BRICS summit: PM મોદી દક્ષિણ આફ્રિકા માટે રવાના, 15મી BRICS સમિટમાં લેશે ભાગ, જિનપિંગ સાથે થઈ શકે છે મુલાકાત, જુઓ Video

BRICS summit: વડાપ્રધાન નરેન્દ્ર મોદી (Narendra modi)આજે 15મી BRICS સમિટમાં ભાગ લેવા માટે જોહાનિસબર્ગ (દક્ષિણ આફ્રિકા) જવા રવાના થયા છે. પીએમ મોદી 24 ઓગસ્ટ સુધી દક્ષિણ આફ્રિકામાં રહેશે. આ દરમિયાન તેઓ ઘણા નેતાઓ સાથે દ્વિપક્ષીય બેઠક કરશે. જણાવી દઈએ કે દક્ષિણ આફ્રિકા 15મી બ્રિક્સ સંમેલનની અધ્યક્ષતા કરી રહ્યું છે. પીએમ મોદી દક્ષિણ આફ્રિકાના રાષ્ટ્રપતિ સિરિલ રામાફોસાના આમંત્રણ પર અહીંની મુલાકાતે છે.

આ પણ વાંચો: India Pakistan Relationship: BRICSમાં એન્ટ્રી માટે બેતાબ છે પાકિસ્તાન, શું ભારત તેને ફરી રોકી શકશે?

દક્ષિણ આફ્રિકાના પ્રવાસ બાદ પીએમ મોદી ગ્રીસ જશે. વડા પ્રધાન કિરિયાકોસ મિત્સોટાકિસના આમંત્રણ પર પીએમ મોદીની ગ્રીસની આ પ્રથમ મુલાકાત હશે. જણાવી દઈએ કે પીએમ મોદી 40 વર્ષમાં ગ્રીસની મુલાકાત લેનારા પ્રથમ ભારતીય વડાપ્રધાન હશે. આ દરમિયાન બંને દેશો વેપાર, રોકાણ, સંરક્ષણ અને ઈન્ફ્રાસ્ટ્રક્ચરમાં સહયોગ અંગે ચર્ચા કરશે.

પીએમ મોદીનો કાર્યક્રમ આવો રહેશે

• દિલ્હીથી PM મોદી સવારે 7.00 વાગ્યે જોહાનિસબર્ગ જવા રવાના થયા છે. તે આજે સાંજે જ જોહાનિસબર્ગ પહોંચશે. બ્રિક્સ સમિટની પૂર્વ સંધ્યાએ આયોજિત વિશેષ કાર્યક્રમમાં ભાગ લેશે.
• વડાપ્રધાન મોદી સાંજે 5.15 વાગ્યે (ભારતીય સમય મુજબ) જોહાનિસબર્ગ પહોંચશે
• સાંજે 7.30 કલાકે બ્રિક્સ બિઝનેસ ફોરમમાં ભાગ લેશે. આ કાર્યક્રમમાં વડાપ્રધાન ઉપરાંત ભારતમાંથી જનાર ઉદ્યોગપતિઓનું પ્રતિનિધિમંડળ ભાગ લેશે.
• વડાપ્રધાન મોદી રાત્રે 9.30 કલાકે બ્રિક્સ નેતાઓના રીટ્રીટ પ્રોગ્રામમાં ભાગ લેશે. આ કાર્યક્રમ બંધ બારણે યોજાશે

જિનપિંગને મળી શકે છે

જણાવી દઈએ કે આ કાર્યક્રમમાં વડાપ્રધાન મોદી અને ચીનના રાષ્ટ્રપતિની પ્રથમ મુલાકાત થવાની સંભાવના છે. અગાઉ, બંને નેતાઓ બાલી (ઇન્ડોનેશિયા)માં જી-20 સંમેલનના સાંસ્કૃતિક કાર્યક્રમ દરમિયાન મળ્યા હતા. લગભગ એક વર્ષ પછી, બંને દેશો સહમત થયા કે મોદી અને જિનપિંગ વચ્ચેની ટૂંકી બેઠકમાં સરહદ વિવાદ પર પણ ચર્ચા થઈ હતી. જોકે સત્તાવાર રીતે વિદેશ સચિવે કહ્યું છે કે બેઠકનો કાર્યક્રમ હજુ ફાઈનલ નથી.

રાષ્ટ્રીયના તમામ સમાચાર વાંચવા માટે અહીં ક્લિક કરો