વિજય દિવસના અવસરને લઈને, સમગ્ર દેશમાં ફેરવવામાં આવેલ ચાર મશાલને, વડાપ્રધાન નરેન્દ્ર મોદીએ (PM Narendra Modi) રાષ્ટ્રીય યુદ્ધ સ્મારક ખાતે પ્રજ્વલિત મશાલની સાથે ભેળવી દીધી હતી.
PM Modi paid tributes
Follow us on
વિજય દિવસના (Vijay Diwas) અવસર પર, વડાપ્રધાન નરેન્દ્ર મોદી (PM Narendra Modi) આજે રાષ્ટ્રીય યુદ્ધ સ્મારક (National War Memorial) ખાતે સુવર્ણ વિજય મશાલના (Swarnim Vijay Mashaals) સન્માન સમારોહમાં ભાગ લેવા પહોંચ્યા હતા. સન્માન સમારોહમાં પહોંચીને પીએમએ યુદ્ધમાં શહીદ થયેલા જવાનોને શ્રદ્ધાંજલિ આપી હતી. આ દરમિયાન, તેમણે રાષ્ટ્રીય યુદ્ધ સ્મારક પર પ્રગટાવવામાં આવેલી મશાલ સાથે ચાર મશાલો ભેળવી. નોંધપાત્ર રીતે, આ મશાલોને સમગ્ર દેશમાં ફેરવવામાં આવી હતી.
#WATCH | Prime Minister Narendra Modi participates in Homage & Reception Ceremony of ‘Swarnim Vijay Mashaals’ at the National War Memorial in Delhi to mark 50th #VijayDiwaspic.twitter.com/cLpfWIjbJP
પીએમ મોદીએ નેશનલ વોર મેમોરિયલ ખાતે વિઝિટર બુક પર હસ્તાક્ષર કર્યા. તેમણે કહ્યું, ‘સમગ્ર રાષ્ટ્ર વતી હું 1971ના યુદ્ધના યોદ્ધાઓને સલામ કરું છું. નાગરિકોને તે બહાદુર યોદ્ધાઓ પર ગર્વ છે જેમણે બહાદુરીના અનોખા કિસ્સાઓ સર્જયા છે. ‘1971ના ભારત-પાકિસ્તાન યુદ્ધમાં બલિદાન આપનારા ભારતીય સશસ્ત્ર દળોના જવાનોની બહાદુરી અને બલિદાનને યાદ કરીને પીએમ મોદીએ ટ્વિટ કર્યું, ’50મો વિજય દિવસ નિમિત્તે ભારતીય સશસ્ત્ર દળોના સૈનિકો, મુક્તિયોદ્ધાઓ, વિરાંગનાની બહાદુરી અને બલિદાનને યાદ કરો. સાથે મળીને દમનકારી દળો સામે લડ્યા અને જીત્યા.
‘1971નું યુદ્ધ’ ભારતના લશ્કરી ઈતિહાસનો એક સુવર્ણ અધ્યાય છે.
રક્ષા મંત્રી રાજનાથ સિંહ પણ વિજય દિવસ નિમિત્તે સુવર્ણ વિજય મશાલના સન્માન સમારોહમાં ભાગ લેવા પહોંચ્યા હતા. આ દરમિયાન તેમણે પોસ્ટલ સ્ટેમ્પ જારી કરી હતી. રક્ષા મંત્રીએ ટ્વીટ કર્યું, ‘ગોલ્ડન વિજય દિવસના અવસર પર, અમે 1971ના યુદ્ધ દરમિયાન આપણા સશસ્ત્ર દળોના સાહસ અને બલિદાનને યાદ કરીએ છીએ. 1971નું યુદ્ધ ભારતના સૈન્ય ઇતિહાસમાં એક સુવર્ણ અધ્યાય છે. અમને અમારા સશસ્ત્ર દળો અને તેમની સિદ્ધિઓ પર ગર્વ છે.
1971નું યુદ્ધ 9 મહિના સુધી ચાલ્યું હતુ
રાષ્ટ્રપતિ રામનાથ કોવિંદ 50માં વિજય દિવસ પર આયોજિત ઉજવણીમાં ભાગ લેવા માટે બાંગ્લાદેશ ગયા છે. 1971 માં આ દિવસે, પૂર્વ પાકિસ્તાનના મુખ્ય લશ્કરી કાયદા પ્રશાસક અને પૂર્વ પાકિસ્તાન સ્થિત પાકિસ્તાની સૈન્ય દળોના કમાન્ડર લેફ્ટનન્ટ જનરલ અમીર અબ્દુલ્લા ખાન નિયાઝીએ બાંગ્લાદેશની રચના માટે ‘સમર્પણ કરતા દસ્તાવેજ’ પર હસ્તાક્ષર કર્યા હતા. નિયાઝીએ ઢાકામાં ભારતીય અને બાંગ્લાદેશ દળોનું પ્રતિનિધિત્વ કરતા જગજીત સિંહ અરોરાની હાજરીમાં તેના પર હસ્તાક્ષર કર્યા હતા. 9 મહિનાના યુદ્ધ પછી 1971માં બાંગ્લાદેશ અસ્તિત્વમાં આવ્યું હતું.
