Breaking News: જમ્મુ-કાશ્મીરના કુલગામમાં CRPF ની પેટ્રોલિંગ ટૂકડી પર આતંકી હુમલો, ફાયરિંગમાં ત્રણ જવાન ઘાયલ

જમ્મુકાશ્મીરના કુલગામ જિલ્લામાં બુધવારે બપોરના સમયે આતંકીઓએ CRPF ની પેટ્રોલિંગ પાર્ટી પર હુમલો કર્યો. મોટર સાયકલ પર આવેલા આતંકીઓએ તૈનાત જવાનો પર ફાયરિંગ કર્યુ. CRPF ના જણાવ્યા અનુસાર ઘટના બપોરના 2.15 વાગ્યા આસપાસ બની હતી. હુમલાખોરોએ જવાનો પર ગોળીઓ ચલાવી અને તુરંત ત્યાંથી ફરાર થઈ ગયા હતા.

આ હુમલામાં CRPFના 3 જવાનો ઘાયલ થયા છે. બંનેને સારવાર માટે અનંતનાગ જિલ્લાની એક હોસ્પિટલમાં દાખલ કરવામાં આવ્યા છે. હુમલા બાદ CRPFના જવાનોએ જવાબી કાર્યવાહી કરતા કાઉન્ટર એટેક કર્યો.  જવાબ આપ્યો હતો. માહિતી મળતાની સાથે જ ‘ક્વિક રિએક્શન ટીમ’ (QRT) ઘટનાસ્થળે પહોંચી ગઈ હતી.

સુરક્ષા દળોએ સમગ્ર વિસ્તારને કોર્ડન કર્યો છે અને હુમલાખોરોને શોધવા માટે સર્ચ ઓપરેશન શરૂ કર્યું છે. આ વિસ્તારમાં સુરક્ષા વ્યવસ્થા સઘન બનાવવામાં આવી છે. સુરક્ષા દળો હુમલાખોરોની ઓળખ કરવા અને તેમને પકડવા માટે કામ કરી રહ્યા છે. હાલમાં સર્ચ ઓપરેશન ચાલુ છે.

આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..