દેશમાં કોરોના વાઈરસથી સંક્રમિતોની સંખ્યા સતત વધી રહી છે. છેલ્લા કેટલાક દિવસથી સતત 50 હજારથી વધારે કેસ સામે આવી રહ્યા છે. તેની વચ્ચે કોરોના વેક્સીન વિકસિત થવા પર પણ દેશ-દુનિયામાં ખુબ ઝડપથી કામ ચાલી રહ્યું છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
ત્યારે DGCIએ સિરમ ઈન્સ્ટીટ્યુટ ઓફ ઈન્ડિયાને કોરોના વેક્સીનના ક્લિનિકલ ટ્રાયલની મંજૂરી આપી દીધી છે. સિરમ ઈન્સ્ટીટ્યુટ ઓફ ઈન્ડિયાને ઓક્સફોર્ડ યૂનિવર્સિટીની કોરોના વેક્સીન Astra Zenecaનું બીજા અને ત્રીજા ફેઝનું ક્લિનિકલ ટ્રાયલ કરવાની મંજૂરી મળી છે.
ગયા મહિને બ્રિટેનની ઓક્સફોર્ડ યૂનિવર્સિટીની કોરોના વેક્સીનનું પ્રથમ અને બીજુ હ્યુમન ટ્રાયલ સફળ રહ્યું હતું. બ્રાઝિલમાં કરવામાં આવેલા હ્યુમન ટ્રાયલના સારા પરિણામ મળ્યા છે. એપ્રિલ મહિનામાં તેના પ્રથમ ફેઝનું હ્યુમન ટ્રાયલ શરૂ થયું હતું. આ દરમિયાન 1,112 લોકો પર તેનું પરીક્ષણ કરવામાં આવ્યું. આ વેક્સીનના ત્રીજા ફેઝનું ટ્રાયલ સાઉથ આફ્રિકા અને બ્રાઝિલમાં કરવામાં આવ્યું. હવે ભારતમાં ત્રીજા ફેઝનું હ્યુમન ટ્રાયલ શરૂ થશે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 3:03 pm, Mon, 3 August 20