ભારતીય રેલવેનું ઐતિહાસિક પગલું, મુસાફરોની સુરક્ષા માટે પહેલીવાર કરાયો ટ્રેનનો લાઈવ ક્રેશ ટેસ્ટ- જુઓ Video

ભારત એનકેપ (Bharat NCAP) અને ગ્લોબલ એનકેપ (G-NCAP) જેવા કાર ક્રેશ ટેસ્ટ વિશે તો આપણે ઘણી વાર સાંભળી ચૂક્યા છીએ. હવે ભારતીય રેલવેએ પણ આ દિશામાં પગલું ભરી દીધું છે. ભારતીય રેલવેએ પહેલીવાર એલએચબી (LHB) કોચનો ફૂલ-સ્કેલ ફિઝિકલ ક્રેશ ટેસ્ટ કર્યો છે. આ ટેસ્ટમાં તેજ રફતાર કોચની એક ઉભેલા વેગન સાથે ટક્કર કરાવવામાં આવી છે.

કારના ક્રેશ ટેસ્ટ વિશે અત્યાર સુધી તમે ઘણી વાર સાંભળ્યું હશે, પરંતુ હવે ટ્રેનનો પણ ક્રેશ ટેસ્ટ થઈ રહ્યો છે. મુસાફરોની બહેતર સુરક્ષા માટે ભારતીય રેલવેના રિસર્ચ ડિઝાઇન એન્ડ સ્ટાન્ડર્ડ ઓર્ગેનાઇઝેશન (RDSO) એ ઓટોમોટિવ રિસર્ચ એસોસિએશન ઓફ ઇન્ડિયા (ARAI) સાથે મળીને એક ક્રેશ ટેસ્ટ કર્યો છે.

આ ક્રેશ ટેસ્ટ એલએચબી (લિંક હોફમેન બુશ) કોચનો થયો છે. આ કંટ્રોલ્ડ ક્રેશ ટેસ્ટને આરડીએસઓ દ્વારા 24 જૂન 2026 ના રોજ લખનૌમાં પૂરો કરવામાં આવ્યો છે. આ કમ્પ્યુટર સિમ્યુલેશન કે લેબોરેટરી કમ્પોનન્ટ ટેસ્ટથી અલગ, એક ફૂલ સ્કેલ ફિઝિકલ ક્રેશ ટેસ્ટ હતો.

44 કિમીની સ્પીડથી થઈ ટક્કર

આ ક્રેશ ટેસ્ટમાં બે એલએચબી કોચને ખાસ રીતે ડિઝાઇન કરાયેલા રેમ્પ પરથી છોડવામાં આવ્યા, જે ઝડપથી આગળ વધતા એક ઉભેલા બેલાસ્ટ વેગન સાથે જઈને અથડાયા. આ ટક્કર વખતે કોચની સ્પીડ 43 થી 44 કિલોમીટર પ્રતિ કલાકની હતી. આ ક્રેશ ટેસ્ટ ઇન્ટરનેશનલ સ્ટાન્ડર્ડ EN 15227 મુજબ કરવામાં આવ્યો છે.

ક્રેશ ટેસ્ટ એ જાણવા માટે કરવામાં આવ્યો હતો કે કોચનું સ્ટ્રક્ચર કઈ રીતે ક્રેશ એનર્જીને એબ્સોર્બકરે છે. સાથે જ ટક્કર દરમિયાન કોચના સ્ટ્રક્ચર પર શું અસર થાય છે અને આવી સ્થિતિમાં મુસાફરોને બહાર નીકળવાની જગ્યા (સ્પેસ) પર શું અસર પડે છે. તેનો મુખ્ય હેતુ રિયલ વર્લ્ડ ડેટા એકઠો કરવાનો હતો, જેના આધારે પેસેન્જર સેફ્ટીને વધુ બહેતર બનાવી શકાય અને ભવિષ્યમાં કોચના વિકાસમાં તેનો ફાયદો મળે.

સેન્સર અને કેમેરાની નજરમાં થયો ટેસ્ટ

આ ક્રેશ ટેસ્ટને અસંખ્ય સેન્સર્સ અને હાઇ-સ્પીડ કેમેરાની દેખરેખ હેઠળ કરવામાં આવ્યો છે. આ સેટઅપ દ્વારા કોચના સ્ટ્રક્ચરને થતા નુકસાન અને ટક્કર વખતે કોચની સ્થિતિને નજીકથી જાણવામાં મદદ મળશે. આ સમગ્ર પ્રક્રિયામાં જે ડેટા એકઠો થયો છે, તેનો ઉપયોગ ભવિષ્યમાં કોચના નિર્માણમાં કરી શકાશે.

મોડર્ન એલએચબી કોચને જૂના આઇસીએફ (ICF) કોચની સરખામણીએ વધુ બહેતર માનવામાં આવે છે. તેનું મોટું કારણ તેમની એન્ટી ક્લાઇમ્બિંગ ડિઝાઇન અને બહેતર સ્ટ્રક્ચર છે. જોકે, રિયલ વર્લ્ડ ટેસ્ટમાં જે આંકડા મળ્યા છે, તે આ કોચને વધુ સુરક્ષિત બનાવવામાં મદદ કરશે. બીજી તરફ ARAI એ આની માહિતી સોશિયલ મીડિયા પ્લેટફોર્મ પર આપી છે. ARAI ને આપણે કાર સાથે જોડાયેલા ટેસ્ટ માટે જાણીએ છીએ, પરંતુ આ વખતે ARAI એ RDSO સાથે મળીને ટ્રેન કોચનો ક્રેશ ટેસ્ટ કર્યો છે. ARAI એ આને સાયન્ટિફિક ટેસ્ટિંગ અને વેલિડેશન દ્વારા બહેતર રેલવે સેફ્ટી તરફ એક મહત્વપૂર્ણ પગલું ગણાવ્યું છે.

જુઓ Video

Indian Railways’ LHB Coaches Pass Full-Scale Crash Test by RDSO Lucknow and ARAI, Meet International EN 15227 Safety Standards. pic.twitter.com/xNlEOjdaFz

— Bharat Tech & Infra (@BharatTechIND) June 25, 2026

આ 5 સરકારી એપ્સ તમારી જિંદગી બનાવી દેશે એકદમ સરળ, ઘરબેઠા જ પતાવી લો ટેક્સ, ગાડી અને પીએફ જેવા તમામ કામ