Punjab Assembly Election: અરવિંદ કેજરીવાલની મોટી જાહેરાત, સરકાર બનશે તો મહિલાને દર મહિને 1,000 રૂપિયા આપવામાં આવશે
અરવિંદ કેજરીવાલે કહ્યું કે, જો તેમની પાર્ટી પંજાબમાં સરકાર બનાવે છે, તો તેઓ 18 વર્ષથી ઉપરની દરેક મહિલાને દર મહિને 1,000 રૂપિયા આપશે. તેમણે કહ્યું છે કે આ અત્યાર સુધીનો સૌથી મોટો મહિલા સશક્તિકરણ કાર્યક્રમ હશે.
આવતા વર્ષે યોજાનારી પંજાબ વિધાનસભાની ચૂંટણી (Punjab Assembly Election) માટે તમામ પક્ષો સખત મહેનત કરી રહ્યા છે. સત્તાની ચાવી મેળવવા માટે નેતાઓ લોકોના દિલ જીતવા માટે શક્ય તમામ પ્રયાસો કરી રહ્યા છે. આ કડીમાં આમ આદમી પાર્ટીના રાષ્ટ્રીય કન્વીનર અને દિલ્હીના મુખ્યમંત્રી અરવિંદ કેજરીવાલે (Arvind Kejriwal) એક મોટી જાહેરાત કરી છે. તેમણે કહ્યું છે કે જો તેમની પાર્ટી પંજાબમાં સરકાર બનાવે છે, તો તેઓ 18 વર્ષથી ઉપરની દરેક મહિલાને દર મહિને 1,000 રૂપિયા આપશે. તેમણે કહ્યું છે કે આ અત્યાર સુધીનો સૌથી મોટો મહિલા સશક્તિકરણ કાર્યક્રમ હશે.
અરવિંદ કેજરીવાલે મોગામાં કહ્યું કે, જો અમે 2022માં પંજાબમાં સરકાર બનાવીશું, તો અમે રાજ્યની 18 વર્ષથી વધુ ઉંમરની દરેક મહિલાને દર મહિને 1,000 રૂપિયા આપીશું. જો એક પરિવારમાં 3 મહિલા સભ્યો હોય તો દરેકને 1,000 રૂપિયા મળશે. આ વિશ્વનો સૌથી મોટો મહિલા સશક્તિકરણ કાર્યક્રમ હશે. તેમણે આગળ કહ્યું, હું છેલ્લા કેટલાક દિવસોથી જોઈ રહ્યો છું કે આજકાલ પંજાબમાં નકલી કેજરીવાલ ફરે છે, હું જે પણ વચન આપું છું, તે બે દિવસ પછી બોલે છે. પરંતુ તે કરતા નથી કારણ કે તે નકલી છે.
If we form govt in Punjab in 2022, then we will give every woman of the state, who is above 18 years of age, Rs 1000 per month. If a family has 3 female members then each will get Rs 1000. This’ll be the world’s biggest women empowerment program: Delhi CM Arvind Kejriwal in Moga pic.twitter.com/7hAwC4achY
— ANI (@ANI) November 22, 2021
પંજાબની બે દિવસીય મુલાકાતે અરવિંદ કેજરીવાલ
અરવિંદ કેજરીવાલ હાલમાં પંજાબના બે દિવસીય પ્રવાસ પર છે. આજે તેમના પ્રવાસનો પહેલો દિવસ છે જેમાં તેમણે મોગાથી તેમના ‘મિશન પંજાબ’ની શરૂઆત કરી છે. એવું કહેવામાં આવી રહ્યું છે કે ‘મિશન પંજાબ’ અંતર્ગત તેઓ આગામી એક મહિનામાં રાજ્યના ઘણા સ્થળોની મુલાકાત લેશે અને આમ આદમી પાર્ટી દ્વારા લોકો માટે ઉઠાવવામાં આવનાર પગલાની જાહેરાત કરશે.
આ પહેલા પાર્ટી તરફથી કેજરીવાલના કાર્યક્રમ વિશે માહિતી આપતા જણાવવામાં આવ્યું હતું કે, તેઓ મહિલાઓ માટે મોટી જાહેરાતો કરશે. તેઓ તેમના મોગા કાર્યક્રમ બાદ લુધિયાણામાં પાર્ટીની બેઠકમાં ભાગ લેશે. મંગળવારે તેઓ પાર્ટીના અન્ય કાર્યક્રમમાં હાજરી આપશે અને અમૃતસરમાં પ્રેસ કોન્ફરન્સને સંબોધશે. કેજરીવાલે ગયા મહિને પણ પંજાબની મુલાકાત લીધી હતી, જે દરમિયાન તેમણે મનસા અને ભટિંડા જિલ્લામાં ખેડૂતો અને વેપારીઓ સાથે વાતચીત કરી હતી.
આ પણ વાંચો : સંસદના શિયાળુ સત્ર પહેલા 28 નવેમ્બરે યોજાશે સર્વદળીય બેઠક, PM નરેન્દ્ર મોદી પણ હાજર રહે તેવી શક્યતા