International Yoga Day 2022 Live Updates: વિશ્વ યોગ દિવસની ભવ્ય ઉજવણી, વડાપ્રધાન અને રાષ્ટ્રપતિએ કર્યા યોગ, મોદીએ કહ્યું- યોગ વૈશ્વિક સહયોગ માટે પરસ્પર આધાર બની રહ્યો છે

અમદાવાદના રિવરફ્રન્ટ ખાતે રાજ્યકક્ષાની ઉજવણી કરાઈ જેમાં મુખ્યપ્રધાન અને હર્ષ સંઘવી સહિતના દિગ્ગજો ઉપસ્થિતિ રહ્યા હતા.

10 તાલુકા કક્ષાએ 7 નગરપાલિકામાં અને 1644 શૈક્ષણિક સંકુલમાં યોગ કરાયા જેમાં જિલ્લા કક્ષાનો કાર્યક્રમ મોઢેરા સૂર્ય મંદિર ખાતે યોજાયો હતો. જિલ્લામાં 2638 સ્થળ અને 5.5 લાખ લોકોએ યોગ કર્યા હતા. મોઢેરામાં આરોગ્ય મંત્રી ઋષિકેશ પટેલ અને કેન્દ્રીય મંત્રી પુરુષોત્તમ રૂપાલા ઉપસ્થિત રહ્યા હતા. 2400 જેટલા ખેડૂત મોઢેરા આવી અને યોગ કર્યા જ્યારે મોઢેરા ખાતે કુલ 5000 લોકો સામુહિક યોગ કર્યા હતા.

Parshottam Rupala
Member of Rajya Sabha

દિલ્હી પોલીસ કમિશનર રાકેશ અસ્થાનાએ યોગ કર્યા હતા.

Rakesh Asthana Police Commissioner of Delhi

યોગ અભ્યાસને લોક જીવનની દૈનિક આદત બનાવવા ગુજરાત સરકાર સંકલ્પબધ્ધ છે તેવી લાગણી વ્યક્ત કરતા મહેસૂલ અને કાયદા મંત્રી રાજેન્દ્ર ત્રિવેદીએ જણાવ્યું કે રાજ્ય યોગ બોર્ડ સંખ્યાબંધ શિબિરો યોજીને કવોલિફાઇડ યોગ શિક્ષકોનું ઘડતર કરે છે અને તેમના માધ્યમથી યોગને જન જન સુધી અને ઘર ઘર સુધી પહોંચાડવાના પ્રયત્નો કરવામાં આવી રહ્યાં છે.

ભારતનો યોગ વિશ્વવ્યાપી બનતો જાય છે અને પ્રધાનમંત્રીના અથાક પ્રયત્નોથી વિશ્વ યોગ દિવસને મળેલી માન્યતા બાદ તેનો વ્યાપ ઝડપભેર વધી રહ્યો છે.

Rajendra Trivedi Minister of Revenue of Gujarat

ગુજરાતના રાજ્યપાલ આચાર્ય દેવવ્રતે આઠમા આંતરરાષ્ટ્રીય યોગ દિવસે રાજભવન ખાતે યોગ, પ્રાણાયમ અને આસન પ્રસ્તુત કરીને યોગને જીવનનો નિત્યક્રમ બનાવવા અનુરોધ કર્યો હતો. રાજ્યપાલએ જણાવ્યું હતું કે શાશ્વત સુખ અને શાંતિની અનુભૂતિ યોગ વિના શક્ય નથી.
રાજભવન ખાતે આંતરરાષ્ટ્રીય યોગ દિને ગાંધીનગરના દિવ્ય જીવન સંઘના ઉપાધ્યક્ષ અને જાણીતા યોગ અને વેલનેસ કોચ અશ્વિનભાઈ દવેના માર્ગદર્શન હેઠળ યોગાભ્યાસ કાર્યક્રમ યોજવામાં આવ્યો હતો.

Acharya Devvrat Governor of Gujarat

સીએમ ભૂપેન્દ્ર પટેલે સાબરમતી રિવરફ્રન્ટ ખાતે યોગ કર્યા હતા. અમદાવાદમાં સાબરમતી રિવરફ્રન્ટ પર વિશ્વ યોગ દિવસની ઉજવણી કરાઈ હતી. જેમાં સીએમ ભૂપેન્દ્ર પટેલ, ગૃહ રાજ્યપ્રધાન હર્ષ સંઘવી સહિત ભાજપના અનેક નેતાઓ કાર્યક્રમમાં જોડાયા હતા. આ દરમિયાન સીએમ ભૂપેન્દ્ર પટેલે લોકોની સાથે વિવિધ યોગાસનો કર્યા હતા.

Bhupendra Patel Chief Minister of Gujarat

નવી દિલ્હીમાં આંતરરાષ્ટ્રીય યોગ દિવસની ઉજવણી કરતા વિદેશ મંત્રી એસ જયશંકરે કહ્યું કે, યોગ વિશ્વને જોડે છે. જે લોકો યોગ કરે છે, તેમના મનમાં શાંતિનો અનુભવ થાય છે. ડિપ્લોમસી સાથે જોડાયેલા લોકો અને યુનિવર્સિટીના વિદ્યાર્થીઓ અહીં યોગ કરવા આવ્યા છે. બહુ આનંદની વાત છે. આ શાંતિની તરફેણમાં એક લાગણી છે, જે અમે વ્યક્ત કરી રહ્યા છીએ.

રક્ષા મંત્રી રાજનાથ સિંહએ 8th #InternationalDayofYoga પર યોગ કર્યા.

યોગ દિવસ નિમિત્તે રાષ્ટ્રપતિ રામનાથ કોવિંદે રાષ્ટ્રપતિ ભવન ખાતે યોગ કર્યા હતા. તેમણે કહ્યું કે યોગ એ પ્રાચીન ભારતીય વારસાનો એક ભાગ છે. તે માનવતા માટે ભારતની ભેટ છે, આરોગ્ય અને સુખાકારી માટે એક સર્વગ્રાહી અભિગમ. યોગ મન, શરીર અને આત્માને સંતુલિત કરે છે.

RamNath Kovind President of India

લોકસભા સ્પીકર ઓમ બિરલા અને અન્ય સાંસદોએ સંસદ સંકુલમાં યોગ કર્યા.

હિમાચલ પ્રદેશના મુખ્યમંત્રી જય રામ ઠાકુર શિમલામાં 8મા આંતરરાષ્ટ્રીય યોગ દિવસ નિમિત્તે રિજ મેદાન ખાતે યોગ કાર્યક્રમમાં ભાગ લીધો.

International Yoga Day નિમિત્તે સહજ રંગોળી ગ્રુપ દ્વારા વડોદરાની ગુજરાત પબ્લિક સ્કૂલમાં 40 બાય 40 ફૂટની રંગોળી બનાવવામાં આવી છે.

કેન્દ્રીય મંત્રી મનસુખ માંડવીયા, ઇડરના ધારાસભ્ય હિતુ કનોડિયા, ગુજરાતી કલાકાર કિંજલ દવે અને આદિત્ય ગઢવી સહિતના લોકો જોડાયા.

International Yoga Day પર કેન્દ્રીય મંત્રી મુખ્તાર અબ્બાસ નકવી ફતેહપુર સીકરીમાં યોગ કરતા.

International Yoga Day નિમિત્તે નોઈડા સ્ટેડિયમમાં યોગ કરતા ભાજપ અધ્યક્ષ જેપી નડ્ડા.

દિલ્હીના સીએમ અરવિંદ કેજરીવાલ “દિલ્હીની યોગશાળા” માં જોડાયા. કેજરીવાલે કહ્યું કે જો તમે પણ યોગ કરવા માંગો છો તો તમારી કોલોનીના 20-25 લોકોને ભેગા કરો અને અમને 9013585858 પર કોલ કરો, દિલ્હી સરકાર તમને યોગ શિક્ષક મફતમાં આપશે.

PM મોદી મૈસૂરમાં આંતરરાષ્ટ્રીય યોગ દિવસ પર લોકો સાથે યોગ કરી રહ્યા છે.

આ સમગ્ર બ્રહ્માંડ આપણા પોતાના શરીર અને આત્માથી શરૂ થાય છે. બ્રહ્માંડ આપણી સાથે શરૂ થાય છે. અને, યોગ આપણને આપણી અંદરની દરેક વસ્તુથી વાકેફ કરે છે અને જાગૃતિની ભાવના બનાવે છે: PM મોદી

આ 8મા #InternationalYogaDay પર હું બધાને મારી શુભેચ્છા પાઠવું છું. આજે, વિશ્વના તમામ ભાગોમાં યોગનો અભ્યાસ કરવામાં આવે છે. યોગ આપણા માટે શાંતિ લાવે છે. યોગથી મળેલી શાંતિ માત્ર વ્યક્તિઓ માટે જ નથી, તે આપણા રાષ્ટ્રો અને વિશ્વમાં શાંતિ લાવે છે: PM મોદી

મૈસુરમાં યોગ દિવસ કાર્યક્રમમાં PM મોદીએ કહ્યું “યોગ વિશ્વને દિશા આપી રહ્યું છે યોગ જીવનનો આધાર બની રહ્યો છે યોગ વેશ્વિક પર્વ બન્યો છે”

સમગ્ર વિશ્વ આજે આંતરરાષ્ટ્રીય યોગ દિવસની ઉજવણી કરવામાં આવી રહી છે. યોગ કરવાથી થતા લાભાલાભ અંગે જાગૃતિ આવે તે માટે આ દિવસની ઉજવણી થાય છે. યોગ મૂળભૂત રીતે અતિ સૂક્ષ્મ વિજ્ઞાન પર આધારિત આધ્યાત્મિક અધ્યયનનો વિષય છે. આ વર્ષે સમગ્ર વિશ્વ આંતરરાષ્ટ્રીય યોગ દિવસ ‘માનવતા માટે યોગ’ની થીમ પર ઉજવવાનું નક્કી કરાયું છે. ત્યારે મુખ્યપ્રધાન ભૂપેન્દ્ર પટેલના અધ્યક્ષસ્થાને રાજયકક્ષાની ઉજવણી અમદાવાદના સાબરમતી રીવરફ્રન્ટ ખાતે કરવામાં આવી રહી છે. જેમાં કેન્દ્રીય પ્રધાન ભાગવત કિશનરાવ કરાડ અને હર્ષ સંઘવી પણ હાજર રહ્યા. મુખ્યપ્રધાન સાથે 7,500થી વધુ લોકો સહભાગી બન્યા છે.

ઈન્ડો-તિબેટિયન બોર્ડર પોલીસના જવાનો 14 હજાર ફૂટની ઊંચાઈએ યોગ કરી રહ્યા છે.

અરુણાચલ પ્રદેશના લોહિતપુરમાં ITBPના જવાનો યોગ કરી રહ્યા છે.

આસામની રાજધાની ગુવાહાટીમાં બ્રહ્મપુત્રા નદીના કિનારે યોગ કરી રહેલા સૈનિકો.