Breaking News: પૂર્વ સિક્કિમના ત્સોમગો તળાવ પાસે હિમપ્રપાત, 5થી વધુના મોત, 150 પ્રવાસીઓ ફસાયા હોવાની આશંકા

પૂર્વ સિક્કિમમાં ત્સોમગો તળાવ પાસે બરફનું તોફાન આવ્યું છે. જેમાં 150થી વધુ લોકો ફસાયા હોવાની આશંકા છે. 6 લોકોના મોત પણ થયા હોવાના અહેવાલ છે. રાહત અને બચાવ કાર્ય ચાલુ છે. આ હિમપ્રપાત 17 માઈલ પર આવ્યો છે. આ એક ખૂબ જ પ્રખ્યાત પર્યટન સ્થળ છે. સ્થાનિક લોકોના જણાવ્યા અનુસાર અહીં અચાનક હિમપ્રપાત આવ્યો હતો. આ પછી 150 થી વધુ લોકો બરફમાં ફસાયા છે. જેમાં 6 લોકોના મોત અને 20 લોકો ઘાયલ થયા છે. બરફમાં ફસાયેલા લોકોને બહાર કાઢવાનું કામ ચાલી રહ્યું છે.

મૃતકોમાં 4 પુરુષ, 1 મહિલા અને એક બાળક છે. હિમસ્ખલન બાદ ઘાયલોને નજીકની આર્મી હોસ્પિટલમાં લઈ જવામાં આવ્યા હતા, જ્યાં 6 લોકોના મોત થયા. મળતી માહિતી મુજબ, આ દુર્ઘટના બપોરે 12.20 વાગ્યે થઈ હતી. સિક્કિમ પોલીસ, સિક્કિમના ટ્રાવેલ એજન્ટ એસોસિએશન, પ્રવાસન વિભાગના અધિકારીઓ અને વાહનોના ડ્રાઇવરો બચાવ કામગીરીમાં રોકાયેલા છે.

ચેકપોસ્ટના ઈન્સ્પેક્ટર જનરલ સોનમ તેનઝિંગ ભૂટિયાએ જણાવ્યું કે પાસ ફક્ત 13મા માઈલ માટે જ આપવામાં આવે છે, પરંતુ તેમ છતાં પ્રવાસીઓ 15મા માઈલ તરફ જઈ રહ્યા છે. આ અકસ્માત 15મી માઈલ પર થયો હતો. ભારત-ચીન બોર્ડર પાસે નાથુલા પાસ પર હિમપ્રપાત થયો છે. સિક્કિમમાં સતત હિમવર્ષા થઈ રહી છે. આ કારણોસર, પ્રવાસીઓ 13 મી માઇલ સુધી મર્યાદિત હતા.

                                રાષ્ટ્રીય સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

                                              દેશ સાથે જોડાયેલા તમામ ન્યૂઝ માટે જોડાયેલા રહો…