G20: PM મોદીની જોવા મળી રમુજી સ્ટાઈલ, ભારત મંડપમ ટીમ સાથે કંઈક આ રીતે કરી વાત, જુઓ Video

દેશની રાષ્ટ્રીય રાજધાની દિલ્હીમાં એક ભવ્ય G-20 સમિટનું આયોજન કરવામાં આવ્યું હતું, જેનું ચિત્ર વિશ્વએ જોયું અને ભારતના વધતા કદનો સ્વીકાર કર્યો. દરમિયાન, વડા પ્રધાન નરેન્દ્ર મોદીએ ભારત મંડપમની ટીમ સાથે વાતચીત કરી અને આ કાર્યક્રમના આયોજનમાં તેમની મહેનત અને સમર્પણના અનુભવો વિશે જાણ્યું. આ સાથે જ તેમણે G-20ની સફળતાનો શ્રેય ગ્રાસરૂટ લેવલના અધિકારીઓને આપ્યો.

આ પણ વાંચો: Ahmedabad: મુખ્યમંત્રી ભૂપેન્દ્ર પટેલે ખેલ મહાકુંભ 2.0ના રજીસ્ટ્રેશન કર્ટેઈન રેઝર ઈવન્ટનો કરાવ્યો પ્રારંભ- જુઓ Video

દરમિયાન, ભારત મંડપમના કર્મચારી રવિન્દ્ર ત્યાગીએ પીએમ મોદી સાથે પોતાનો અનુભવ શેર કરતા કહ્યું કે જ્યારે મે મારી પત્નીને કહ્યું કે 8, 9, 10 સપ્ટેમ્બરના રોજ હું વહેલી સવારે ઘરેથી નીકળીશ અને મોડી રાત્રે પરત આવીશ. તેના પર તેણે કહ્યું કે આ ખૂબ જ ગર્વની વાત છે. જો તમે ઘરે ન આવો તો પણ કોઈ સમસ્યા નથી. અમને ખૂબ ગર્વ છે કે તમે G-20 કોન્ફરન્સનો ભાગ છો. ત્રણ દિવસ ત્યાં રહો, આ દેશનો સવાલ છે.

રવિન્દ્ર કહે છે કે સૌથી મોટી ખુશી એ વાતની હતી કે આ G-20 ઈવેન્ટ દિલ્હીમાં તેમજ ITO સંકુલમાં યોજાઈ હતી, જ્યાં અમે છેલ્લા 33 વર્ષથી કામ કરી રહ્યા છીએ. રવીન્દ્ર ત્યાગીનો અનુભવ સાંભળ્યા બાદ પીએમ મોદીએ ખૂબ જ રમૂજી અંદાજમાં કહ્યું કે મને લાગે છે કે જે દિવસે તમારી પત્નીને ખબર પડશે કે મોદીજી તમને એક મહિના માટે લઈ જઈ રહ્યા છે ત્યારે તે મીઠાઈ વહેંચશે. પીએમ મોદીના આ નિવેદન પર હોલમાં હાજર લોકો જોરથી હસી પડ્યા. વડાપ્રધાન પણ ખૂબ ખુશ દેખાતા હતા.

અનુભવો અને શીખોની નોંધ બનાવો – પીએમ મોદીનું સૂચન

પીએમ મોદીએ તમામ અધિકારીઓને વિગતવાર આયોજન અને અમલીકરણ અંગે તેમના અનુભવો અને શીખોનો દસ્તાવેજ તૈયાર કરવાનું સૂચન કર્યું. તેનાથી ભવિષ્યમાં ઈવેન્ટ્સનું આયોજન કરવા માટે વધુ સારી માર્ગદર્શિકા તૈયાર કરી શકાય છે. પીએમ મોદીએ કહ્યું કે એકવાર આપણે બીજાના પ્રયત્નોને સમજીએ છીએ, આવા પ્રયાસો આપણને પોતાને વધુ સારું કામ કરવાની પ્રેરણા આપે છે.

દેશના તમામ સમાચાર વાંચવા માટે અહીં ક્લિક કરો