Flying kiss : સંસદમાં રાહુલ ગાંધીએ ફ્લાઈંગ કિસનો કર્યો ઈશારો, સ્મૃતિ ઈરાનીએ કહ્યુ- માફી માગે રાહુલ

Flying kiss : બુધવારે લોકસભામાં અવિશ્વાસ પ્રસ્તાવ પર ચર્ચા દરમિયાન વિવાદ સર્જાયો હતો. કેન્દ્રીય મંત્રી સ્મૃતિ ઈરાનીએ આરોપ લગાવ્યો કે, કોંગ્રેસ સાંસદ રાહુલ ગાંધીએ લોકસભાની બહાર જતા સમયે અભદ્ર ઈશારો કર્યો હતો, જેના માટે તેમણે માફી માંગવી જોઈએ. સ્મૃતિએ આરોપ લગાવ્યો હતો કે જ્યારે મહિલાઓ સંસદમાં બેઠી હોય ત્યારે કોઈ આ રીતે ફ્લાઈંગ કિસનો (Flying kiss ) ઈશારો કરે તો તે ખૂબ જ અભદ્ર છે.

સ્મૃતિ ઈરાનીએ પોતાના સંબોધનમાં કહ્યું કે, હું એક વાત સામે વાંધો ઉઠાવવા માંગુ છું. જેમને મારી સમક્ષ નિવેદન આપવાનો અધિકાર આપવામાં આવ્યો હતો, તેઓએ જતી વખતે અભદ્ર ઈશારા કર્યા હતા. જ્યારે મહિલા સાંસદો ગૃહમાં બેઠી હોય છે, તે સમયે ફ્લાઈંગ કિસનો ​​ઈશારો કરવામાં આવ્યો હતો. આવું ગૌરવપૂર્ણ વર્તન ગૃહમાં ક્યારેય જોવા મળ્યું નથી.

આકરા પ્રહારમાં સ્મૃતિ ઈરાનીએ કહ્યું કે, આ તેમના પરિવારના લક્ષણો છે, જે આજે દેશે પણ જોયા છે. કેન્દ્રીય મંત્રીના આ આરોપ બાદ ગૃહમાં હોબાળો થયો હતો અને એટલું જ નહીં ભારતીય જનતા પાર્ટી તરફથી રાહુલ ગાંધી વિરુદ્ધ ફરિયાદ પણ કરવામાં આવી શકે છે.

તમને જણાવી દઈએ કે કોંગ્રેસ સાંસદ રાહુલ ગાંધીએ બુધવારે અવિશ્વાસ પ્રસ્તાવના બીજા દિવસે ગૃહમાં ચર્ચાની શરૂઆત કરી હતી. લગભગ અડધા કલાકના ભાષણમાં રાહુલ ગાંધીએ મોદી સરકાર પર જોરદાર નિશાન સાધ્યું, રાહુલે આરોપ લગાવ્યો કે મોદી સરકારે મણિપુરમાં ભારતની હત્યા કરી છે, ભારત માતાની હત્યા છે. રાહુલના આરોપો પર ગૃહમાં ભારે હોબાળો થયો હતો.

જવાબમાં સ્મૃતિ ઈરાનીએ જમ્મુ-કાશ્મીર, રાજસ્થાન અને છત્તીસગઢના મુદ્દે રાહુલ ગાંધીને ઘેર્યા હતા. સ્મૃતિએ આરોપ લગાવ્યો કે, કોંગ્રેસના લોકો જમ્મુ-કાશ્મીરમાં જનમતની વાત કરે છે, સાથે જ કૌભાંડો પર મૌન સેવે છે, આવી સ્થિતિમાં રાહુલ ગાંધી તેમના પર કેમ બોલતા નથી.

દેશના તમામ સમાચાર વાંચવા માટે અહીં ક્લિક કરો