PMOએ જોશીમઠ ઘટના પર ઉચ્ચ સ્તરીય બેઠક બોલાવી, કર્ણપ્રયાગમાં પણ ભૂસ્ખલન, 30 મકાનોમાં તિરાડો

વડાપ્રધાન કાર્યાલય (PMO) એ ઉત્તરાખંડમાં જોશીમઠ દુર્ઘટના પર ઉચ્ચ સ્તરીય બેઠક બોલાવી છે. વડાપ્રધાનના મુખ્ય સચિવ પીકે મિશ્રા આ બેઠકની અધ્યક્ષતા કરશે. ઉત્તરાખંડના વરિષ્ઠ અધિકારીઓ, કેબિનેટ સચિવ, જોશીમઠના ડીએમ અને એનડીઆરએફના વરિષ્ઠ અધિકારીઓ બેઠકમાં હાજરી આપશે. શનિવારે મુખ્ય પ્રધાન પુષ્કર સિંહ ધામી ઘટનાસ્થળનું નિરીક્ષણ કરવા જોશીમઠ પહોંચ્યા હતા. તેમણે દરેક ઘર અને તિરાડને જોયા બાદ અસરગ્રસ્ત લોકો સાથે વાત કરી હતી. લોકોને આશ્વાસન આપતાં સીએમ ધામીએ કહ્યું કે સરકારે તેમના પુનર્વસન માટે કવાયત શરૂ કરી છે. સરકાર તેમને પીપલકોટીમાં વસાવવાની તૈયારી કરી રહી છે.

ઉત્તરાખંડમાં જોશીમઠ પછી કર્ણપ્રયાગમાં ભૂસ્ખલન થવાની ઘટના સામે આવી છે. કર્ણપ્રયાગમાં 30 મકાનોમાં તિરાડો પડી છે. અસરગ્રસ્ત મકાનોમાં રહેતા લોકોએ જણાવ્યું કે અહીંથી લગભગ બે પરિવાર સ્થળાંતર કરી ગયા છે. અહીં માત્ર થોડા જ લોકો બાકી છે. પરંતુ હજુ સુધી સરકાર કે વહીવટીતંત્ર દ્વારા તેમને રહેવા માટે કોઈ નક્કર જગ્યા આપવામાં આવી નથી.

ઉત્તરાખંડના જોશીમઠમાં ભૂસ્ખલન અને મકાનોમાં તિરાડોનો આતંક હજુ સમાપ્ત થયો નથી કે ગઢવાલ ડિવિઝનના કર્ણપ્રયાગમાં આવી જ એક ઘટના સામે આવી છે. અહીં બહુગુણા નગરમાં ભૂસ્ખલનને કારણે 30થી વધુ મકાનોમાં તિરાડો પડી ગઈ છે. પરિસ્થિતિને જોતા અસરગ્રસ્ત મકાનોમાં રહેતા તમામ પરિવારોએ પોતાના ઘર ખાલી કરીને સલામત સ્થળે આશરો લીધો છે. કેટલાક પોતાના સંબંધીના ઘરે પહોંચી ગયા છે, તો કેટલાકે ખુલ્લા આકાશ નીચે તાડપત્રીનો તંબુ બાંધીને સરકાર પાસેથી રાહતની રાહ જોઈ રહ્યાં છે.

અસરગ્રસ્ત મકાનોમાં રહેતા લોકોએ જણાવ્યું કે અહીંથી લગભગ બે પરિવારો સ્થળાંતર કરી ગયા છે. અહીં માત્ર થોડા જ લોકો બાકી છે. પરંતુ હજુ સુધી સરકાર કે વહીવટીતંત્ર દ્વારા તેમને રહેવા માટે કોઈ નક્કર જગ્યા આપવામાં આવી નથી. મજબૂરીમાં લોકોને ખુલ્લા આકાશ નીચે તાડપત્રીના તંબુમાં રાત વિતાવવી પડી રહી છે. સ્થાનિક લોકોના જણાવ્યા અનુસાર કર્ણપ્રયાગના અપર બજાર વોર્ડના 30 પરિવારો પણ આ સમસ્યાનો સામનો કરી રહ્યા છે. સ્થાનિકોને આશંકા છે કે આ ખતરો હજુ વધી શકે છે.

સ્થાનિક લોકોના જણાવ્યા મુજબ તાજેતરમાં સરકાર દ્વારા માર્કેટના બાંધકામના કારણે ખોદકામ કરાવવામાં આવ્યું હતું. અનિયમિત રીતે થયેલા બાંધકામના કારણે કર્ણપ્રયાગ વિસ્તારમાં પણ પાયમાલી થવાની છે. સ્થિતિને જોતા સરકારે સેનાને પણ એલર્ટ કરી દીધી છે. ગઢવાલના ડિવિઝનલ કમિશનર સુશીલ કુમાર સિંહના જણાવ્યા અનુસાર ભવિષ્યની સ્થિતિને ધ્યાનમાં રાખીને સેનાને ઈમરજન્સીમાં સતર્ક રહેવાની જાણ કરવામાં આવી છે. તેમણે કહ્યું કે અન્ય વિસ્તારોમાં રાહત કાર્ય અને દેખરેખ માટે ભારતીય અવકાશ સંશોધન સંસ્થા (ઇસરો) પાસેથી પણ મદદ લેવામાં આવી રહી છે. ઈસરોની સેટેલાઇટ ઈમેજીસની મદદથી પરિસ્થિતિ પર નજર રાખવામાં આવશે.