Corona Update: દેશમાં 230 દિવસમાં કોરોનાના સૌથી ઓછા 13,596 કેસ નોંધાયા, 166 દર્દીઓના મોત
આરોગ્ય મંત્રાલયે કહ્યું કે અત્યાર સુધીમાં 97,79,47,783 કોરોનાની રસી આપવામાં આવી છે. જ્યારે કોરોનાનો રિકવરી રેટ 98.12 ટકા છે.
Corona Update:દેશમાં કોરોનાવાયરસ(Coronavirus In India)ના કેસોમાં સતત ઘટાડો થઈ રહ્યો છે. છેલ્લા 24 કલાકમાં કોરોના (Corona)ના 13,596 નવા કેસ નોંધાયા છે,
જે 230 દિવસમાં અત્યાર સુધીનો સૌથી ઓછો આંકડો છે. તે જ સમયે, કેન્દ્રીય આરોગ્ય મંત્રાલયે(Health Ministry) કહ્યું કે દેશમાં કુલ સક્રિય કેસ 1, 89, 694 છે. જ્યારે આ સમયગાળા દરમિયાન 166 દર્દીઓના મૃત્યુ થતા મૃત્યુઆંક 4,52,290 પર પહોંચી ગયો છે.
કેન્દ્રીય આરોગ્ય અને પરિવાર કલ્યાણ મંત્રાલયના જણાવ્યા અનુસાર, નવા આંકડાઓ પછી, દેશમાં કોરોના (corona)સંક્રમણના કુલ કેસોની સંખ્યા વધીને 3 કરોડ 40 લાખ 81 હજાર 315 થઈ ગઈ છે, જેમાંથી માત્ર 1 લાખ 89 હજાર 694 કેસ સક્રિય છે.
રિકવરી રેટ 98.12 ટકા
આરોગ્ય મંત્રાલયે માહિતી આપી કે છેલ્લા 24 કલાકમાં દેશભરમાં 19,582 લોકોએ કોરોનાને હરાવ્યો, ત્યારબાદ કોરોનામાંથી સાજા થયેલા લોકોની સંખ્યા 3,34,39,331 થઈ ગઈ છે. તે જ સમયે, સક્રિય કેસો(Active case)ની સંખ્યા હાલમાં 1,89,694 છે. કેન્દ્રીય આરોગ્ય મંત્રાલયે (Health Ministry) કહ્યું કે દેશમાં રિકવરી રેટ 98.12 ટકા છે.
ઇન્ડિયન કાઉન્સિલ ઓફ મેડિકલ રિસર્ચ (ICMR)એ કહ્યું કે ભારતમાં ગઈકાલે કોરોના વાયરસ માટે 9,89,493 નમૂના પરીક્ષણો કરવામાં આવ્યા હતા, ગઈકાલ સુધી કુલ 59,19,24,874 નમૂના પરીક્ષણો કરવામાં આવ્યા છે.
દેશના આંકડા
- કુલ કેસ: 3,40,81,315
- સક્રિય કેસ: 1,89,694
- કુલ રિકવરી: 3,34,39,331
- કુલ મૃત્યુ: 4,52,290
- કુલ રસીકરણ: 97,79,47,783
મિઝોરમમાં કોરોનાની સ્થિતિ
મિઝોરમની વાત કરીએ તો, છેલ્લા 24 કલાકમાં અહીં કોરોના વાયરસના 249 નવા કેસ નોંધાયા છે અને કોરોનાને કારણે 3 લોકોના મોત થયા છે. રાજ્યમાં કુલ કોરોના કેસ 1,12,848 છે. સક્રિય કેસ 11,633 છે અને કુલ કોરોના (corona)ને હરાવ્યા બાદ રજા આપવામાં આવેલા લોકોની સંખ્યા 1,00,829 છે. રાજ્યમાં અત્યાર સુધીમાં 386 લોકો કોરોનાથી મૃત્યુ પામ્યા છે.
તામિલનાડુમાં કોરોનાની શું સ્થિતિ છે
તમિલનાડુમાં છેલ્લા 24 કલાકમાં 1218 નવા કોરોના કેસ નોંધાયા છે. 1,411 દર્દીઓએ કોરોનાને હરાવ્યો છે. રાજ્યમાં છેલ્લા 24 કલાકમાં 15 મોત નોંધાયા છે.
- કુલ કેસ: 26,87,092
- કુલ રિકવરી: 26,36,379
- કુલ મૃત્યુ: 35,899
- સક્રિય કેસ: 14,814
આ પણ વાંચો : T20 World Cup India vs Pakistan: ટ્વીટર પર બાખડ્યા શોએબ અખ્તર અને હરભજન સિંહ, ભારતીય સ્પિનરે યાદ કરાવી દીધી દાદી