Central Cabinet Meeting: કેન્દ્ર સરકારે આપી આ સ્કીમ માટે મંજુરી, જાણો સામાન્ય માણસ પર શું રહેશે અસર
PLI યોજનાની મદદથી વૈશ્વિક રોકાણકારોને આકર્ષવામાં આવી રહ્યા છે આ રોજગારીની તકો ઉભી કરી રહ્યું છે
Central Cabinet Meeting: કાપડ ક્ષેત્ર માટે PLI યોજનાને કેબિનેટમાં મંજૂરી આપવામાં આવી છે. આ યોજના માનવસર્જિત ફાઇબર સેગમેન્ટ અને ટેક્નિકલ ટેક્સટાઇલ માટે છે. માનવસર્જિત ફાઇબર એપેરલ માટે 7,000 કરોડ રૂપિયા ફાળવવામાં આવ્યા છે અને ટેક્નિકલ કાપડ માટે લગભગ 4,000 કરોડ રૂપિયા ફાળવવામાં આવ્યા છે. કેબિનેટના નિર્ણયો વિશે માહિતી આપતા કેન્દ્રીય મંત્રી અનુરાગ ઠાકુરે કહ્યું કે આ નિર્ણયથી 7 લાખ લોકો માટે નોકરીની તકો ઉભી થશે.
આ સાથે નિકાસમાં પણ વધારો થશે. મેન મેડ ફાઇબર (MMF) ભારતની કાપડની નિકાસમાં માત્ર 20 ટકા ફાળો આપે છે. સરકાર કાપડ કંપનીઓને તેમના ઉત્પાદનમાં વર્ષ -દર વર્ષે વધારાના આધારે પ્રોત્સાહન આપશે. ભારતના કાપડ ઉદ્યોગની વાત કરીએ તો હાલમાં કપાસનું યોગદાન 80 ટકા અને MMF નું યોગદાન માત્ર 20 ટકા છે. વિશ્વના અન્ય દેશો આ મામલે આપણા કરતા ઘણા આગળ છે. આવી સ્થિતિમાં આ સેગમેન્ટ અને સેક્ટરને પ્રોત્સાહન આપવાની જરૂર છે. PLI યોજના એક મજબૂત પગલું હશે.
PLI સ્કીમ શું છે કેન્દ્ર સરકારે દેશમાં ઉત્પાદનને પ્રોત્સાહન આપવા માટે PLI યોજના શરૂ કરી છે. આ દ્વારા, કંપનીઓને ભારતમાં તેમના એકમો સ્થાપવા અને નિકાસ કરવા માટે ખાસ છૂટ તેમજ નાણાકીય સહાય આપવામાં આવે છે. PLI યોજનાની મદદથી વૈશ્વિક રોકાણકારોને આકર્ષવામાં આવી રહ્યા છે આ રોજગારીની તકો ઉભી કરી રહ્યું છે.
