જમ્મુ-કાશ્મીરના કુપવાડામાં 2 આતંકવાદીઓને કરાયા ઠાર, ઓપરેશન પિંપલ અંતર્ગત ભારતીય સેનાની કાર્યવાહી

ફરી એકવાર જમ્મુ-કાશ્મીરમાં આતંકીઓ તેમના ઇરાદાઓને પાર પાડે તે પહેલા જ તેમને ઠાર કરી દેવામાં આવ્યા છે.   8 નવેમ્બર, શનિવારની સવારે, ભારતીય સેના અને જમ્મુ અને કાશ્મીર-શ્રીનગર પોલીસની સંયુક્ત ટીમે કુપવાડાના કેરન સેક્ટરમાં ઓપરેશન પિમ્પલમાં બે આતંકવાદીઓને ઠાર માર્યા. 7 નવેમ્બરના રોજ સુરક્ષા દળોને LoC નજીક ઘૂસણખોરીના પ્રયાસ અંગે મળેલી ગુપ્ત માહિતીના આધારે આ ઓપરેશન શરૂ કરવામાં આવ્યું હતું.

ઓપરેશન પિમ્પલમાં સુરક્ષા દળોએ બે આતંકવાદીઓને ઠાર માર્યા

શનિવારે સવારે જમ્મુ અને કાશ્મીરના કુપવાડામાં ઓપરેશન પિમ્પલમાં સુરક્ષા દળોએ બે આતંકવાદીઓને ઠાર માર્યા હતા. કુપવાડાના કેરન સેક્ટરમાં આતંકવાદીઓની હાજરી અંગે ગુપ્ત માહિતીને પગલે, સુરક્ષા દળોએ શુક્રવારે સંયુક્ત ઓપરેશન શરૂ કર્યું. ભારતીય સેનાના ચિનાર કોર્પ્સે તેના X એકાઉન્ટ પર લખ્યું છે કે 7 નવેમ્બર, 2025 ના રોજ અહીં ઘૂસણખોરીના પ્રયાસ અંગે એજન્સીઓ તરફથી માહિતી મળી હતી.

આ માહિતીના આધારે, કુપવાડાના કેરન સેક્ટરમાં સંયુક્ત ઓપરેશન શરૂ કરવામાં આવ્યું હતું. સતર્ક સૈનિકોએ શંકાસ્પદ ગતિવિધિઓ જોઈ અને આતંકવાદીઓને પડકાર ફેંક્યો. આતંકવાદીઓએ સેના પર અંધાધૂંધ ગોળીબાર કર્યો. આતંકવાદીઓએ સુરક્ષા કર્મચારીઓ પર ગોળીબાર કર્યા બાદ એન્કાઉન્ટર શરૂ થયું. સુરક્ષા દળોએ વળતો જવાબ આપ્યો અને બે આતંકવાદીઓને ઠાર કર્યા. ગોળીબાર હજુ પણ ચાલુ છે.

માર્યા ગયેલા આતંકવાદીઓની ઓળખ હજુ સુધી થઈ નથી. અન્ય એક પોસ્ટમાં, ચિનાર કોર્પ્સે જણાવ્યું હતું કે ચાલુ ઓપરેશનમાં સુરક્ષા દળોએ બે આતંકવાદીઓને ઠાર માર્યા છે. વિસ્તારમાં શોધખોળ ચાલી રહી છે.

અધિકારીઓના જણાવ્યા અનુસાર, આતંકવાદીઓની હાજરી અંગે ગુપ્ત માહિતી મળ્યા બાદ, ભારતીય સેનાની મદદથી જમ્મુ અને કાશ્મીર પોલીસે ચતરુ વિસ્તારમાં સંયુક્ત ઓપરેશન શરૂ કર્યું, જેનાથી એન્કાઉન્ટર શરૂ થયું. સર્ચ ઓપરેશન વહેલી સવારે શરૂ થયું. સર્ચ ઓપરેશન દરમિયાન જ સુરક્ષા દળો પર ગોળીબાર થયો.

દેશ અને દુનિયાના તમામ સમાચાર વાંચવા માટે અહીં ક્લિક કરો