Mann Ki Baat Highlights : ભારતમાંથી થયેલી વિક્રમી નિકાસ, મેક ઈન ઈન્ડિયાનુ શ્રેષ્ઠ ઉદાહરણઃ પીએમ મોદી

દિકરીઓને જરૂરથી ભણાવવા અપિલ કરતા મોદીએ કહ્યુ કે, જે દિકરીઓનો અભ્યાસ અધવચ્ચે છુટી ગયો છે તેવી દિકરીઓને ફરીથી સ્કુલે અભ્યાસ કરવામાં આવે તે માટે ઝુંબેશ કરવામાં આવી રહી છે.

ગુજરાતના પોરબંદરમાં સમુદ્ર કાંઠે માધવપુર ગામે ભરાય છે. કહેવાય છે કે, હજારો વર્ષ પૂર્વે ભગવાન કૃષ્ણના લગ્ન, નોર્થ ઈસ્ટના રુકમણી સાથે થયા હતા. તેની યાદમાં આ મેળો ભરાય છે. આમ આ મેળો નોર્થ ઈસ્ટને વેસ્ટ સાથે જોડે છે. એક ભારત શ્રેષ્ઠ ભારતની સુંદર મિશાલ છે. તેમ વડાપ્રધાન નરેન્દ્ર મોદીએ મન કી બાતના 87માં કાર્યક્રમમાં જણાવ્યુ હતું.

પાણીની સમસ્યા વાળા ગુજરાતમાં પાણી માટે વાવ બનાવવામાં આવી છે. ગુજરાતમાં અનેક સ્થળે વાવ બનાવવામાં આવી છે. વાવને પુનઃજિવીત કરવામાં આવી છે. આવુ અભિયાન સ્થાનિક સ્તરે ચલાવી શકાય. ચેકડેમ બનાવી શકાય.

મન કી બાતના શ્રોતાઓને અપિલ કરતા કહ્યુ કે પાણીના એક એક ટીપાને બચાવવુ જરૂરી છે. થોડાક ફેરફાર દ્વારા આવી વ્યવસ્થા સૌ કોઈ કરી શકે છે. પાણી બચાવવા માટે મને બાળકો પાસેથી બહુ અપેક્ષા છે. વોટર વોરિયર્સ બનીને પાણી બચાવવામા મદદ કરી શકે છે.

મન કી બાતના 87મા કાર્યક્રમમાં વડાપ્રધાન નરેન્દ્ર મોદીએ કહ્યુ કે, આયુષ સ્ટાર્ટ અપ બાબતે મારો આગ્રહ છે કે, તેમના ઉત્પાદનો સંયુક્ત રાષ્ટ્ર દ્વારા માન્યતા પ્રાપ્ત ભાષામાં પણ રજૂ  કરાય તો વિશ્વમાં બહુ ઝડપથી સ્ટાર્ટઅપ પ્રસરી શકશે.

બાબા શિવાનંદ સતાયુ હોવા છતા તેમની ચુસ્તી અને સ્ફ્રુતી અંગે વડાપ્રધાન મોદીએ કહ્યુ કે, આપણને 100 વર્ષના આર્શિવાદ આપવામાં આવે છે. આગામી 4 એપ્રિલે વિશ્વ સ્વાસ્થય દિવસ મનાવાઈ રહ્યો છે. લોકો હવે આરોગ્ય બાબતે સચેત થયા છે. યુએઈમાં યોગના કાર્યક્રમમાં 114 દેશના નાગરિકોએ ભાગ લઈને વિક્રમ રચ્યો.

દેશ બદલાઈ રહ્યો છે. વ્યવસ્થા પણ બદલાઈ રહી છે. નાનો વેપારી પણ સરકારને તેમની વસ્તુ વેચી શકે છે તેમ જણાવીને વડાપ્રધાને કહ્યુ કે આત્મનિર્ભર ભારતનુ સ્વપ્ન જરૂર પુરુ કરી શકાશે.

લોકલ ને ગ્લોબલ બનાવવા કરી હાકલ કરતા વડાપ્રધાન મોદીએ કહ્યુ કે, ભારતમાંથી 400 બિલિયન ડોલર્સની નિકાસ થઈ છે.

વડાપ્રધાને કહ્યુ કે મેક ઈન ઈન્ડિયાની તાકાત વધી છે.  દેશના ખુણે ખુણેથી પ્રોડક્ટ વિદેશ જાય છે, લદ્દાખની જાણીતી વસ્તુ દુબઈમાં પણ મળે છે. નવી નવી પ્રોડક્ટ નવા નવા દેશમા મોકલાઈ રહ્યાં છે. ગુજરાતના ભાલિયા ઘંઉની નિકાસ કરાઈ છે.

દર મહિનાની જેમ આ કાર્યક્રમ માટે પીએમ મોદીએ સામાન્ય લોકો પાસેથી સૂચનો અને વિચાર માગ્યા હતા. લોકોએ સોશિયલ મીડિયા દ્વારા મોટી સંખ્યામાં તેમની રજૂઆત અને સૂચનો રજૂ કર્યા છે.

પીએમ મોદીના ‘મન કી બાત’ કાર્યક્રમનો પહેલો કાર્યક્રમ 3 ઓક્ટોબર 2014ના રોજ પ્રસારિત થયો હતો.

જેપી નડ્ડા સાથે દેશભરમાં બીજેપીના કાર્યકરો પણ પીએમ મોદીના મન કી બાત કાર્યક્રમને સાંભળશે.

ભારતીય જનતા પાર્ટીના રાષ્ટ્રીય અધ્યક્ષ જેપી નડ્ડા રવિવારે વડાપ્રધાન નરેન્દ્ર મોદીનો માસિક રેડિયો કાર્યક્રમ “મન કી બાત” સાંભળશે.