Bipin Rawat Funeral Updates : CDS બિપિન રાવતને 17 તોપોની સલામી અપાઇ, પંચમહાભૂતોમાં વિલિન થયા વીર યોદ્ધા, અશ્રુભીની આંખે દેશે વિદાય આપી

CDS જનરલ બિપિન રાવતનો નશ્વર દેહ પંચમહાભૂતોમાં વિલિન થયો

CDS બિપિન રાવત અને તેમના પત્ની મધુલિકા રાવતને તેમની મોટી દીકરીએ અગ્નિદાહ આપ્યો

CDS બિપિન રાવતને 17 તોપોની સલામી આપવામાં આવી

CDS જનરલ બિપિન રાવત અને મધુલિકા રાવતની પુત્રી કૃતિકા અને તારિણીએ તેમના માતા-પિતાને શ્રદ્ધાંજલિ આપી.

ઉત્તરાખંડના મુખ્ય પ્રધાન પુષ્કર સિંહ ધામીએ બેરાર સ્ક્વેર સ્મશાનગૃહમાં CDS જનરલ બિપિન રાવત અને તેમની પત્ની મધુલિકા રાવતના નશ્વર દેહને શ્રદ્ધાંજલિ આપી.

ઉત્તર પ્રદેશના મુખ્યમંત્રી યોગી આદિત્યનાથે કહ્યું કે, રાજ્ય સરકાર શહીદના પરિવારની સાથે છે. રાજ્ય તરફથી શહીદના પરિવારને 50 લાખ રૂપિયાની આર્થિક સહાય, એક સભ્યને સરકારી નોકરી અને એક સંસ્થાને શહીદના નામ પર રાખવામાં આવશે.

ઉત્તર પ્રદેશના મથુરામાં સીએમ યોગી આદિત્યનાથે સ્વર્ગસ્થ વિંગ કમાન્ડર પૃથ્વી સિંહ ચૌહાણને શ્રદ્ધાંજલિ આપી અને તેમના પરિવારને મળ્યા. તેમણે કહ્યું,’જે હેલિકોપ્ટર ક્રેશ થયું તે જ હેલિકોપ્ટરમાં વિંગ કમાન્ડર હાજર હતા. હું પરિવારના તમામ સભ્યો પ્રત્યે સંવેદના વ્યક્ત કરું છું.

દિલ્હીમાં વિવિધ દેશોના સંરક્ષણ દળના ટોચના અધિકારીઓએ બેરાર સ્ક્વેર સ્મશાનગૃહમાં CDS જનરલ બિપિન રાવત અને તેમની પત્ની મધુલિકા રાવતના પાર્થિવ દેહને શ્રદ્ધાંજલિ આપી.

રક્ષા પ્રધાન રાજનાથસિંહે CDS બિપિન રાવતને શ્રદ્ધાંજલિ આપી. થોડી વારમાં બિપિન રાવતના અંતિમ સંસ્કાર કરવામાં આવશે.

CDS જનરલ બિપિન રાવતના મૃતદેહને બેરાર સ્ક્વેર ખાતે લાવવામાં આવ્યો. થોડીવારમાં અંતિમ સંસ્કાર થશે.

ફ્રેન્ચ રાજદૂત એમેન્યુઅલ લેનેને કહ્યું, “હું શ્રદ્ધાંજલિ આપવા માગતો હતો અને વ્યક્તિગત રીતે તેમના અંતિમ દર્શન માટે આપવા આવવા માગતો હતો કારણ કે અમે તેમને આપણા દેશને સહયોગ સાથે આગળ વધારનારા એક મહાન સૈન્ય નેતા, અસરકારક, ઉષ્માભર્યા, એક મિત્ર તરીકે જોઈએ છીએ અને તેમને યાદ કરીએ છીએ. તેમને ખરેખર યાદ કરવામાં આવશે.

બ્રિટિશ હાઈ કમિશનર એલેક્સ એલિસે કહ્યું કે, તેઓ એવા વ્યક્તિ હતા જેમણે સંરક્ષણ ક્ષેત્રે બ્રિટન અને ભારત વચ્ચેના સંબંધોને સુધારવામાં ઘણું કામ કર્યું છે. તેમનું અવસાન મોટી ખોટ છે. અમે તેમને, તેમની પત્ની અને બ્રિટિશ હાઈ કમિશનના ઘણા નજીકના મિત્રો સહિત અકસ્માતમાં માર્યા ગયેલા અન્ય તમામને યાદ કરીએ છીએ. આ અતિ દુઃખદ છે. તેઓ એક અગ્રણી હતા કારણ કે તેમણે સંયુક્ત સંરક્ષણ અભિગમની શરૂઆત કરી હતી, જેને અમે યુકેમાં અનુસરીએ છીએ. તેમણે ભારતમાં આ અભિગમની પહેલ કરી હતી. ભારત માટે એક મહાન નેતા, એક સૈનિક અને એક સારા માનવીને ગુમાવવું ખૂબ જ દુઃખદ છે.

ઉત્તર પ્રદેશમાં કોંગ્રેસના નેતા દીપેન્દ્ર સિંહ હુડ્ડા કુન્નૂર હેલિકોપ્ટર દુર્ઘટનામાં જીવ ગુમાવનારા આગરા વિંગ કમાન્ડર પૃથ્વી સિંહ ચૌહાણના સંબંધીઓને મળ્યા હતા. તેમણે કહ્યું, ‘અમે આપણા દેશના બહાદુર સૈનિકોને સલામ કરીએ છીએ જેમણે પોતાના જીવનનું બલિદાન આપ્યું.’

શ્રીલંકાના હાઈ કમિશનર મિલિન્ડા મોરાગોડાએ કહ્યું કે, મોટી દુર્ઘટના થઈ છે. અમારા રાષ્ટ્રપતિએ આજે ​​અંતિમ સંસ્કારમાં હાજરી આપવા માટે શ્રીલંકાના સીડીએસ અને આર્મી કમાન્ડને તેમના દૂત તરીકે મોકલ્યા છે. અમને ખૂબ દુખ થયુ છે. અમારી સેનાના ઘણા વરિષ્ઠ કર્મચારીઓ તેમને સારી રીતે ઓળખે છે. તે શ્રીલંકાના મિત્ર હતા.

ચીફ ઑફ ડિફેન્સ સ્ટાફ (CDS) જનરલ બિપિન રાવતના મૃતદેહને તેમના નિવાસસ્થાનથી બેરાર સ્ક્વેર સ્મશાનગૃહમાં લઈ જવામાં આવી રહ્યો છે. રસ્તામાં હાજર લોકોએ કહ્યું, ‘જ્યાં સુધી સૂર્ય ચંદ્ર રહેશે ત્યાં સુધી બિપિનજીનું નામ રહેશે’.

CDS જનરલ બિપિન રાવતની અંતિમ ઝલક માટે મોટી સંખ્યામાં લોકો રસ્તાઓ પર એકઠા થયા છે. દરેક વ્યક્તિ ભારત માતા કી જય અને વંદે માતરમ બોલી રહ્યા છે.

ભારતના પ્રથમ CDS જનરલ બિપિન રાવતના અંતિમ સંસ્કારમાં શ્રીલંકા, ભૂટાન, નેપાળ અને બાંગ્લાદેશના લશ્કરી કમાન્ડર્સ પણ હાજરી આપશે.

ચીફ ઑફ ડિફેન્સ સ્ટાફ જનરલ બિપિન રાવતના પાર્થિવ દેહને તેમના નિવાસસ્થાનથી બેરાર સ્ક્વેર સ્મશાનગૃહમાં લઈ જવામાં આવી રહ્યો છે.

કેન્દ્રીય મંત્રી અશ્વિની કુમાર ચૌબેએ CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

આર્મી ચીફ જનરલ એમએમ નરવણે, એર ચીફ માર્શલ વીઆર ચૌધરી અને નેવી ચીફ એડમિરલ આર હરિ કુમારે સીડીએસ બિપિન રાવત અને તેમના પત્નીને શ્રદ્ધાંજલિ આપી.

આર્મી ચીફ જનરલ એમ.એમ. નરવણેએ દિવંગત સીડીએસ જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

ઉત્તર પ્રદેશના મુખ્યમંત્રી યોગી આદિત્યનાથે CDS બિપિન રાવત અને તેમની પત્નીને શ્રદ્ધાંજલિ આપી.

કેન્દ્રીય મંત્રી સર્બાનંદ સોનોવાલે દિવંગત સીડીએસ જનરલ બિપિન રાવત અને તેમની પત્ની મધુલિકા રાવતને  શ્રદ્ધાંજલિ આપી.

કેન્દ્રીય મંત્રી નરેન્દ્ર સિંહ તોમર અને રાજ્ય મંત્રી કૈલાશ ચૌધરીએ દિવંગત CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

વિદેશ મંત્રી ડૉ. એસ. જયશંકરે દિવંગત CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

ભારતીય કિસાન યુનિયન (BKU)ના નેતા રાકેશ ટિકટે CDSને શ્રદ્ધાંજલિ આપી હતી .

ત્રણેય સેનાના વડા સીડીએસ જનરલ બિપિન રાવતના ઘરે પહોંચી ગયા છે.

કેન્દ્રીય મંત્રી નિર્મલા સીતારમણે CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી હતી.

ઉત્તર પ્રદેશના ભૂતપૂર્વ મુખ્ય પ્રધાન અને સમાજવાદી પાર્ટીના નેતા મુલાયમ સિંહ યાદવે CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

તમિલનાડુમાં ભારતીય વાયુસેનાના વરિષ્ઠ અધિકારીઓ અને પોલીસની ટીમ કુન્નૂર નજીક હેલિકોપ્ટર ક્રેશ સાઇટ પર પહોંચી હતી.

કેન્દ્રીય મંત્રી સ્મૃતિ ઈરાનીએ CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

લોકો અંતિમ સંસ્કારમાં ભાગ લેવા આવશે અને તેથી બેરાર સ્ક્વેર નજીક માર્ગ પર કડક સુરક્ષા વ્યવસ્થા કરવામાં આવી છે. ઘણી કંપની અર્ધલશ્કરી દળો અને સેનાના જવાનોને પણ તૈનાત કરવામાં આવ્યા છે. દરેક જગ્યાએ પેરા મિલિટરી ફોર્સ તૈનાત કરવામાં આવી છે.

CDS બિપિન રાવત અને તેમની પત્ની મધુલિકા રાવતના અંતિમ સંસ્કાર આજે લગભગ 4 વાગ્યે બેરાર સ્ક્વેર ખાતે થવાના છે. જેમાં તમામ VIP સહિત હજારો લોકોની હાજરી રહેશે.

CDS બિપિન રાવત અને તેમની પત્ની મધુલિકા રાવતના બેરાર સ્ક્વેર ખાતે અંતિમ સંસ્કાર કરવામાં આવનાર છે. બેરાર સ્ક્વેરના માર્ગ પર તેમને શ્રદ્ધાંજલિ આપવા માટે હોર્ડિંગ્સ પણ લગાડવામાં આવ્યા છે.

કેન્દ્રીય મંત્રી અર્જુન રામ મેઘવાલે CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

બિપિન રાવતને નિર્ધારિત પ્રોટોકોલ મુજબ સીડીએસને 17 તોપની સલામી આપવામાં આવી રહી છે.

લોકસભા સ્પીકર ઓમ બિરલા અને કેન્દ્રીય મંત્રી મનસુખ માંડવિયાએ CDS જનરલ બિપિન રાવત અને તેમની મધુલિકા રાવતને શ્રદ્ધાંજલિ આપી.

ભારતીય વાયુસેનાએ જણાવ્યું હતું કે, 8 ડિસેમ્બરના રોજ થયેલા દુ:ખદ હેલિકોપ્ટર દુર્ઘટનાના કારણોની તપાસ કરવા IAF એ ટ્રાઇ-સર્વિસ કોર્ટ ઓફ ઇન્ક્વાયરીની રચના કરી છે. તપાસ ઝડપથી પૂર્ણ થશે અને હકીકત બહાર આવશે. ત્યાં સુધી મૃતકોની ગરિમાનું સન્માન કરવા માટે પાયાવિહોણી અટકળો ટાળી શકાય છે.

કેન્દ્રીય મંત્રીઓ અર્જુન મુંડા અને પશુપતિ કુમાર પારસે CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

બ્રિગેડિયર એલએસ લીડ્ડરની પત્ની ગીતિકા લીડ્ડર કહ્યું હતું કે, આપણે તેમને હસીને વિદાય આપવી જોઈએ. આયુષ્ય ઘણું લાંબુ છે, હવે જો ભગવાન આ સ્વીકારશે તો આપણે તેની સાથે જીવીશું. તે ખૂબ જ સારા પિતા હતા, પુત્રી તેમને ખૂબ જ યાદ કરશે. આ બહુ મોટું નુકસાન છે.

બ્રિગેડિયર એલ. એસ લીડ્ડરની પુત્રી આશના લીડ્ડરે કહ્યું, હું 17 વર્ષની થવાની છું. મારા પિતા 17 વર્ષ મારી સાથે રહ્યા, અમે તેમની સારી યાદોને અમારી સાથે લઈ જઈશું. આ રાષ્ટ્રીય નુકસાન છે. મારા પિતા મારા શ્રેષ્ઠ મિત્ર અને મારા હીરો હતા. તે ખૂબ જ ખુશ માણસ હતા  અને મારો સૌથી મોટા  પ્રેરક હતા.

વિવિધ દેશોની સૈન્ય ટુકડીઓએ ભારતના પ્રથમ CDS જનરલ બિપિન રાવતને શ્રદ્ધાંજલિ આપી હતી.

બ્રિગેડિયર એલએસ લીડ્ડરની પત્ની ગીતિકા લીડ્ડરે કહ્યું, આપણે તેમને હસતાં હસતાં વિદાય આપવી જોઈએ, હું એક સૈનિકની પત્ની છું. આ બહુ મોટું નુકસાન છે.

કેન્દ્રીય મંત્રી પીયૂષ ગોયલે CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી હતી.

સીડીએસ બિપિન રાવતના નિધન પર રાજ્યસભામાં વિપક્ષના નેતા મલ્લિકાર્જુન ખડગેએ કહ્યું કે, તેમનું નિધન દેશ માટે મોટી ખોટ છે. આ અમારી કમનસીબી છે કે અમે આવા સારા સૈનિકને ગુમાવ્યા છે. અમે આશા રાખીએ છીએ કે ભગવાન તેમના પરિવારને આ દુઃખ સહન કરવાની શક્તિ આપે.

બીજેપીના રાષ્ટ્રીય અધ્યક્ષ જેપી નડ્ડાએ દિલ્હીમાં CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી હતી.

દિલ્હીમાં, ધાર્મિક નેતાઓ સીડીએસ રાવત અને તેમની પત્ની મધુલિકા રાવતને અંતિમ શ્રદ્ધાંજલિ આપતી વખતે પ્આંખ ભીની થઇ ગઈ હતી.

ડીએમકેના નેતાઓ એ રાજા અને કનિમોઝીએ સીડીએસ જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

કેન્દ્રીય મંત્રી અનુરાગ ઠાકુરે CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

ભારતમાં ફ્રાન્સ અને ઇઝરાયેલના રાજદૂતો, ઇમેન્યુઅલ લેનિન અને નાઓર ગિલોનએ CDS જનરલ બિપિન રાવત અને તેમની પત્ની મધુલિકા રાવતને પુષ્પાંજલિ અર્પણ કરી હતી.

દિલ્હીના મુખ્યમંત્રી અરવિંદ કેજરીવાલ અને નાયબ મુખ્યમંત્રી મનીષ સિસોદિયાએ CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

સીડીએસ બિપિન રાવતના નિધન પર ઉત્તરાખંડના સીએમ પુષ્કર સિંહ રાવતે કહ્યું, આ સમગ્ર દેશ માટે એક મોટી ખોટ છે. અમે બધા ખૂબ જ દુઃખી છીએ. તે હંમેશા સેના માટે કામ કરતો હતો. ચીનનો મામલો હોય કે પાકિસ્તાનનો મામલો હોય, હંમેશા એકબીજાનો મક્કમતાથી સામનો કર્યો. તેમને પોતાની વતન ભૂમિ પ્રત્યે પણ ખૂબ જ લગાવ હતો.

ઉત્તરાખંડના ભૂતપૂર્વ મુખ્ય પ્રધાન તીરથ સિંહ રાવતે સ્વર્ગસ્થ CDS જનરલ બિપિન રાવત અને તેમની પત્ની મધુલિકા રાવતને તેમના નિવાસસ્થાને શ્રદ્ધાંજલિ આપી હતી.

કોંગ્રેસના વરિષ્ઠ નેતા મલ્લિકાર્જુન ખડગે અને ભૂતપૂર્વ સંરક્ષણ પ્રધાન એકે એન્ટનીએ CDS જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપી.

સીડીએસ જનરલ બિપિન રાવત અને તેમની પત્ની મધુલિકા રાવતને શ્રદ્ધાંજલિ આપવા ઈઝરાયેલના રાજદૂત નાઓર ગિલન તેમના નિવાસસ્થાને પહોંચ્યા હતા.

કેન્દ્રીય મંત્રી ગજેન્દ્ર સિંહ શેખાવત અને જમ્મુ અને કાશ્મીરના લેફ્ટનન્ટ ગવર્નર મનોજ સિન્હાએ CDS જનરલ બિપિન રાવત અને તેમની પત્ની મધુલિકા રાવતને તેમના નિવાસસ્થાને શ્રદ્ધાંજલિ આપી હતી.

CDS જનરલ બિપિન રાવત અને મધુલિકા રાવતની પુત્રીઓ કૃતિકા અને તારિણીએ તેમના માતા-પિતાને અંતિમ શ્રદ્ધાંજલિ આપી હતી.

કોંગ્રેસના નેતા રાહુલ ગાંધીએ CDS જનરલ બિપિન રાવત અને તેમની પત્ની મધુલિકા રાવતને તેમના નિવાસસ્થાને શ્રદ્ધાંજલિ આપી હતી.

દિલ્હીના લેફ્ટનન્ટ ગવર્નર અનિલ બૈજલે CDS જનરલ બિપિન રાવત અને તેમની પત્ની મધુલિકા રાવતને તેમના નિવાસસ્થાને કુન્નૂરમાં હેલિકોપ્ટર દુર્ઘટનામાં જીવ ગુમાવનારાઓને શ્રદ્ધાંજલિ આપી હતી.

હરિયાણાના સીએમ મનોહર લાલ ખટ્ટરે કહ્યું કે, દેશના બહાદુર બ્રિગેડિયર એલ.એસ. લીડ્ડરને જે રીતે અકસ્માત થયો તેનાથી દેશને મોટું નુકસાન થયું છે. તેમનું પ્રમોશન થવાનું હતું, તેઓ દેશની મોટી કમાન સંભાળવાના હતા, પરંતુ તેમણે અમને અધવચ્ચે જ છોડી દીધા. અમે આ માટે ખૂબ જ દિલગીર છીએ.

બીજેપી નેતા રવિશંકર પ્રસાદે જનરલ બિપિન રાવત અને તેમની પત્ની મધુલિકા રાવતને તેમના નિવાસસ્થાન પર શ્રદ્ધાંજલિ આપી છે. જેમણે તમિલનાડુના કુન્નૂરમાં હેલિકોપ્ટર દુર્ઘટનામાં જીવ ગુમાવ્યો છે.

કોંગ્રેસના નેતા હરીશ રાવતે જનરલ બિપિન રાવત અને તેમની પત્ની મધુલિકા રાવતને તેમના નિવાસસ્થાને શ્રદ્ધાંજલિ આપી હતી.

દિલ્હીમાં CDS રાવતનું યુનિટ 5/11 ગોરખા રાઈફલ્સ તેમના અંતિમ સંસ્કાર માટેની તમામ વ્યવસ્થાઓ જોઈ રહ્યું છે.

સીડીએસ રાવતને અંતિમ શ્રદ્ધાંજલિ આપતી વખતે વૃદ્ધ મહિલા રડવા લાગી હતી.

ગૃહમંત્રી અમિત શાહે બિપિન રાવતના ઘરે જઈને શ્રદ્ધાંજલિ આપી છે. અમિત શાહે જણાવ્યું હતું કે, જનરલ રાવત બહાદુરી અને હિંમતના પ્રતિક હતા. તેને આટલી વહેલી તકે ગુમાવવું ખૂબ જ કમનસીબ હતું. માતૃભૂમિ પ્રત્યેની તેમની પ્રતિબદ્ધતા હંમેશા આપણી યાદોમાં રહેશે.

દિલ્હીમાં ઉત્તરાખંડના મુખ્ય પ્રધાન પુષ્કર સિંહ ધામીએ જનરલ બિપિન રાવત અને તેમની પત્ની મધુલિકા રાવતને નિવાસસ્થાન પર શ્રદ્ધાંજલિ આપી હતી. જેમણે તમિલનાડુના કુન્નૂરમાં હેલિકોપ્ટર દુર્ઘટનામાં જીવ ગુમાવ્યો છે.

દિલ્હીના બેરાર સ્ક્વેર સ્મશાનગૃહ ખાતે બ્રિગેડિયર એલ.એસ લીડ્ડરના અંતિમ સંસ્કારની વિધિ કરવામાં આવી રહી છે.

દિલ્હીમાં ગૃહ પ્રધાન અમિત શાહે જનરલ બિપિન રાવતને શ્રદ્ધાંજલિ આપી હતી. જેમણે તમિલનાડુના કુન્નૂરમાં હેલિકોપ્ટર દુર્ઘટનામાં જીવ ગુમાવ્યો હતો.

દિવંગત સીડીએસ જનરલ બિપિન રાવત અને તેમની પત્ની મધુલિકા રાવતના પાર્થિવ દેહને દિલ્હીમાં તેમના નિવાસસ્થાને લાવવામાં આવ્યા હતા.

દિલ્હીમાં બ્રિગેડિયર એલ.એસ લીડ્ડરની પત્ની અને પુત્રીએ બેરાર સ્ક્વેરમાં તેમને શ્રદ્ધાંજલિ આપી હતી.

રક્ષા મંત્રી રાજનાથ સિંહે દિલ્હીમાં બ્રિગેડિયર એલ.એસ. લીડ્ડરને સ્ક્વેર સ્મશાનમાં શ્રદ્ધાંજલિ આપી હતી.

આર્મી ચીફ જનરલ એમએમ નરવણે, નેવી ચીફ એડમિરલ આર. હરિ કુમાર અને વાયુસેનાના વડા એર ચીફ માર્શલ વી.આર. ચૌધરીએ બ્રિગેડિયર એલ.એસ. લીડ્ડરને સ્ક્વેર સ્મશાનગૃહમાં શ્રદ્ધાંજલિ આપી હતી.

રાષ્ટ્રીય સુરક્ષા સલાહકાર અજીત ડોભાલ દિલ્હીમાં બ્રિગેડિયર એલ.એસ.લીડ્ડરને સ્ક્વેર સ્મશાન ગૃહમાં લિડરને શ્રદ્ધાંજલિ આપવામાં આવી હતી.

હરિયાણાના મુખ્યમંત્રી મનોહર લાલ ખટ્ટરે બ્રિગેડિયર એલ.એસ. લીડ્ડરને સ્ક્વેર સ્મશાન ગૃહમાં લિડરને શ્રદ્ધાંજલિ આપવામાં આવી હતી.

દિલ્હીમાં તમિલનાડુના કુન્નુરમાં હેલિકોપ્ટર દુર્ઘટનામાં જીવ ગુમાવનાર બ્રિગેડિયર એલ.એસ. લીડ્ડરના મૃતદેહને બેરાર સ્ક્વેર સ્મશાનગૃહમાં લાવવામાં આવ્યો હતો.

બ્રિગેડિયર એલ.એસ. લીડ્ડરના મૃતદેહને બેઝ હોસ્પિટલથી શંકર વિહાર સ્થિત તેમના નિવાસસ્થાને લઈ જવામાં આવી રહ્યો છે. આજે તેમના સંપૂર્ણ સૈન્ય સન્માન સાથે અંતિમ સંસ્કાર કરવામાં આવશે.