Breaking News : ભારત 80,000 કરોડનો ડિફેન્સ પ્લાન, ભારત બનાવશે 6 નવી સબમરીન

ભારત પોતાની અંડરવોટર ડિફેન્સ ક્ષમતા વધારવા માટે 80,000 કરોડથી વધારે પ્રોજેક્ટને અંતિમ મંજુરી આપવાને નજીક છે. જેના હેઠળ જર્મનીની પાર્ટનરશીપમાં ભારતમાં 6 એડવાન્સ કન્વેન્શલ સબમરીન બનાવવામાં આવશે. આ સાથેત્રણ વધારાની સ્કોર્પિયન સબમરીન બનાવવાનો પ્રસ્તાવ પણ વિચારણા હેઠળ છે.

Project-75(I)ને મંજુરીની રાહ

6 નવી સબમરીન લાંબા સમયથી ચાલતા Project-75(I) હેઠળ બનાવવામાં આવશે. જેમાં મઝાગાંવ ડોક શઇપબિલ્ડર્સ (MDL) અને જર્મન કંપની TKMSની પાર્ટનરશીપનો પ્રસ્તાવ છે. આ સબમરીન ભારતમાં બનાવવામાં આવશે અને તેમાં ભારતીય ખાનગી ક્ષેત્રની કંપનીઓ સામેલ થશે.

રક્ષા સચિવ રાજેશ કુમાર સિંહના અનુસાર Project-75(I) નું કામ છેલ્લા તબક્કામાં છે. તેમજ સક્ષમ પ્રાધિકારીના છેલ્લા નિર્ણયની રાહ જોવાય રહી છે. આ સિવાય વધારાની સ્કોર્પિન સબમરીનનો પ્રસ્તાવ પણ વિચારણા હેઠળ છે, જોકે તે હજુ સુધી તે અદ્યતન તબક્કામાં પહોંચ્યો નથી.

3 વધુ સ્કોર્પીન બનાવવા પર વિચાર

ભારત હાલની કાલવરી ક્લાસ અથવા સ્કોર્પીન લાઇનને પૂરક બનાવવા માટે ત્રણ વધુ સબમરીન બનાવવાના પ્રસ્તાવ પર પણ વિચાર કરી રહ્યું છે. આ સબમરીન મુંબઈ સ્થિત MDL ખાતે પણ બનાવી શકાય છે. પ્રોજેક્ટ 75 હેઠળ ભારતમાં છ કાલવરી-ક્લાસ સબમરીન બનાવવામાં આવી ચૂકી છે. છેલ્લી સબમરીન, INS વાગશીર, જાન્યુઆરી 2025 માં ભારતીય નૌકાદળમાં સામેલ કરવામાં આવી હતી.

સબમરીનમાં પણ લાગશે સ્વદેશી AIP

નવી સબમરીનની સાથે, હાલના કાફલાને પણ અપગ્રેડ કરવામાં આવી રહ્યું છે. ડીઆરડીઓ દ્વારા વિકસાવવામાં આવેલી એર ઇન્ડિપેન્ડન્ટ પ્રોપલ્શન (AIP) સિસ્ટમ, સ્કોર્પિન ક્લાસ સબમરીન પર સ્થાપિત કરવામાં આવશે. AIP ટેકનોલોજી પરંપરાગત ડીઝલ-ઇલેક્ટ્રિક સબમરીનને લાંબા સમય સુધી પાણીની અંદર રહેવાની મંજૂરી આપે છે. આ વારંવાર સપાટી પર રહેવાની જરૂરિયાત ઘટાડે છે.

સ્વદેશી કોમ્બૈટ સિસ્ટમ પણ થશે અપગ્રેડ

રક્ષા સચિવના જણાવ્યા મુજબ નૌસેનાના Naval Physical & Oceanographic Laboratory (NPOL) સબમરીન માટે એક સ્વદેશી ઈન્ટીગ્રેટેડ કોમ્બૈટ સિસ્ટમ પણ વિકસિત કરી છે. જેને સમયની સાથે રિફિટ દરમિયાન તેને હાલની સબમરીન પર સ્થાપિત કરવામાં આવશે.

ભારતમાં સૈન્યની ત્રણ પાંખ છે. ભૂમિદળ, નૌકાદળ અને હવાઈ દળ. સૈન્યની આ ત્રણેય પાંખની કામગીરી પણ અલગ અલગ છે. અહી ક્લિક કરો