સરકારે 35 YouTube ચેનલ, 2 વેબસાઇટ પર લગાવ્યો બૈન, ભારતને લઇને ફેલાવી રહ્યા હતા ખોટા સમાચાર
જે વિષયો પર ખોટી માહિતી ફેલાવવામાં આવી રહી હતી તેમાં ભારતીય સેના, જમ્મુ એન્ડ કાશ્મીર અને અન્ય દેશો સાથે ભારતના વિદેશ સંબંધોનો સમાવેશ થાય છે.
ભારત સરકારે 35 યુટ્યુબ ચેનલો (YouTube Channels) અને 2 વેબસાઈટ પર પ્રતિબંધ મૂક્યો છે. સરકારનો દાવો છે કે આ એકાઉન્ટ્સ ડિજિટલ મીડિયા પર ભારત વિરોધી નકલી સમાચાર ફેલાવવામાં સામેલ હતા. સૂચના અને પ્રસારણ મંત્રાલયે 35 યુટ્યુબ આધારિત ન્યૂઝ ચેનલ અને 2 વેબસાઈટને બ્લોક કરવાનો આદેશ આપ્યો છે.
મંત્રાલય દ્વારા બ્લૉક કરાયેલા YouTube એકાઉન્ટની કુલ સબ્સ્ક્રાઇબરની સંખ્યા 12 મિલિયનથી વધુ હતી અને તેમના વીડિયો 130 મિલિયનથી વધુ વખત જોવામાં આવ્યા હતા. આ ઉપરાંત, માહિતી અને પ્રસારણ મંત્રાલયના એક નિવેદન અનુસાર, ઇન્ટરનેટ પર ભારત વિરોધી પ્રચાર ફેલાવવામાં સામેલ થવા બદલ સરકાર દ્વારા બે ટ્વિટર એકાઉન્ટ, બે ઇન્સ્ટાગ્રામ એકાઉન્ટ અને એક ફેસબુક એકાઉન્ટને પણ બ્લોક કરી દેવામાં આવ્યા છે.
મંત્રાલયનો દાવો છે કે તેણે પાકિસ્તાન સ્થિત આ સોશિયલ મીડિયા એકાઉન્ટ્સ અને વેબસાઇટ્સને બ્લોક કરવાનો આદેશ આપ્યો છે. સરકારનો દાવો છે કે ભારતીય ગુપ્તચર એજન્સીઓ આ સોશિયલ મીડિયા એકાઉન્ટ્સ અને વેબસાઈટ પર નજર રાખી રહી હતી. સરકારના જણાવ્યા અનુસાર, આ પ્રતિબંધિત એકાઉન્ટ્સનો હેતુ ખોટી માહિતી ફેલાવવાનો હતો. મંત્રાલયે દાવો કર્યો હતો કે આ ખાતાઓ પ્રચાર નેટવર્કનો ભાગ છે.
સરકારે જાહેરાત કરી હતી કે આ 35 એકાઉન્ટ્સ પાકિસ્તાનથી ઓપરેટ કરવામાં આવતા હતા અને ચારની ઓળખ પ્રચાર નેટવર્કના ભાગ રૂપે કરવામાં આવી હતી. તેમાં અપની દુનિયા નેટવર્કનો સમાવેશ થાય છે, જે 14 યુટ્યુબ ચેનલોનું સંચાલન કરે છે અને તલ્હા ફિલ્મ્સ નેટવર્ક, જે 13 યુટ્યુબ ચેનલોનું સંચાલન કરે છે. ચાર ચેનલોનો સમૂહ અને વધુ બે ચેનલોનો સમૂહ પણ એકબીજા સાથે સુમેળમાં હોવાનું જણાયું હતું.
સરકારી ગુપ્તચર એજન્સીએ શોધી કાઢ્યું હતું કે આ ચેનલોમાં સામાન્ય હેશટેગ્સ અને એડિટિંગ શૈલીઓનો ઉપયોગ કરવામાં આવ્યો હતો અને તે જ લોકો દ્વારા સંચાલિત કરવામાં આવી રહ્યા હતા. તેઓએ એકબીજાની સામગ્રીનો ક્રોસ-પ્રમોટ પણ કર્યો. સરકાર એવો પણ દાવો કરે છે કે કેટલીક યુટ્યુબ ચેનલો પાકિસ્તાની ટીવી ન્યૂઝ ચેનલોના એન્કરો દ્વારા ઓપરેટ કરવામાં આવતી હતી.
જે વિષયો પર ખોટી માહિતી ફેલાવવામાં આવી રહી હતી તેમાં ભારતીય સેના, જમ્મુ અને કાશ્મીર અને અન્ય દેશો સાથે ભારતના વિદેશી સંબંધોનો સમાવેશ થાય છે. ભૂતપૂર્વ ચીફ ઑફ ડિફેન્સ સ્ટાફ દિવંગત જનરલ બિપિન રાવતના મૃત્યુ અંગેના ફેક ન્યૂઝ ફેલાવનારા એકાઉન્ટ પર પણ પ્રતિબંધ મૂકવામાં આવ્યો છે.
આ પણ વાંચો –
Petrol Diesel Price Today : આજે સવારે 6 વાગે પેટ્રોલ – ડીઝલના નવા રેટ જાહેર થયા, જાણો આજે તમારા વાહનનું ઇંધણ સસ્તું થયું કે નહિ?
આ પણ વાંચો –
