવશે. આ મામલાની જાણકારી ધરાવતા અધિકારીઓએ આ માહિતી આપી છે. અધિકારીએ જણાવ્યું હતું કે સેનાની રોજગાર ક્ષમતા, રોજગારના દૂરસ્થ સ્થાનો અને ઓપરેશનલ પ્રતિબદ્ધતાઓને પહોંચી વળવા ઈલેક્ટ્રિક વાહનોને સામેલ કરવા માટે રોડમેપ તૈયાર કરવામાં આવ્યો છે.

હિન્દુસ્તાન ટાઈમ્સના રિપોર્ટ મુજબ અધિકારીએ કહ્યું કે આ સૈનિકો માટે ઉપયોગમાં લેવાતા લગભગ 25% હળવા વાહનો, 38% બસો અને 48% મોટરસાઈકલને બદલી દેશે. આ માટે પર્યાપ્ત ચાર્જિંગ સુવિધા પણ તૈયાર કરવામાં આવશે. અધિકારીએ કહ્યું કે આ સેનાની જરૂરિયાતો અને વિવિધ ક્ષેત્રોમાં ઈલેક્ટ્રિક વાહનોની રોજગાર ક્ષમતા અનુરૂપ કરવામાં આવી રહ્યું છે. અધિકારીએ કહ્યું કે હાલમાં સોલાર પેનલથી ચાલતા ચાર્જિંગ સ્ટેશન પર કામ ચાલી રહ્યું છે, જ્યારે અનેક ઓફિસો અને પાર્કિંગ લોટમાં ચાર્જિંગ પોઈન્ટ સ્થાપિત કરવામાં આવ્યા છે.

ઈવી બસોની ખરીદી માટે ટૂંક સમયમાં બહાર પાડવામાં આવશે ટેન્ડર

સ્ટેશન દીઠ ઈવીની અંદાજિત સંખ્યાના આધારે પર્યાપ્ત ક્ષમતાના ટ્રાન્સફોર્મર્સ પણ લગાવવામાં આવ્યા છે. અધિકારીના જણાવ્યા મુજબ 60 ઈવી બસ માટે ટૂંક સમયમાં ટેન્ડર બહાર પાડવામાં આવશે. આ સિવાય 24 ફાસ્ટ ચાર્જિંગ પોઈન્ટ માટે પણ ટેન્ડર બહાર પાડવામાં આવશે. એટલું જ નહીં, સેના આ પછી પણ ઈવીનો સમાવેશ કરવાનું ચાલુ રાખશે અને ધીમે ધીમે કાર્બન ઉત્સર્જનમાં ઘટાડો કરશે અને અશ્મિભૂત ઈંધણ પર નિર્ભરતા ઘટાડશે, જે પર્યાવરણ માટે ફાયદાકારક સાબિત થશે.

સેના પહેલેથી જ કરી રહી છે ઈવીનો ઉપયોગ

અધિકારીઓએ કહ્યું હતું કે સરકારની હાઈબ્રિડ અને ઈવી (ફેમ) I અને II (ઈલેક્ટ્રિક અને હાઈબ્રિડ વાહનોના નિર્માણને પ્રોત્સાહન આપવા)ને ઝડપથી અપનાવવા અને નિર્માણ કરવાની નીતિને કારણે દેશમાં ઈવી ઈકોસિસ્ટમને ટકાવી રાખવા માટે ઈન્ફ્રાસ્ટ્રક્ચરના ડેવલોપમેન્ટને પ્રોત્સાહન આપવામાં આવ્યું છે. તેમને કહ્યું કે સેનાએ તેના વાહનો ચલાવવા સિવાય નાગરિક ભાડા પરિવહનના ભાગ રૂપે ઈવીનો ઉપયોગ કરવાનું શરૂ કર્યું છે. સેના જરૂરિયાતો પૂરી કરવા માટે સિવિલ વ્હીકલ્સ ભાડે રાખે છે.