વડાપ્રધાન નરેન્દ્ર મોદી (PM Narendra Modi) ક્વાડ સમિટમાં ભાગ લેવા માટે જાપાનની મુલાકાતે છે. આ દરમિયાન પીએમ મોદી જાપાનના ઘણા ટોચના ઉદ્યોગપતિઓને મળ્યા હતા. વડાપ્રધાને જાપાનની કંપનીઓને ભારતમાં રોકાણની તકો શોધવાની પણ અપીલ કરી હતી. વિદેશ મંત્રાલયના પ્રવક્તા અરિંદમ બાગચીએ જણાવ્યું કે, પીએમ મોદીએ 30થી વધુ કંપનીઓના સીઈઓ (CEO) અને અધિકારીઓ સાથે વાતચીત કરી. વડાપ્રધાને જાપાની વ્યાપારીઓને વેપાર કરવાની સરળતા સુધારવા માટે ભારત દ્વારા હાથ ધરવામાં આવેલા તાજેતરના સુધારાઓ વિશે માહિતગાર કર્યા અને તેમને ‘મેક ઈન ઈન્ડિયા ફોર ધ વર્લ્ડ’ માટે આમંત્રિત કર્યા.
સુઝુકી મોટર કોર્પોરેશનના અધ્યક્ષ અને પ્રમુખ તોશિહિરો સુઝુકીએ કહ્યું કે પીએમ મોદી જે સુધારાઓ લઈ રહ્યા છે તે ભારતને આધુનિક લેન્ડસ્કેપમાં બદલી રહ્યા છે. તેમણે કહ્યું કે જાપાનની કંપનીઓ પીએમ મોદીના આત્મનિર્ભરતા અભિયાનને સમર્થન આપી રહી છે. તોશિહિરો સુઝુકી ઉપરાંત, વડાપ્રધાન સુઝુકી મોટર કોર્પોરેશનના વરિષ્ઠ સલાહકાર ઓસામુ સુઝુકી, સોફ્ટબેંક ગ્રુપ કોર્પોરેશનના બોર્ડ ડાયરેક્ટર માસાયોશી સોન અને યુનિક્લોના પ્રમુખ અને સીઈઓ તાદાશી યાનાઈને પણ મળ્યા હતા.
Japan | Prime Minister Narendra Modi participates in a round table with Japanese business leaders in Tokyo.
Source: DD pic.twitter.com/tFDIzaAw6d
— ANI (@ANI) May 23, 2022
વિદેશ મંત્રાલયના પ્રવક્તા અરિંદમ બાગચીએ ટ્વિટ કર્યું, “PM નરેન્દ્ર મોદીએ ટોક્યોમાં NEC કોર્પોરેશનના અધ્યક્ષ ડૉ. નોબુહિરો એન્ડો સાથે મુલાકાત કરી. ભારતના ટેલિકોમ સેક્ટરમાં NECની ભૂમિકાની પ્રશંસા કરી અને દેશમાં નવી અને ઉભરતી ટેક્નોલોજીની તકો અંગે ચર્ચા કરી. ”
“PM Narendra Modi met Chairman of NEC Corporation Dr. Nobuhiro Endo in Tokyo. Appreciated NEC’s role in India’s telecommunication sector and discussed opportunities in new and emerging technologies in India,” tweets MEA Spokesperson Arindam Bagchi. pic.twitter.com/9D3DmMeQvC
— ANI (@ANI) May 23, 2022
વડાપ્રધાન નરેન્દ્ર મોદીએ ઈન્ડો-પેસિફિક ઈકોનોમિક ફ્રેમવર્ક ઈવેન્ટમાં કહ્યું હતું કે ભારત એક સમાવિષ્ટ સ્થિતિસ્થાપક ‘ઈન્ડો પેસિફિક ઈકોનોમિક મોડલ’ બનાવવા માટે તમારા બધા સાથે કામ કરશે. આપણી વચ્ચે વિશ્વાસ, પારદર્શિતા, સમયપાલન હોવું જોઈએ. તે ઈન્ડો-પેસિફિક ક્ષેત્રમાં વિકાસ, શાંતિ અને સમૃદ્ધિનો માર્ગ મોકળો કરશે.
વડાપ્રધાન નરેન્દ્ર મોદી, યુએસ પ્રમુખ જો બાઈડન, જાપાનના વડાપ્રધાન ફ્યુમિયો કિશિદા અને યુએસ સેક્રેટરી ઑફ સ્ટેટ એન્ટની બ્લિંકન ટોક્યોમાં ઇન્ડો-પેસિફિક ઇકોનોમિક ફ્રેમવર્ક ઇવેન્ટમાં હાજરી આપી હતી. જાપાનના વડાપ્રધાન ફ્યુમિયો કિશિદાએ કહ્યું કે જાપાન, યુએસ અને પ્રાદેશિક ભાગીદારોના સહયોગથી, ભારત-પ્રશાંત ક્ષેત્રની સ્થિર સમૃદ્ધિમાં યોગદાન આપી રહ્યું છે.