Breaking News : ગુવાહાટીની હોટલમાં અંધાધૂંધ ફાયરિંગ, 5 લોકોના મોત, 6 ઘાયલ

સોમવારે સાંજે આસામના ગુવાહાટી (Guwahati)માં ગોળીબારની એક મોટી ઘટના બની. પલટન બજાર પોલીસ સ્ટેશન વિસ્તારમાં આવેલા જીએસ રોડ પર બોરા સર્વિસ વિસ્તારમાં હોટલ બિલાસ ઇન પાસે અંધાધૂંધ ગોળીબાર થયો. પોલીસ કમિશનરના જણાવ્યા અનુસાર, એક મહિલા સહિત પાંચ લોકો માર્યા ગયા અને છ લોકો ઈજાગ્રસ્ત થયા હતા. ગોળીબારમાં હોટલ માલિક અને તેના પુત્રનું મોત થયું. હત્યાઓ જમીન વિવાદને કારણે થઈ હતી. આરોપીની ધરપકડ કરવામાં આવી છે.

હોટલમાં અંધાધૂંધ ફાયરિંગ

ગુવાહાટી પોલીસ સ્ટેશનના અધિકારી પાર્થ સારથી મહંતે જણાવ્યું હતું કે, ગુવાહાટીના બોરા સર્વિસ એરિયામાં હોટેલ બિલાસ ઇનમાં રાત્રે લગભગ 9 વાગ્યે એક ગોળીબારની ઘટના બની હતી. 6 લોકો ઘાયલ થયા હતા, જેમાંથી પાંચના મોત થયા હતા. એક વ્યક્તિની સારવાર ચાલી રહી છે, અને આરોપીની ધરપકડ કરવામાં આવી છે.

ગોળીબાર પાછળનું કારણ છે?

હાલમાં તે સ્પષ્ટ નથી કે ગોળીબાર કોઈ વ્યક્તિ પર કરવામાં આવ્યો હતો કે જૂથ પર, કે પછી તે કોઈ વ્યક્તિગત વિવાદને કારણે થયો હતો. પોલીસ ઘટનાની તપાસ કરી રહી છે, ઘટનાસ્થળેથી પુરાવા એકઠા કરી રહી છે અને પ્રત્યક્ષદર્શીઓના નિવેદનો નોંધી રહી છે. હુમલાખોરોની ઓળખ કે ઘટના પાછળના હેતુ અંગે પોલીસ દ્વારા હજુ સુધી કોઈ સત્તાવાર માહિતી જાહેર કરવામાં આવી નથી.

ગોળીબાર બાદ વિસ્તારમાં ભયનો માહોલ

ગુવાહાટીના વ્યસ્ત બોરા સર્વિસ વિસ્તારમાં બનેલી આ ઘટનાથી સ્થાનિકોમાં ગભરાટ ફેલાયો છે. ગોળીબારની માહિતી મળતાં જ રહેવાસીઓ ઘટનાસ્થળ નજીક ભેગા થઈ ગયા હતા. સુરક્ષા કારણોસર પોલીસે વિસ્તારને ઘેરી લીધો છે. પોલીસ હાલમાં ઘટનાની તપાસ કરી રહી છે.

ઘટનાની માહિતી મળતાં, ગુવાહાટી પોલીસના વરિષ્ઠ અધિકારીઓ ઘટનાસ્થળે પહોંચ્યા અને પરિસ્થિતિનું મૂલ્યાંકન કર્યું. પોલીસે વિસ્તારને ઘેરી લીધો છે અને તપાસ શરૂ કરી છે. અધિકારીઓ એ જાણવાનો પ્રયાસ કરી રહ્યા છે કે ગોળીબાર કેવી રીતે શરૂ થયો અને તેની પાછળ કોણ હતું.

આસામના મુખ્યમંત્રી હિમંતા બિસ્વા સરમાનો આવો છે પરિવાર અહી ક્લિક કરો